كنت هاخد مخالفة عكس الاتجاه

**dr_abooody** · 26-08-2009 06:36 PM

لنهاردة بعد ما غسلت العربية جي خارج من البنزينة و لسة في الحرم بتاع البنزينة مشيت حتة صغيرة جداا عكس عشان ادخل في فتحة كدا في الطريق المهم لقيت امين الشرطة وقفني قالي الرخص
روحت مطلع الرخص شافها قالي اركن عشان هنروح للظابط

قولت بس كدا لبست في الحيط

المهم قولتلة اركب بس نتفاهم

روحت قولتلة بس نحلها كدا مع بعض بدل البهدلة و الحبس و الغرامة

قالي خلاص انا هكتب مخالفة على الرخصة لما تيجي تجدد قولتلة كام قالي 1200 ج

قولتلة لو فوري قالي 50 ج

قولتلة طيب انا عايز فوري

قالي تعالى نروح للظابط قولتلة بلاش ظباط تعالى نخلص مع بعض قولتلة دول 30 ج اللي معايا بس

قالي صباح الخير و خدهم و نزل

اية تعليقكم على الموقف دة

انا اتحرق دمي بصراحة هل كدا اتنصب عليا و لا دة كدا اقل الاضرار

**tutankhamoun** · 26-08-2009 06:42 PM

السلام عليكم و رحمة الله و بركاته و رمضان كريم .
يارب الموقف اللي حصل ده نتعلم منه كلنا أننا نحترم القانون مهما كان فيه غيرنا مش بيحترموه .

طبعا اللي حصل لحضرتك ده رشوة حضرتك أديتها للأمين علشان ميعملش غرامة عكس الأتجاه .
يعني حضرتك غلطت و هو أستغل الغلط ده ......... و أخد من حضرتك رشوة بعد التهديد بالذهاب للظابط .

يعني من الآخر حضرتك اللي أعطيت الضوء الأخضر للكائنات دي أنها تستغلك في موقف زي ده بغلطك و مخالفتك للقانون .

و ربنا يجعلها آخر المخالفات و يارب نلتزم كلنا بالقانون علشان نشوف بلدنا أحسن من كدا و محدش من الكائنات الفضائية اللي أسمها أمناء الشرطة يستغلنا و يأخد مننا رشاوى بعد التهديد .
و طبعا ........ أحنا اللي ممكن نديهم الفرصة ......... و ممكن منخليش حد فيهم يقدر يفتح بقه معانا .

و السلام عليكم و رحمة الله و بركاته

**Lion_Heart** · 26-08-2009 06:48 PM

المشاركة الأصلية كتبت بواسطة tutankhamoun

السلام عليكم و رحمة الله و بركاته و رمضان كريم .
يارب الموقف اللي حصل ده نتعلم منه كلنا أننا نحترم القانون مهما كان فيه غيرنا مش بيحترموه .

طبعا اللي حصل لحضرتك ده رشوة حضرتك أديتها للأمين علشان ميعملش غرامة عكس الأتجاه .
يعني حضرتك غلطت و هو أستغل الغلط ده ......... و أخد من حضرتك رشوة بعد التهديد بالذهاب للظابط .

يعني من الآخر حضرتك اللي أعطيت الضوء الأخضر للكائنات دي أنها تستغلك في موقف زي ده بغلطك و مخالفتك للقانون .

و ربنا يجعلها آخر المخالفات و يارب نلتزم كلنا بالقانون علشان نشوف بلدنا أحسن من كدا و محدش من الكائنات الفضائية اللي أسمها أمناء الشرطة يستغلنا و يأخد مننا رشاوى بعد التهديد .
و طبعا ........ أحنا اللي ممكن نديهم الفرصة ......... و ممكن منخليش حد فيهم يقدر يفتح بقه معانا .

و السلام عليكم و رحمة الله و بركاته

الله ينور , الواحد بيحاول يلتزم علشان مديش فرصة لحد انه يعلم عليا و كمان عشان احافظ على نفسى

**M.Osama** · 26-08-2009 08:32 PM

حصلت معايا برده بس انا مكنتش اعرف اني ماشي عكس الاتجاه والامين صمم ياخد 50 جنيه

**Terrible_DaRsH** · 26-08-2009 08:43 PM

هما الامناء دول بيطلعوا منين !!

مادام قال لك تعالى نروح للظابط اكيد كان فى كمين او حكومة واقفة , انت ازاى مشفتهمش ؟؟!!

و كمان اتنصب عليك ازاى ؟ ده انت فلت من 1200 جنيه :)

**ashouhdy** · 26-08-2009 10:07 PM

طبعا اقل الاضرار فعلا المخالفة المكتوبة عقوبتها 3000 جنية ع الرخصة و وكيل النيابة بينزلها للحد الادنى 1000 جنية
بس التزم عشان نفسك ربنا سترها فى 30 جنية الله اعلم المرة الجاية ممكن يحصل اية
المشكلة فى الاستسهال و استهبال امناء البتنجان اللى بيكتبوا اى ارقام فى اى حتة و هو و مذاجوة و تيجى يوم التجديد تفاجىء ب كام الف جنية غرامة متعرفش جم منين الا من امين (....*) عمال يكتب اى حاجة و يستهبل
لسة النهاردة كنت بكشف ع المخالفات لقيت مخالفة عجيبة ع رقمى فطست من الضحك و من غباء الامين اللى كتبها و غرامتها 200 جنية و مش عارف مين وكيل النيابة اللى كتب غرامتها
المخالفة كانت:
السير بدون لوحات أمامية و خلفية !!!!!! هههههههههههههه

طب جاب رقمى منيييين
هههههههههههههههههههههه

**eslam_wega** · 28-08-2009 03:01 PM

دة انت تحمد ربنا وتسجد سجدة شكر وتصوم يومين كمان بعد رمضان
انا نفس المواقف دة حصل معيا بس حظى كان ظابط مش امين شرطة
عملى مخلفتين على كل رخصة
واحدة على رخصة القيادة 1100 جنية
وواحدة تانية على رخصة الموتسيكل 1600 جنية
ومعرفتش بتاعت الموتسيكل دى غير لما جيت اجدد
يعنى دفعت 2700 والله اكتر من تمن الموتسيكل
بس هقول اية حسبى الله ونعمة الوكيل عشان الواحد يدفع نفس المخلفة مرتين دة ظلم وافتراء ومفيش كدا فى اى مكان فى العالم غير فى مصر