الموضوع: ما هى عيوب النيسان صنى

المشاركة الأصلية كتبت بواسطة amr81

م / اسلام
و حضرتك معلش طولك أد اه
أصل أنا مش طويل أوي يعني حوالي ١٧٨ والي أعدين ورية بيكونوا مخنوقين بس هما تقريباً نفس طولي لكن القصيرين شوية يعني ١٦٥ و ١٧٠ بيكونوا مرتاحين

على فكرة انا معايا صنى 2009 و طولى 196 سنتى و برجع الكرسى على الاخر للوراء و اللى ورايا قاعدين عادى
بس مش برجع ضهر الكرسى عشان بقعد عدل شوية
يعنى انا مثلا كان معايا لادا 2015 اللى قاعد ورايا كان بيموت او لازم يبقى طفل اقل من 10 سنوات
فى الصنى بيقعد ورايا شخص كبير بس يكون مش طويل
فى رائيى عربية اكثر من ممتازة

المشاركة الأصلية كتبت بواسطة hesham_soaida

أكبر عيب في السيارة من رأيي ان الموديل, كشكل خارجي للسيارة أصبح قديم جدا (أكثر من خمس سنوات)
وسؤالي هو هل الشركة تنوي تغيير الشكل تغييرا جذريا؟ ولو الاجابة بنعم, امتى؟؟؟

هو في شكل جديد فعلا بس مانزلش مصر من 2007 و في شكل جديد 2010
و علي فكره الصني بتنزل بره الشرق الأوسط بأسم sentra

انا كان عندي سؤال..هي الصني 2009 بتنزل ب ABS و EBD و Airbag ولا لأ....انا معجب بالعربيه بس للأسف ما جربتهاش خالص و لا ركبتها بس بحس إنها أفخم شويه من اللانسر

المشاركة الأصلية كتبت بواسطة hesham_soaida

أكبر عيب في السيارة من رأيي ان الموديل, كشكل خارجي للسيارة أصبح قديم جدا (أكثر من خمس سنوات)
وسؤالي هو هل الشركة تنوي تغيير الشكل تغييرا جذريا؟ ولو الاجابة بنعم, امتى؟؟؟

المشاركة الأصلية كتبت بواسطة bmya

انا شايف عيبها كراسيها الناشفه اوي زايده عن اللزوم وتبان لما تنزل من صني وتركب اي عربيه تانيه زي ما بعمل اركب السيريون بعد النيسان حاجه تانيه خااااالص
تاني حاجه شكل التابلوه من جوه قدييييييييييييييييييييييي يييييم انقرض اصلا مش متخيل عربيه موديل 2010 وبتنزل بتابلوه من التسعينات !!!!!!!!
العفشه ناشفه بس انا مرتاح معاها عشان تحس انها قويه
الباور بتاعها تقيل شويه
لكن الصراحه انا بحب شكلها الخرجي جداااااااا هو كلاسيك صحيح بس فخم
والعربيه موتورها ماشاء الله جبار
تكييف معقول
ثبات معقول برده
عزل العربيه معقول بس صوت الموتور مسمع جوه العربيه بس عادي موجود في اللانسر برده
يوجد بععض مشاكل الخامات المصريه الزبال......... زي الكاوتش اللي علي الزجاج كل منزل الزجاج الكواوتش يتحشر مع الزجاج ويعمل صوت غبي مش عارف حله ايه
سماعات العربيه تعباااااااااااااانه اخر حاجه وتزن مع المطبات وترجع تاني
بس من الاخر العربيه سعرها حلو اوي بصراح كامله 92 الف تمام يعي

انا مش فاهم ليه الناس مركزه على موضوع الشكل....الشكل ممتاز وبصراحه العربيه شكلها حلو جدا وشيك وتشرف....
الانوس والنوبيرا بينزلو من زمان ومحدش قال حاجه...الانوس من 97 والنوبيرا من 2001 والماتريكس نفس الكلام والفيرنا نفس الكلام
الانسر اللى الناس موهومه بيها بتنزل من من زمان (البومه) نازله من اخر 2004 اظن ولما حصل تغيير الناس معجبهاش برضه وعلى فكره فى نيسان صنى شكل تانى شفته وبصراحه معجبنش زى اللى معانا
النيسان تابلوها كويس...لونه شيك خصوصا البيج ومهواش قديم للدرجه (راى شخصى) والخامات من النوع اللى بيستحمل الارف والهبد

عيــــــــــــوب النيــسان من وجهه نظرى:

1-العربيه ضيقه من جوه وخصوصا بعد تركيب فرش
2-الكراسى صغيره والكنبه نفس الكلام
3-صوت العربيه على 120 عالى (اكنك مركب ديفل) بس بعد كده بيهدى بطريقه تخوف
4-الباور تقيل...ودة عشان مقاس الجنط 15
5-دبارياش تقيل نسبيا ولما تعمل مشوار بالعربيه كبير تحس انك مهدود

دى العيوب من وجه نظرى...التقفيل والفرامل والسحب والعفشه لا غبار عليهم
على فكره انا جبت بالعربيه 215 على طريق العالمين وكانت زى الفل وصوت الموتور كان هادى

العربيه تعتبر احسن عربيه فى السعر ده بالاضافه الى عمرها الافتراضى المحترم والنيسان معروفه من ايام الدتسون