الموضوع: والله عمرنا ما هنتقدم

أنا هنا في السعوديه مفيم عربيتي 30% عازل حراري لزجاج الأجناب والخلفي ومصرح هنا في السعوديه ( والتي أعمل بها منذ 3 سنوات ) انك تفيم الأتنين اللي ورا والخلفي 100% كمان لكن زجاج السائق واللي جنبه لا ده قانون المرور هنا والمرور مابيكلمكش إلا لو كنت مفيم زجاج السائق واللي جنبه أكتر من 30% طبعا لأنهم عارفين أن حرارة الشمس هنا صعبه وقاسيه سامحين بالفاميه لكن السؤال بقى .... ليه مصر مانعه الفاميه نهائي مع انه يباع على مستوى العالم نظرا لفوائده الكبيره في تقليل أشعة الشمس الضاره وتقليل التكاليف من أستهلاك للتكييف والبنزين وغيرها من الفوايد؟
عارفين ليه ... مجرد سبوبه عشان يلموا قرشين حق المخالفت دي وبس.
رغم بقى أنك محتاجه ومافيش سبب يخليهم يمنعوه لكن مانعينه تقوم تعمل أيه ؟؟؟؟؟ كلنا بندور على واسطه تشيلك المخالفات وأنت بتجدد او تخفضها أو تجيب تصريح ع الرخصه زجاج ملون ( بواسطه برضه ) وخلاص .
طب هل أنا كده أبقى خالفت القانون؟
رأيي الشخصي أني مادام مخالفتي للقانون دي لم ولن تضر أحد إذا مافيش مشكله ..لأن قانون المرور ماهواش قرأن لازم ألتزم بيه المهم أني ماأضرش حد تاني زي موضوع الضرر الناتج عن الدفيندر مثلا وزي ماقولت لو حد عنده سبب منطقي لمنع الفاميه في مصر غير أنها سبوبه للحكومه انا مش هركب فاميه أبدا .

المشاركة الأصلية كتبت بواسطة ahmed0nouh

بالراحه بس اقرا الاول اللينكات دى

دى المانيا ممنوع فيها اى نوع من انواع الفاميه على الزجاج الامامى او الابواب الاماميه فقط مسموح فى الخلف
؟

حيرتنى معاك يا احمد
انت مش كاتب مش شوية انة ممنوع فى اوروبا ..
دلوقتى كاتب انة مسموح فى الخلف ....!!!!

ما هو انا كتبلك اللى بينزل اساسى فى عربيات كتير اوروبى ..و دة بيكون فى الخلف ...هو دة الفمية اللى انا اقصدة اساسا ..

انما الفمية الزجاج الامامى و الابواب الامامية دة طبعا طبيعى انة يكون مش مفيم ....امال اللى حيسوق حيشوف ازى ؟؟؟؟ ..

هو الى ممنوع فى مصر الامامى ولا خلفى ...؟؟

يا جماعه كلمه فاميه اللى انا قاصدها هى القاتم او الدارك بالتأكيد , لأن ال 30% مش فاميه وده مصرح بيه فى كل مكان

... ماشي
لكن هنا ممنوع اللايت برضه!!
مش دي حاجة غريبة؟
اية المانع يعنى لما الناس تركب فاميه لايت عشان الشمس؟
اية الرفاهية اللى في كدا ؟

المشاركة الأصلية كتبت بواسطة ahmed0nouh

اصل هنا اللى بيفيم بيعمل كله مش ورا بس وبيبقى عاده غامق لدرجه متشوفش جوا العربيه

حصل خير يا اخى ,و انا متفق معاك ان الغامق دة لازم يكون ممنوع , لانة خطر اساسا على صحبة قبل اى حد , و مش طبيعى ان اسوق عربية بالدرجة دى من السواد .
لانة اساسا السيارت الجديدة الرؤية فيها مش كبيرة زى مودلات زمان , مينفعش انا بقى اسود الزجاج الى فاضل ...دة خطر جدا و خصوصا بالليل .

انما الدرجات التقليدية المسموح بيها فى الزجاج الخلفى و بدرجة محددة من الشركة الصانعة للسيارة اساسا , دى مافيش فيها مشكلة ,و من الغريب انها تكون ممنوعة او فيها اى مشكلة .

المشاركة الأصلية كتبت بواسطة bassemali

رأيي الشخصي أني مادام مخالفتي للقانون دي لم ولن تضر أحد إذا مافيش مشكله ..لأن قانون المرور ماهواش قرأن لازم ألتزم بيه المهم أني ماأضرش حد تاني زي موضوع الضرر الناتج عن الدفيندر مثلا وزي ماقولت لو حد عنده سبب منطقي لمنع الفاميه في مصر غير أنها سبوبه للحكومه انا مش هركب فاميه أبدا .

مع احترامي الشديد ايه المنطق الغريب ده!!!!!

طيب ولما ييجي حد هوه اللي يضرك مش هتجري عالقانون تترجاه يجيبلك حقك!!

و لما القانون مش قرأن لازم تلتزم بيه حضرتك مش مفيم الأزاز اللي قدام ليه مش خوف من القانون السعودي لما أي سيارة شرطة توقفك و تخالفك و تبئى بهدله!!

انا مفيم العربية كلها الأربع شبابيك فيميه خفيف و اللي ورا كمان و السبب شمس الرياض الحارقة و اني متزوج و عندي بنت رضيعة و علشان ده كل ما يوقفوني هنا يسسألوني و يعرفوا اني متزوج و رب أسرة يعدوني عادي

لكن لما كنت هنا لوحدي كنت ماشي بالعربية عادي من غير تفييم خالص لعشان وجع الدماغ و المخالفات و البهدلة

القانون مش معمول علشان مزاجنا يعني نلتزم بيه كل خميس و جمعة و سبت مثلا و نهمله باقي السنة لأ القانون نظام حمايتي و حمايتك و علشان لو انت ضريتني و انت أقوى مني مليون مرة ما أضطرش أتخانق معاك علشان أخد حقي لأ النظام هوه اللي يحكمني و يحكمك مش عضلاتك ولا قوتك و لا طولة لساني أو لسانك

مع احترامي يا عزيزي كلامك مش منطقي و للأسف انت نفسك كدبته في أول ردك بأنك مجبر بالالتزام بالقانون السعودي يعني مش عارف انته رجعت غيرت كلامك تاني ليه!!!!!!!!

و بالنسبة لمنع الفيمية في مصر انا عندي سبب تاني اسلوب القطيع اللي بيتميز بيه نسبة كبيرة من الناس و لو سمحوا بالفيمية بضوابط هتلاقي كل البلد مفيمة و دارك دارك يعني قال يعني ترويش و بلطجة و عجهية و فرعنة (زي ما حضرتك قلت بنفسك) كله هيقول زيك القانون ده مش قرأن لازم التزم بيه و هندخل في مرحلة الفيميه السيلفر العاكس و الجولد و هكذا و مش هنخلص

احنا عارفين نعمل رادار و لا ننضم أشارة مرور و لا مواقف مكروباص لما هنحط فايميه بضوابط و نسب..لأ أمنع يا عم من اساسه لأسباب أمنية و اجتماعية و غيرها..........

و شكرا لسعة صدر الجميع و شكر خاص لصاحب الموضوع المميز............

و رمضان كريم............