نصيحة للي عنده غطاء الزيت بيرشح

**hamaza81** · 12-10-2011 10:44 AM

آخر مرة غيرت زيت كان من حوالي 4000 كم
وأنا بحط في عربيتي موبيل1
بعد تغيير الزيت ألاقي حوالين الغطا دايما في زيت بيرشح
وماكنتش بحب المنظر دا

المهم الميكانيكي آخر مرة لقيته بيقفل غطاء الزيت للآخر وبعد كدة يفتحه ربع فتحه بحيث الغطا يبقى مزنوق كويس
قولتله ياعم الغطاء بيتقفل للآخر
قالي لا القفل للآخر دا بيخلي الزيت يرشح حوالين الغطاء
وفعلا من ساعتها مافيش أي نوع من الترشيح نهائي

وسلملي على ضميرك يا Axel بيه

**M.Elgergawy** · 12-10-2011 11:18 AM

شكرا يا باشا وجاري التجربة عشان عندي نفس المشكلة

**dr.hazem** · 12-10-2011 12:11 PM

شكرا جزيلا يابشمهندس ولما ابقى ارجع من السفر ابقى اجرب ان شاء الله

**Amr Axel** · 12-10-2011 01:06 PM

شكرا يا استاذ حمزة ع نقل المعلومة
انا اول مرة اعرف الموضوع ده بس جايز تصميم الغطا الداخلي بيقفل عن اخر الخرطة و بعد كده الجزء اللي فوق الخراطة املس فبيسبب ترشيح الزيت مع الحركة و الله اعلم

انا دايما بقفل ع الاخر و مفيش اي ترشيح بس هفضل وراها و اشوف في اي عربية شخص اعرفه ههههههه

بس سؤال ايه اللي جاب سيرة ضميري في الليلة ديه و لا عايزه يطلعلنا تاني مانا اللي هتقرف هههههههه

**Amr Axel** · 13-10-2011 12:51 AM

المشاركة الأصلية كتبت بواسطة hamaza81

هو الغطاء أصلا في حتة كاوتش واعتقد انه معمول بالشكل دا لحكمة معينة أنا مش عارفها بس مع الوقت تقريبا الكاوتشة دي بتنشف فبتخلي ترشيح الزيت يبقى بنسبة أكبر

ولو على ضميرك - قوله إحنا مش بنخاف .... إحنا بتوع الماروتي

مش خايف من ضميري يا جامد انت هههههه
و فعلا فيه كاوتشة في الاخر فاستغربت بس جايز موضوع انها بتنشف و بتدوب انما تنشف لوحدها و تسرب معتقدش و عامة لو نشفت شوية زيت يطروها هههههههههه

**Abdm** · 15-10-2011 06:03 PM

أنا أعتقد أن السبب هو كمية الزيت أكتر من اللازم علشان كدة بيحصل التعريق دة على الموتور لآزم نلتزم بالكمية المحددة وما نحطش زيت أكتر من اللازم ويكون الزيت عند الميكسمام أو تحتية حاجة بسيطة قوى لكن مش بعدية علشان كمان لما يكون زيادة بيبوظ البوجيهات .

والله الموفق والمستعان

**maroty** · 18-10-2011 03:19 PM

الموضوع ده حصل معايا والميكانيكي جاب كاوتشة جديدة مكان اللي كانت موجوده والموضوع معادش بيحصل بس كنت عايز أعرف المفروض وضع كمية قد أية من الزيت في المكنةوشكراً ليكم

-

الموضوع: نصيحة للي عنده غطاء الزيت بيرشح

LinkBack

أدوات الموضوع

عرض

-

-

-

-

المواضيع المتشابهه

غطاء الزيت لسكودا فيليشيا

غطاء الزيت

نصيحة فى الزيت

هل خروج بخار الزيت عند فتح غطاء زيت المحرك طبيعي ام لا

نصيحة لنوع الزيت ؟

الكلمات الدلالية لهذا الموضوع

المفضلات

المفضلات

ضوابط المشاركة