السلام عليكم
بقالى كام شهر بدور على عربية اتوماتيك كويسة
وكنت استقريب على الهوندا سيتى لكن فجاة رفعوها 4 الاف جنيه
فبقت ب118 بس حتقف عليا ب119

فى نفس الوقت لقيت الميجان بقت اول فئة فى الاتوماتيك منها ب 120 الف
وفى نفس الوقت لقيت المازدا 2009 فى حدود 128 الف (سمعت 120 الف بس مش متاكد من الرقم ده)

طيب انا محتاج ايه؟
انا محتاج عربية اتوماتيك اعتمادية لانى معرفش فى العربية الا البنزين والفتيس والفرامل ولو العجلة نامت معرفش اغيرها، علشان كده باهتم بصيانة التوكيل كل 5 الاف كيلو (ودى نقطة محوفانى من المازدا)

الشكل ميفرقش معايا اوى (بس طبعا الميجان والمازدا شكل خلص)

مليش فى الجرى

بهتم اكتر بالوسع والشنطة مع ان عائلتى صغيرة

الخلاصة :

الميجان محترمة واكتر حاجة لافتة نظرى ليها انها 6 ايرباج بس الشكل خلص
الهوندا شكل جديد وفخمة من جوا بس خدفع فيها اكتر من سعرها 5 الاف ومفهاش اى اوبشنز
المازدا برده الشكل قلب ومفيش توكيل بس الناس كانت بتقارنها بالسيفك فاكيد عربية محترمة برده


فماذا ترون يا اهل النايل موتورز؟