نصيحة فى تغيير الزيت

**abasse** · 24-08-2009 06:55 AM

سوال معلش باجماعة
أنا عايز أغير زيت للعربية ممكن أعرف أفضل نو ع زيت للميجان وأحسن مكان أغير فيه ونوع الفلتر الى أركبه عند التغيير وأحط 10000 ولا 5000 وهل فى حاجة أخلى بالى منها وأنا بغيير ؟؟؟؟؟؟؟

معلش أصل دى أنا لسة جديد فى العربيات

**original** · 24-08-2009 08:14 AM

هيا طبعا رينو بتنصح بإستخدام توتال عشان فرنساوى زيها بس شل أو موبيل1 10000 ممتازين للعربيات الجديدة والفلتر تجيبه من التوكيل وتغير فى محطة خدمة محترمة عشان ضمان الأمانة..

**abasse** · 24-08-2009 05:43 PM

طب ياجماعة حد يعرف الفلتر بيباع بره فين وهل الميجان ليها فلتر لوحدها ولو أمثلة للمحطات الى ممكن أغير فيها

**original** · 26-08-2009 06:48 AM

الفلتر هتجيبه من التوكيل أضمن وممكن لو عرفت تاخد القديم وتبأا بعد كده تشوف زيه فى السوق بس برده التوكيل أضمن عشان أصلى
أى محطة نضيفة لموبيل أو شل هتكون ممتازة وماتقلقش
وطبعا لما بيشفط الزيت أضمن ما يفتح الطبة وممكن مايربطهاش كويس ومافتكرش فيه حد دلوأت بيفتح طبة الزيت
ويربطلك على الفلتر كويس

**blazer** · 26-08-2009 06:54 AM

المشاركة الأصلية كتبت بواسطة original

الفلتر هتجيبه من التوكيل أضمن وممكن لو عرفت تاخد القديم وتبأا بعد كده تشوف زيه فى السوق بس برده التوكيل أضمن عشان أصلى
أى محطة نضيفة لموبيل أو شل هتكون ممتازة وماتقلقش
وطبعا لما بيشفط الزيت أضمن ما يفتح الطبة وممكن مايربطهاش كويس ومافتكرش فيه حد دلوأت بيفتح طبة الزيت
ويربطلك على الفلتر كويس

بلعكس
فتح الطبه افضل من شفط الزيت لانه لما بيفتح الطبه كل الرواسب بتنزل منها
والموضوع دا اتناقش قبل كدا فى المنتدى ودا كان الرأى اللى تم الاتفاق عليه

**أحمد كمال** · 26-08-2009 11:26 AM

المشاركة الأصلية كتبت بواسطة blazer

بلعكس
فتح الطبه افضل من شفط الزيت لانه لما بيفتح الطبه كل الرواسب بتنزل منها
والموضوع دا اتناقش قبل كدا فى المنتدى ودا كان الرأى اللى تم الاتفاق عليه

+1

و اصلا ماهو لو ممكن الطبة ما تتربطش كويس ممكن جدا جدا الفلتر ما يتربطش كويس و ده ربطه اصعب

و بعدين الميجان و الكليو و السينيك اول ما بتدور الموتور بيكتب لك Oil Level OK

و ممكن تضغط في ساعتها زرار Up or Down اللي في دراع المساحات عشان تعرف مستوى الزيت بالظبط

لو قلقان ان الطبة ما اتربطتش كويس تشيك عالزيت بالطريقة دي كل شوية

و بعدين لو رحت بنزينة نضيفة مش هتقلق من الموضوع ده

و الاحسن من ده كله انك تغير في التوكيل وقت الصيانة و تشتري دماغك

**أحمد كمال** · 26-08-2009 02:49 PM

المشاركة الأصلية كتبت بواسطة original

كلام جميل وماكنتش مقتنع بغيره لحد ما إضطريت أنزل زيت موبيل 1 تانى يوم بعد ماغيرته بسبب طبة الزيت اللى بتنقط
المشكلة إن نادرا لما حد بيغير الوردة بتاعة الطبة ودى المشكلة لما بتفتح طبة الزيت

بس الشوائب مع الشفط مش هتطلع كلها

و الطبة مقدور عليها و بعدين كان ممكن تنزل الزيت في صفيحة نضيفة او جردل نضيف و تحطه تاني بدل ما تدلقه

**megane_man** · 28-08-2009 04:28 PM

السلام عليكم يوحوش كل سنة وانتم طيبين وربنا يجمعنا جميعا علي خير
بالنسبة لموضوع تغيير الزيت التوكيل عامل خدة للعملاء انه يغير زيت وفلتر للعربية بص للي عاوز مش مرتبطة بالصيانة ولما سألت مهندس الأستقبال قالي لأن في عملاء بيشتكو من تغيير الزيت برة فعملو الخدمة دي والمفروض انها من غير حجز وببتعمل في ساعة بص مسئلتش علي التكلفة ودي للعربيات الي خارج الضمان

-

الموضوع: نصيحة فى تغيير الزيت

LinkBack

أدوات الموضوع

عرض

-

-

-

-

-

-

المواضيع المتشابهه

فلتر الزيت لشيرى qq هل اجده فى البنزينه عند تغيير الزيت؟

نصيحة للي عنده غطاء الزيت بيرشح

تغيير الزيت و فلتر الزيت

نصيحة فى الزيت

نصيحة لنوع الزيت ؟

الكلمات الدلالية لهذا الموضوع

المفضلات

المفضلات

ضوابط المشاركة