العفو يا matta :B4_033:
عرض للطباعة
متشكر على ردك عليه بخصوص اسئلتى
الواحد حابب العربية دى من البداية ومن قبل ما تنتشر كمان وحبناها اكتر لما عرفنا انسان ذوق زيك والله وخدوم
بالنسبة الى المقابلة اتمنى يكون فى مقابلة غير المعاد ده لان حكون فى اسكندرية وحرجع بعد العيد وعلى فكرة انا ساكن عند معهد الالسن اللى فى اخر مكرم عبيد فقريب منك جدا ويشرفنى معرفتك
العربية دى بصراحة ناقصها بس فرامل abs ويرجعوا ينزلوا فيها بور كهرباء تانى وجنوط وتبقا مية ميه ولو يزودوا فى تمنا وتوصل الى 90 الف وفيها الحاجات دى يبقا مش مشكلة لانها حتستاهل بجد بس نعمل ايه لغبور بيه اللى غاوى يعكنن علينا
بشكرك جداً يا م/مروان بجد احلى حاجة فيك انك فاهم و بتحاول تفيدنا معاك
انا مكونتش متابعة معاك من الأول بس اقعدت قرأت الموضوع كله و بجد تسلم إيدك..
انا بنت بس بحب الحاجات دي أوي و في حاجات كتير نفسي أعملها أولها الجنوط
بس بيني و بينك عايزة أفرح بالعربية شوية الأول :)
المهم بقى كنت محتاجة نصيحتك بالنسبة لتعبئه العجل بالينتروجين؟؟
ايه رأيك فيه و هل هو يغني عن الجنط أو على الأقل استعمله كبديل في الفترة دي
عشان مغيرش مساعدين أو جنوط دلوقتي ... أقصد الثبات يعني ؟؟ :)
و بشكرك جداً
l
شكرا جدا لذوقك بس أنا باعمل كده علشان في ناس كتير تستاهل زيك...:B4_033:
من المعروف ان أي حاجة في الدنيا بتمدد بالحرارة و تنكمش بالبرودة
والهواء لما بيتمدد في مكان مقفول عليه زي فردة الكاوتش بيزيد ضغطه ولما بيبردضغطه يقل
يعني الضغط بيزيد بشكل عشوائي مش ثابت
يعني لو انتي ظابطة الضغط في الأربعة فرد على 30 وسافرتي أو مشيتي مشوار كبير اللي بيحصل ان الكاوتش بيسخن
فالضغط في عجلة يبقى 35 وواحدة تانية يبقى 32 وهكذا
مما يؤدي اللى الاحساس بعدم الثبات و خصوصا في السرعات العالية
أما النيتروجين فهو غاز خامل درجة غليانه منخفضة جدا مما يسمح للغاز بالتمدد بنسبة بسيطة جدا لاتؤثر بشكل ملحوظ على الضغط بداخل الكاوتش
ومايبقاش فيه برضه ملحوظة ان الكاوتش بيريح ولو ريح يبقى كده فيه مشكلة في الفردة
يعني النيتروجين أحسن وبيساعد على ثبات أداء السيارة في استهلاك البنزين و الثبات على الطرق و أداء الفرامل و محرك السيارة
اولا اشكر حضرتك علي مجهودك الرائع في المنتدي ثانيا كنت عايز اسال حضرتك علي موضوع ان العربية ناشفة اوي من الامام في المطبات لدرجة لو خدت مطب جامد شوية بيعوج الدريكسيون من ايدي من قدام فهل دا طبيعي علي العربية ولا بياثر عليها علي المدي البعيد
بمانسبة انك يا جميل عضو جديد في المنظومة الأكسنتوية وما كنتش أعرف قبل النهاردة انك لسه مرخصاها في التاريخ الحلو ده 9-9-2009 ماشاء الله
ألف مبروك وان شاء الله تعملي بيها مشاوير حلوة وممتعة وتكون وشها وش السعد عليكي :coool:
وأنا شخصيا حاسس ان وشها هايبقى حلو عليكي