يا سيدي الفاضل متزعلش نفسك . كده كده الواقع واضح جدا وكل جهات التقييم العالمية ادت هيونداي مراكز متقدمة جدا وبتسبق اكبر الشركات اليابانية في الجودة.
بس في ناس عندها معلومات من حوالي 10 سنين مش عايزة تغيرها. اللي هي ان الياباني احسن من الكوري.
عرض للطباعة
قولنا اخبار التوكيل معاك ايه فى الصيانة وبعدين اخر موديل او فئة فى العربية الكاملة عاملة كام دلوقتى
ربنا يبارك لك فيها و يكفيك شرها..
و شكراً على التقييم البسيط المحايد
عقبال كدا تقييم الـ100 ألف كم بدون مشاكل ان شاء الله :)
ربنا يباركلك فيها ياستاذ طارق يديك خيرها ويكفيك شرها
انا عايز معرض يكون عنده النترا خليجي اوتوماتيك اول فئه الي هي المرايا مش بلون العربيه اعتقد سعرها في مصر 99500 جنيه ياريت ضروري لو تعرف بتتباع فين لان عند سمير ريان ما لقيتش غير الي هيا بفتحة سقف ب 110 الف جنيه ود كتيير لاني شايف ان الاوتوماتيك الاقل مواصفات ممتازه
كمان سؤال هي جمارك الالنترا لو نزلت من السعوديه بكم علما بانها هنا سعرها 42500 ريال فقط اوتوماتيك زجاج كهرباء سي دي 2 ايرباج وشكرا
في معرض انا اشتريت منه الالنترا اوتوماتك اول فئة بس المراية بلون العربية وكان تمنها كاش 103 الف.
بس اكيد رخصت دلوقتي.
بالنسبة للجمارك انا اللي اعرفه ان جمارك الالنترا المانيوال 45 الف جنيه. معرفش الاوتوماتك كام.
اسم المعرض: معرض بودي
عنوان المعرض: 15 شارع صلاح الدين - متفرع من طريق العروبة - مصر الجديدة.
هناك هتلاقي مكتب صغير والعربيات واقفة على الرصيف.
وفي فرع تاني في مصطفى النحاس .
شكرا ياستاذ طارق
الي عندنا هنا الي هيا المرايات مش بلون العربيه اوتوماتيك سعرها 42500 ريال
يبقى
42500*1.47 = 62475 جنيه مصري
62475 * 1.61 جمارك مفترضه = 100584 جنيه مصري
اما اذا افترضنا ان الجمارك 48 الف جنيه كما يقول الوزير
62475 + 48000 =110475 جنيه مصري
مش عارف فين الصح
الالنترا عربية جميلة ربنا يبارك لك فيها
يا جماعه التجار بتضرب الفواتير فبتكون الضريبه غالبا اقل وخاصة ضريبة المبيعات علشان كده هو هيكون اقل
يا جماعة عايز انبه على حاجة مهمة ممكن تكون موجودة في اي عربية زيرو.
انا اتفجأت وانا بفحص ضغط الاطارات من قريب ان ضغط الاطارات 37 في كل الاطارات .
يعني كان فيها ضغط زيادة وحسبي الله ونعم الوكيل.
معرفش ده غلطة مصنع ولا المعرض لعب في الضغط.
بس الحمد لله لما نزلت الضغط ل 32 حسيت بتحسن في السرعات العالية والثبات زاد اكتر وبقيت مطمن .