الحادثة ... والنجدة ... والخناقة....و المواصلات ... وانا تاني

**evoo90** · 27-08-2009 11:29 AM

حصل خييير والحمد انك بخير ومستغرب لتأخر النجده كالعاده بس الشارع ده فيه نجدتين القسم اوله والركن اخره كنت تبعت اى حد من اللى معاك على الركن يجيب الشرطه ماهم بايتين هناك اليومين دول
على العموم قدر الله وماشاء فعل انا ساكن وراكم فى الصلب جنب مسجد الهدى ورا سور النادى لو احتاجت حاجه قولى ولو عايز توديها لسمكرى قولى برضه اعرف واحد كويس قبل اولاد يحيى فى كفر العلو ....

**Terrible_DaRsH** · 27-08-2009 12:08 PM

قدر الله و ما شاء فعل .

انا لما اتصلت بالنجدة قبل كدا علشان ييجوا , لاقيت اتنين بيسمعوا بهاء سلطان و بيتعازموا مين اللى يرد عليا و كررت الاتصال 4 مرات .

المهم حمد لله على السلامة .

**tutankhamoun** · 27-08-2009 12:49 PM

ضاعت الحقوق في ج ع ع ........ و تخلفنا و أصبحنا في سيرك ..... أو غابة .

لا حول و لا قوة إلا بالله .
و أنا عمال أٌقرأ الموضوع ... حاسس أني عايز أعيط و أبكي من شدة الظلم اللي حضرتك أتعرضلته و و الله العظيم حاسس أني أنا في مكانك و كنت ممكن أمسك مستر أكس ده ...... أدغدغ دماغه و ميكروباظه و في ستين داهية الحيوانات دي .

حسبي الله و نعم الوكيل .
حقك يا أستاذي الفاضل محفوظ بإذن الله تعالى يوم القيامة ....... مادامت حكومتنا مش عارفه تحمينا من أنفسنا و جعلت بلادنا عرضه للهمجية و التخلف ............ و أحنا بقلة ضميرنا و قلة أدبنا ........... زودناها .

حسبي الله و نعم الوكيل ................

هي حتة نووي ............ تريحنا ........ و تريحهم ......... و نبدأ على نظافة ........ بعد ما يكون العيال اللي عندهم 1 سنة واحدة أتشالوا في حتة أمان ...... و نجيب مدربين أجانب للعيال دي علشان فيروس التخلف ما يتنقلش للعيال الصغيرة .

ربنا يصبرك و يجيرك في مصيبتك و أدعوا أن الله أن لا تتكرر مثل تلك الحوادث .

أنا نفسي الناس تبص في المرايات قبل ما تطلع من الركن ............................... مفيش فايدة

**إبراهيم.صادق** · 27-08-2009 12:50 PM

الحمد لله إن حضرتك بخير
ربنا يعوض عليك

**Amrrr** · 27-08-2009 12:57 PM

انت تمام وتتحسد على هدوء أعصابك وحسن تصرفك وربنا يصبرك بجد العالم دي عايزة الحرق جماعة بعربياتهم ربنا ياخدهم كلهم ومحدش يقول بيركبوا ناس وبيوصلوا غلابة والكلام دا في مواصلات كتير وفي طرق تانية لنقل البني آدمين غير الاختراع دا
انا لو مطرحك ماكنتش اعرف ابقى هادي كدة وكنت هتخانق واعمل مشكلة وطبعا اكيد ماكنتش هعرف اضرب سواقين الميكروباص اللي هيتلموا ويجاملوا صاحبهم ولا هعرف اسلك معاهم , وكمان عايزين فلوس ؟ دي عالم معندهاش دممممممممم انا هاين علي انزل ادور على ميكروباص والم الناس على السواق واضربه
بس انت قلت اول الحادثة انك افتكرت ربنا

لا حول ولا قوة الا بالله و قدر الله وماشاء فعل

على طوووول ومنكم نستفيد

**mada121977** · 27-08-2009 02:58 PM

قدر الله وماشاء فعل وربنا يعوض عليك
انا حاسس بيك والله ومجرب مواقف كتير الواحد بيبقى هوا صاحب الحق وحقه بيضيع ومش عارف ياخده علشان مفيش ضمير ولا اخلاق فى البلد دى وعلشان النفوس التعبانه اللى الواحد بيتعامل معاها فى كل حته فى البلد دى .. ان شاء الله ربنا يعوضك خير

**Abdallah** · 27-08-2009 09:02 PM

الحمدلله انها جت على قد كدة وانك طلعت منها سليم

**sayedafandy** · 27-08-2009 09:43 PM

حمد الله على السلامة واوعى تزعل نفسك وتذكر حديث رسول الله صلى الله عليه وسلم فيما معناه ان كل امر المسلم خير ان اصابته سراء شكر فكان خيرا له وان اصابته ضراء صبر فكان خيرا له ، وبعدين موش يمكن الموضوع ده حصل علشان تحس بقيمة النعمة اللى معاك وتحمد ربنا عليها ، ان شاء الله عربيتك هترجع زى الفل واكتر