الموضوع: التقسيط مع بنك ناصر

السلام عليكم
بنكك ناصر يعيبه انه بيحتاج ضامن (احيانا ضامنين) ولازم تقريبا يبقى حكومة
اتصل اسالهم

بالنسبة لتحويل المرتب فالمفروض ان مرتبك يتحول على هناك ويخصموا القسط وانت تروح تستلم مرتبك منهم

بس فى جهات واخدة استثناء من الموضوع ده بانهم بيحولوا القسط فقط مش المرتب كله

الضامن فى كل الاحوال لا اعتقد انه بيحول مرتبه لكن بيجب موافقة من المكان اللى بيشتغل فيه انهم موافقين يحولوا مرتبه كله على البنك فى حالة طلب البنك ذلك

انا مقسط مع بنك ناصر مفيش اي مشاكل وهو احسن بنك اسألني ز انا سألت تقريبا في كل البنوك وبالنسبه للضامن مبحولش المرتب ويمكن عيب البنك الوحيد هو الضامن لأنه مش متوفر عند ناس كتير

هو كمان ينفع معاشات بس اقل من 65 سنة
او عندهم نظام وديعة للى معندهومش ضامن
انك تحط 60% كاش من تمن العربية عندهم وديعة
وبتاخد عليها نسبة متغير فايدة يعنى تقريبا بتاخد 10.5 ودى نسبة كبيرة اوى بالنسبة لعائد اى بنك وكونه متغير يخليه اسلامى

وبياخد منك فايدة على العربية 6% يبقى انت كده كسبان فوق 4% كل سنة على فلوسك ومبتدفعش فايدة اصلا على العربية

بس يعيبه ان طالب 60%من تمن العربية

هل تقسيط بنك ناصر اسلامى و لا غير اسلامى

المشاركة الأصلية كتبت بواسطة ahmadalsattar

هل تقسيط بنك ناصر اسلامى و لا غير اسلامى

اعتقد والله اعلم انه اسلامى لانه مبيدفعلكش فلوس بل بيشترى العربية من المعرض ويبعهالك
كمان مبيلزمكش بتأمين على السيارة (فقط تأمين على الحياة)

انا مشترى معاهم ونيتى انه اسلامى لكن مقدرش افتى لغيرى

المشاركة الأصلية كتبت بواسطة ahmed4000

اعتقد والله اعلم انه اسلامى لانه مبيدفعلكش فلوس بل بيشترى العربية من المعرض ويبعهالك
كمان مبيلزمكش بتأمين على السيارة (فقط تأمين على الحياة)

انا مشترى معاهم ونيتى انه اسلامى لكن مقدرش افتى لغيرى

طيب ممكن نعرف تفاصيل اجراءات التقسيط و معدل الربح كام و طريقة حسابه كام عشان نعرف نقارنه ببباقى البنوك يعنى انت دفعت مقدم كام و تمن العربيه كام واقساطك الباقيه

بنك ناصر هو اقل فايدة فى مصر 6% وبيصل التقسيط ل 90 شهر يعنى سبع سنين ونص
والمقدم بيبدا من 15%

لو عايز تحسب الفايدة حتبقى كام مثلا على عربية ب100 الف جنيه لو حتقسط سبع سنين يبقى حتدفع فوايد 42% بس على سبع سنين لو على ستة حيبقوا 36% لو على خمسة يبقى 30% لو على اربعة يبقى 24% وهكذا

بياخد رسوم ادارية 1% بالاضافة إلى تامين على الحياة يدفع مرة واحدة 700 او 800 جنيه حسب سنك

العربية انت اللى بتدور عليها وتحدد عايز تشتريها منين وبكام ولونا ومواصفتها وتجيب عرض سعر من المعرض للبنك شامل رقم الشاسيه والموتور

التقسيط متاح ب3 طرق وهى:

اولا: تكون موظف وتجيب ضامن (الضامن يبقى حكومة تقريبا بس اسال ممكن ينفع ميكونش حكومة) وبتعمل اقرار انك تحول القسط كل شهر

ثانيا: للمعاشات بشرط يكون اقل من 65 سنة وده تقريبا مبيحتاجش ضامن

ثالثا: نظام الوديعة اللى اتكلمت عنه وهو انك تحط 60% من تمن العربية وديعة فى البنك وبتاخد عليها عائد متغير كل سنة (علشان يبقى اسلامى) بيزيد عن 10% وطبعا ده اعلى عائد فى مصر، بيتخصم منهم 6% فايدة العربية ويبقالك مكسب 4% كل سنة
يعنى حتقسط العربية من غير فوايد وحتكسب فى اخر المدة 28% من تمن العربية تقريبا ده طبعا للى معاه فلوس كتير شوية


لو مخلص الورق بتاعك كله حتستلم وانت واقف