عيوب الNew Accent وتفاديها بتعديلات هندسية

**MEMES** · 26-08-2009 03:27 AM

متابع بأهتمام
العيوب دى للاسف موجوده فعلا فى موديلات تانيه كمان للهيونداى(زى الجيتز).

**PoweRPassioN** · 26-08-2009 03:41 AM

فالانتظار ..

**Haitham10** · 26-08-2009 04:41 AM

ايوة كدة دي المواضيع الي تشجع بجد
بس ياريت تتابعنا شوية واحنا معاك يا بشهمندس مروان
يلا ياريت تقولنا تفاصيل

**Ahmed Samy** · 26-08-2009 05:13 AM

متابع ايضا

فينك يا أكرم ...

**survey** · 26-08-2009 05:40 AM

منتظر التوضيح

**Haitham10** · 26-08-2009 08:45 AM

المشاركة الأصلية كتبت بواسطة Ahmed Samy

متابع ايضا

فينك يا أكرم ...

افتكر حاجه حلوة يمكن تكسب كوبيه

**Marwanelbendary** · 26-08-2009 10:23 AM

المشاركة الأصلية كتبت بواسطة Marwanelbendary

السلام عليكم,
أحب أعرفكم بنفسي أولا:
أنا مهندس ميكانيكا خريج هندسة الاسكندرية
كنت أملك ورشة بسيطة مع بعض الشركاء و طبعا فهمتوا كلمة (كنت)....:(
اشتغلت في مرسيدس الاسكندرية
حاصل على عضوية النادي العلمي ل bmw في المانيا (بسبب دراسة تعديلات في المحركات)
عندي الامكانيات والصلاحيات الكاملة للدخول على قاعدة بيانات ضخمة للصيانة و قطع الغيار لشركتي هيونداي و كيا.
املك مكتبة من كتب الصيانة لمختلف الماركات ..

أولا: مشاكل النيو أكسنت:
1- صوت المحرك مرتفع وخشن بعد 3200 rpm
2- الفرامل جامدة أوي لدرجة ان العربية بتزحف من أقل فرملة وخاصة لو في شوية رملة يبقى قول على وش العربية يا رحمن يا رحيم.
3- السيارة بتتنطط كتير من الخلف مما يؤدي الى احساسك بقلة الوزن و فقدان السيطرة.
4- العفشة الأمامية بتخبط.

أي واحد عنده نيو أكسنت فهو على الأقل متضايق من أحد هذه العيوب القابلة للتعدبل.

ويجب أيضا أن نعلم أنه كلما زاد ثمن السيارة (من نفس الفئة, قلت عيوبها و لكنها لا تنعدم)
علشان كدة لو حد مثلا بيشتكي من الثبات و بيقارنها بالسكودا مثلا ده كلام فاضي

الحقيقة انه مش فاضي ولا حاجة
الحكاية كلها ان احنا هانشيل خامة رخيصة و نحط خامة غالية, هانشيل حاجة ما تشتغلش في الظروف الشاقة و نحط اللي ينفع بما يتناسب مع الطرق عندنا و استخدامنا.

وكل شىء له الشىء بتاعه, يعني ما ينفاعش نحط حاجة بتتركب في ال bmw في هيونداي و العكس ص صحيح
احنا هانعدل بس بالحجات بتاعة النيو أكسنت بس و ما ينفعش تتركب على عربية تانية و العكس صحيح.

و غدا ان شاء الله سأكمل لاني مشغول الان وشكرا..

مقدمة غاية في الأهمية

صباح الخير و شكرا على اهتمامكم الجميل و المحترم و أسأل الله أن أفيد كل الناس و يستفيدوا.
اليوم ان شاء الله و استكمالا لما بدأته:

قبل ما أخش في تفاصيل مهمة لازم تعرفوا حاجة مهمة جدا جدا و ماحدش يكروتها وركزا جدا معايا عشان مش هاعيد تاني

::
ألا وهي ان الشركة الأم أو المصنع هيونداي أو أي شركة تجميع سيارات في الدنيا تبحث عن شيئين مهمين:
1- التوفير في عملية تصنيع الأجزاء المكونة للمنتج أو المنتج نفسه بما يتناسب مع المطلوب عرضه في السوق و الشريحة من العملاء التي هي الهدف من وراء هذا المنتج.
2- شركات سيارات الركوب عامة ملهاش شخصية تفرضها على المشتري !!!! ايه الكلام الغريب ده؟؟؟؟

يعني:

علشان مثلا يبيعلك عربية لازم تكون عربية عالية علشان ما تحكش في الشوارع و المطبات بتاعتنا وهو كده حللك مشكلتك و مشكلته برضه وهي انه عايز يبيع و خلاص لأ و مش بس كده ,ده هايظبطك بأه في قطع غيار يا زبون ما انت عايز عربية عالية طب خد Over-steer في الملفات الجامدة أو و انت بتفادي حاجة تروح مسنطر فيها ....

وفي عربيات تانية هي بتفرض شخصيتها بشكل ما على الشريحة السوقية بتاعتها ألا وهي السيارات الغالية (على رأي المذيع عمرو أديب روحي روحي روحي) مثل ال BMW وغيرها من اللي انتوا عارفينه أو ما تعرفهوش.

علشان كدة أنا قررت أضحك على دول و على دول و أعدل عربيتي زي ما أنا عايز مش زي ما أي حد عايزدي عربيتي أنا اللي اشتريتها بفلوسي و أنا اللي هاعيش معاها و هاشوف معاها أيام حلوة و هتوريني أيام ربنا ما يكتبها على حد, و طالما انها على الحلوة و المرة تبقى لازم تبقى على مزاجي ....

وعلشان تبقى عربيتك على مزاجك يا حلو يبقى لازم تدفع بس عمرك مهما دفعت هاتدفع زي ما تجيبها كدة ,,
يعني مثلا عربيتي فيها: جنوط 16 اوريجينال و فيها عفشة رياضية بجد مش كلام اعلانات و جرايد وفيها زينون و فيها حجات تانية وصرفت عليها ... تقدر تقولي أول عربية تحت ال100,000 فيها جنط 16 بس بكام؟؟ وتخيل لو فيها زينون ..؟؟. و ماتقوليش عمره ما هايكون زي الأصلي... لأ هايكون و يمكن أحسن كمان كل شيء ممكن تحقيقه بس يتوقف على ميزانيتك أو انت مش عايز تدفع الى لغاية مبلغ معين و بعد كده لأ...........أو مش عايز تدفع أصلا أو لا يوجد مبلغ في الوقت الحالي .........يبقى أنصح بحاجة مهمة....اقرأ اللي هايبقى مكتوب و اديني فرصة لي و للجادين علشان الاستفسارات هاتكون كتير و انت المستفيد برضه من تجارب غيرك وشكرا لكم يا جماعة و اسف على الاطالة بس هو كلام مهم..

وندخل بعد كده على شرح الصوت المرتفع أو الخشن في المحرك و ركزوا تاني

**eljokar8** · 26-08-2009 10:33 AM

طب انا عايز اعرف هوا الماتور بتاع النيو اكسنت حلو ولا وحش يعنى فى ناس بتقولى انالعربيه ده بتجرى مش عشان ماتورها كويس ده عشان هيا خفيفه ولما تجرى بيها كتير الماتور بتاعها هيفوت انت ايه رايك فى الكلام ده

**Marwanelbendary** · 26-08-2009 10:37 AM

المشاركة الأصلية كتبت بواسطة eljokar8

طب انا عايز اعرف هوا الماتور بتاع النيو اكسنت حلو ولا وحش يعنى فى ناس بتقولى انالعربيه ده بتجرى مش عشان ماتورها كويس ده عشان هيا خفيفه ولما تجرى بيها كتير الماتور بتاعها هيفوت انت ايه رايك فى الكلام ده

ممكن نتكلم بالانجليزي علشان أنا بطئ جدا في الكتابة بالعربي و اتنفخت....ممكن, ممكن؟؟؟

**Marwanelbendary** · 26-08-2009 10:57 AM

المشاركة الأصلية كتبت بواسطة eljokar8

طب انا عايز اعرف هوا الماتور بتاع النيو اكسنت حلو ولا وحش يعنى فى ناس بتقولى انالعربيه ده بتجرى مش عشان ماتورها كويس ده عشان هيا خفيفه ولما تجرى بيها كتير الماتور بتاعها هيفوت انت ايه رايك فى الكلام ده

The new accent having a very nice engine especially the 1.6L engine which have the TOYOTA technology of CVVT (Continues Variable Valve Timing) which improves the engine's performance at any range of torque & horsepower . There is another type of engines but it's not available in the market right now which is 1.4L that I had in 2007, I guarantee that my 1.4L have beaten the Octavia A5, A4, Verna 1.6L, Optira & all 1.6L engines specially at top speed

الموضوع: عيوب الNew Accent وتفاديها بتعديلات هندسية

LinkBack

أدوات الموضوع

عرض

-

-

-

-

-

Introduction for Accent MC Tuning -

-

-

-

المواضيع المتشابهه

ايه عيوب الـ Accent RB Hatchback ؟

Hyundai Accent RB concept car previews US-market Accent

مطلوب لشركة مقاولات واستشارات هندسية بالسعودية بالرياض

بوجيهات و فلاتر هواء اسبور (تابع تعديلات الNew Accent

ما هي عيوب new accent؟؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة