الموضوع: سجل لانجازات منتدى بروتون على نايل موتورز

السلام عليكم ورحمة الله وبركاته

الحقيقه محدش ينكر دور منتدى بروتون بمجهود كل اعضائه فى خدمة كل من ينتمى له او حتى يمر عليه بداية من الاستفاده الفنيه من اسئله او استفسارات او طلب مساعده بالاضافه للعروض والتخفيضات سواء على العربيه او على اى حاجه لها علاقه بيها واعتقد ان المنتدى كان السبب فى تشجيع ناس كتير على شراء العربيه او حصولهم على خدمات ممتازه بعد كده .فانا فكرت طب ليه زى ما اى حد فينا كاتب لنفسه c.v بيشرح فيه شغله السابق ومزاياه وحجم وشكل العمل اللى قدر انه يعمله قبل كده طب ليه منعملش برضه موضوع خاص كل واحد يستفيد من خصم او عرض خده من خلال المنتدى يدخل ويسجل ده فى الموضوع وكل فتره نرتب الناس على حسب كل عرض واستفادتهم منه يعنى مثلا التخفيض على سعر العربيه اللى كان استاذ ايمن جايبه طبعا ناس كتير جدا استفادت منه وكان حافز لهم على شراء العربيه بعد ماعرفوا مزاياها وعيوبها من اعضاء المنتدى برضه فهل شىء صعب او كتير انه يتكرم وبس يدخل ويقول انا استفدت من عرض التخفيض على العربيه اللى فى الموضوع اللى اسمه كذا واللينك بتاعه كذا واشتريت العربيه فعلا يوم كذا وشكرا . صعبه ؟ اعتقد ان الموضوع بسيط ومش حاجه تقيله وطبعا كان فيه عروض كتير تانيه برضه اللى استفاد يدخل ويسجل بنفس الطريقه زى عرض الغطاء او الاستيكر او الفرش او اى عرض تانى وبعد كده ندخل نرتب اسماء المستفيدين من كل عرض كل على حده

طب ايه الفائده من الموضوع ده؟

1- حاجه ذوقيه بسيطه اكيد كلمة شكرا بتسعد اى حد فينا خاصة لما يكون الحاجه اللى عملها للناس الغرض منها خدمة الناس بدون اى مقابل فبالتالى كلمة شكرا على الرغم من بساطتها بس بتدى اى حد حافز انه يخدم الناس تانى وتالت

2- تسجيل مهم جدا للخدمات والانجازات اللى قام بيها اعضاء المنتدى لخدمة الناس وده شىء اكيد بيبن قوة المنتدى وتميزه فى خدمة الناس واد ايه هو مؤثر وبيضيف للناس معلومات وخدمات

3- كلما زاد الناس المنتمين بشكل فعال اكيد بيدى قوة اكبر للمنتدى وبيزيد من الخدمات والمساعدات اللى ممكن كل الناس تاخدها وبالتالى هيزيد النشاط والتنوع فى الافكار و العروض

4- زى ماقلت قبل كده هيبقى الموضوع ده زى هيستورى موثق لانجازات المنتدى فاى حد لو دخل وشاف موضوع زى ده مش محتاج يسال اى حد عننا او مدة جديتنا اكيد هيعرف ان الناس دى ما بتهزرش والانتماء ليهم مكسب لاى حد وزى ما بنقول الجواب بيبان من عنوانه ده هيكون عنوان قوى يعبر عن المنتدى بشكل واضح وصريح

اخيرا احب اسمع رايكم وبعدها انا بنفسى هعمل الموضوع ده لوحده بس بعد ما اسمع راى الناس لو كان الموضوع شايفين انه مهم

تحيه واجبه لاى حد فى المنتدى ساهم براى او اضافه او دعم او عرض للناس وشكر خاص لاستاذ ايمن على مجهوده الوافر مع الجميع

سلامى للجميع

المشاركة الأصلية كتبت بواسطة mimo3000

ميه ميه الكلام ده انا موافق معاك جدااااااااااااا وانا بشكر المنتدى وكل الاعضاء هما اللى شجعونى اجيب البرسونا وكنت بعمل كذا مقارنه وكانوا معايا وايمن كان هيجيبلى خصم على العربيه كمان وتعب معايا وسال كذا مره فالتوكيل والاعضاء كلهم بصراحه محترمين وبيفيدوا بعض ولما يصدقوا حد يسال على حاجه ويتسابقوا انهم يفيدوه

انا انضم بشده فالشكر للمنتدى والاعضاء

هو حضرتك اشتريت من التوكيل وماخدتش التخفيض ؟؟؟

طب وليه ماقولتليش ... انا اخر حاجه فكرها ان حضرتك قولت هتستنى لــ2010؟؟؟

وهل حضرتك جبيت من محسن صالح ... وقولتله انك تبع -ايــمــن- ومارضييش يديك تخفيض ؟؟؟؟

بجد والله زعلتنى ياعم كنت قولى بس وكنت ضبطهولك