منيوال 1600 فول ابشن
عرض للطباعة
منيوال 1600 فول ابشن
1.6 L (1600 C.C) DOHC CVVT محرك اتنين كامة ذو تيكنولوجيا حديثة
(جائزة أكثر سيارة مطلوبة على مستوى العالم لسنة 2006)
The Most Wanted Car Award 2007
تصميم المقصات الأمامية مستوحى من شركة مرسيدس
مساعدين غاز (هاتكون ناشفة وهي جديدة وهاتطرى مع الاستخدام)
السيارة أداءها و متانتها ممتازين بالنسبة للسعر
ولكن قطع غيارها غالية بالنسبة لفئتها
وسعرها قطعا أعلى من اللانوس
واللانوس قطع غيارها أرخص وعربية كويسة برضه
وبناءا على ميزانيتك هاتختار أي واحدة فيهم
و ياريت تاخد فكرة عن اللوجان لأنها عربية كويسة أوي
صباح الفل مهندس مروان
انا ناوي ان شاء الله اجيب نيو اكسنت اتوماتيك 2010
ممكن تقولى تقييمك عنها ايه
قطع غيار - استهلاك بنزين - مشاكل جوهريه
و ايه رايك اكسنت ولا ريو 1400 ولا ايه بديل عن الاتنين فى نفس السعر
و اخيرا عاوز اقولك انت انسان مجتهد و ربنا هايكرمك ان شاء الله و يمكن نفتح مع بعض مركز تطوير سيارات .... ان شاء الله
وشكرا مقدما على الرد
صباح العسل ياباشا
السيارة ممتازة بس لي تحفظ بسيط على أسعار قطع غيارها الأصلية لأنها غالية شوية و ما ينفعش طبعا تركب تقليد لأنه ممكن يبوظ حاجات تانية لها علاقة بالقطعة التي تم تغييرها وخصوصا لو كانت قطع الغيار دي ميكانيكية أو كهربية.
استهلاك البنزين فيها طبعا كويس علشان تكنولوجيا ال VVT
أما بالنسبة للريو أنا شايف انها ركوبة أحلى و تقفيلها أنضف بس سعرها أغلى وسعر اعادة البيع فيها هايكون أقل من الأكسنت يعني الخسارة المادية في قيمة العربية في الريو أعلى منها في الأكسنت
والأكسنت فيها تكنولوجيا ال VVT وتفرق كتير في أداء المحرك
لو مايهمكش سعر اعادة البيع يبقى ريو
ولو يهمك سعر اعادة البيع يبقى أكسنت وتزود على تمنها حسبة 5500 جنيه علشان تبقى ركوبة زي الألماني كده
أما بالنسبة لفتح مركز خدمة
لو لينا نصيب نشتغل مع بعض هاتشوف معايا ان شاء الله مركز خدمة عمر ما حد شاف زي كده خدمة:verygood:
فكره جامده اوى مركز تطوير السيارات
بص الناس هتلاقيها واقفه قدامه بالعصى
لان فيه الاف من الشباب - اللى عايز يعمل تعديل وتطوير فى عربيته (سواء جنوط - او فلاتر - بوجيهات - تظبيت عفشه - او تغيير الى عفشه رياضيه - او الخ اكيد فى حاجات كتير بس طبعا الواحد خبرته قليله) بس مشلاقى اللى يثق فيه وانت بجد انسان محترم واضح انك ابن ناس
اعمل دراسه واستشير وصلى استخاره وتوكل على الله واعلم ان الله يجزى كل مجتهد
والله الموفق
ياريت لو الاعضاء يصوتوا للمشروع دوت
دي فكرة هايلة لإني إنسان زيك يا باشمهندس مروان أمين ومحترم ودي أهم حاجة الأمانة ومساعدة الناس ويا ريت نسمع أخبار عن الموضوع ده قريب ربنا يوفقك
عامل ايه ياريس النادى الجديد
كنت عايز اسألك على تعديل الفرامل انا فكرت انى ابدأ فى تظبيط العربية حاجة حاجة على اد الكاشات اللى بتيجى مانتا عارف الشباب يوم ليك وبقيت السنة عليك
فانا فكرت قبل الجنط والعفشة فكرت فى الفرامل
الجيتز زى مانت عارف موتور كبير 1600 على علبة كبريت
والفرامل فيها مش اد كده ازاى نعدلها ونخليها اقوى مع العلم ان مفهاش abs عايزين نحسن اداء الفرامل ونخلى استجابتها اسرع والتكلفة اد ايه
وايه رأيك فى فرامل ebc والطانبير الامامية بتاعتها وايه اللى ممكن يتعمل عشان نخلى الفرامل الخلفية ديسكات بدل ماهىا drump
فعلا هى فكرة هايلة وتحفة والمهندس مروان خير من يقوم بيها
لأنه بجد فاهم ودارس وأمين فى تخصصه وحسب ما اعتقد من غير أما اشوفه او اقابله انه غير مادى بالمرة
وبعدين زى ماحضرتك بتقول هناك الالاف من راكبى السيارات عاوزين يعملوا تعديلات فى عربياتهم بس للأسف الشديد يإما بيعملوها بدون دراسة او عن طريق سماع معلومات مغلوطة من صديق او مجرب او فهلوى
وليس من خبير زى المهندس مروان لأن العملية كلها محتاجة واحد فاهم ومضمون تأمن على سلامتك وانت راكب العربية بعد تعديلها ومش اى تعديل يركب على اى عربية او ماركة او طراز وموديل
فياريت نهتم بتطوير الفكرة ونبدأ ناخد خطوات ايجابية فى المستقبل القريب بإذن الله