منتظرينك يا باش مهندس
عرض للطباعة
منتظرينك يا باش مهندس
الصوت العالي في الجيل الجديد لسيارات هيونداي بعد 3200 RPM تقريبا عادي بس هو كان مضايقني وله حلول كتيرة:
1- تغيير المدى الحراري للبوجيهات (الانتقال للبوجيهات الأبرد).
2- تقليل الهدر في كمية الهواء الداخل الى المحرك عن طريق تعديل في مجري الهواء في العمة.
3- تركيب Headers with a performance factor between 4 & 6.
4- تغيير نوع فلتر الهواء.
5-Spacer mounting on the intake manifold.
6- تبريد الهواء الداخل للبوابة.
أولا تغيير المدى الحراري للبوجيهات و نوعها:
أنا عملت التعديل ده و كانت نتائجه كالاتي:
1- توفير في استهلاك البنزين.
2-استجابة أعلى للمحرك.
3-نعومة في الRPM العالي.
4- معدل صيانة أقل بكثير بالنسبة لتغيير البوجيهات (كل 100,000 كم !!!!)
5- طبعا بتاع حصانين أو تلاتة زيادة.
خطوات التعديل:
1- تشتري أي نوع بوجيهات فيه التالي:
A- Having a higher heat range number by one step only.
B- The center electrode material is Iridium wire.
C- the center electrode must be a fine wire.
او ببساطة على سبيل المثال زي النوع اللى أنا ركبته : NGK Iridium ولازم يكون عليه الرقم ده BKR6EIX و ماتحاولش تحط حاجة تانية و
اتنين شامعة و الكلام اللى يخرب الدنيا اوعى تعمل غير كدة و ممكن برضه الأرقام ده BKR5EIX و برضه BKR5EIX-11
وده سعره بيتراوح بين 200 و 300 في الاسكندرية و ماعرفش سعره في القاهرة كام؟؟
واللي عايز أنا ممكن أجيبهوله بأقل من كدة علشان أنا عارف جملته كام على التجار بس حرام اني أقول... لو حد عايز أنا أجيبه أرخص و خلاص و ممكن تنزل تسأل على الأسعار بس الخدمة اللي انتوا هاتعملوها انكم تخلوني عارف أسعار السوق للعلم بالشئ جايز يكون رخص ..... أنا شخصيا دفعت فيه ال300 جنيه
و على فكرة البوجيه ده ليه صيانة كل 30,000 كم بسيطة جدا و ممكن تتأجل و تخليها كل 60,000 كم.. اللي هايشتريه يبقى يبعتلي ميل علشان اشرح له موضوع الصيانة ده.
خدمة أعضاء المنتدى سعر طقم البوجيهات NGK Iridium أقل من 200 جنيه.
فاصل و نواصل لانتظار الردود و الاراء..
طيب الكلام الاخير ده بخصوص الشمعات ينفع للانسر كريستالة 99 اوتو ماتيك ؟
وهيفرق معايا في ايه يعني هيفيد العربية في ايه بظبط؟
متابع بإهتمام شديد...خصوصاً ان التعديلات لا تشمل النيو أكسنت فقط...لكن من الممكن تطبيقها على أي سيارة
متابع باهتمام
كلام سليم بس المهم الناس ماتخدش الكلام كده و خلاص
يا جماعة أي حد عايز يغير البوجيهات بتاعته و يركب ايريديوم يفك الأول بوجيه واحد من عربيته الموقرة و ينقل الرقم المكتوب على البوجيه و النوع و يبعتهولي في ميل و أنا هأقوله هاينفع يركب ايه بداله.
علشان العربية ماتسخنش أو تقطع أو تتخنق أو تجري كويس شوية شهرين ولا حاجة و بعد كدة تعد تغيرلها في كويلات مع تغيير الزيت....انت في غنى عن كل ده و ألف شكر للأستاذ نادر نبيل على الفرصة دي والكلام ده للناس كلها اللي هتابع باقي التعديلات
اللون الاحمر مخصص للمداخلات الاداريه
يرجي مراجعه قوانين المنتدي
كما يرجي تعديل لون توقيعك
تحياتي
مشرف هيونداي