الموضوع: البوجيهات فى كلمات

باشمهندس سمير ... انا لى سؤال غريب مش عارف أجابته لا أجد له تفسير علمى

ليه تفسير علمى وكل حاجه يا أستاذ : على
وده مرتبط فعلا بالجاب بين قطبى البوجيه
وكل ماكانت دقيقه ...كل ماكانت الشراره الناتجه من كسر مقاومة العزل الكهربى للهواء الموجود بين قطبى البوجيه (الثغره أو الجاب) أكفأ وأحسن
وبالتالى الحصول على شراره قويه وجيده تفيد فى رفع كفاءة عملية الحريق لمخلوط الهواء والبنزين داخل أسطوانات المحرك

لما جيت أغير البوجيهات الصنيعى العبقرى المصرى اللى لازم يألف علشان يبقى صنيعى كويس قال
لازم نظبط الجاب فى البوجيه الجديد ... لقيته جاب مفك وبدأ يبعد بين طرفى البوجيه ..

هههههههههه
فى الحقيقة هو صح ....بس المهم يكون شيك على الضبط اللى عمله بالمقياس التحسسى لسمك الثغره ( الفيللر يعنى )
وأدى صورة الفيللر

وطبعا أكد انه ده بساعد على الحريق أفضل

نعم ...وأهم شىء زى ماقولنا يكون ألتزم بالمقاس المقنن من قبل صانع المحرك (مش بالبركه يعنى )

سؤالى الجاب دى بتتحسب أزاى وأعرف النسبه أزاى ؟؟؟

حسب توصيات صانع المحرك
فعندك فى الدايو
الجاب فى الانوس من 0.7 الى 0.8 مم
الجاب فى النوبيرا من 1 الى 1.17 مم

المشاركة الأصلية كتبت بواسطة maka

والفيللر ده لو عاوز اجيبه القيه فين ؟؟؟

موجود ياباشا عندك فى وسط البلد
شارع الجمهوريه (على ما أتذكر )
مليان بتوع عده وقطع غيار
حتلاقى أى حاجه تحتاجها من العده أو أجهزة القياس