حصل خير وانت شكلك راجل محترم بس للاسف الاشكال دى مش عايزة حد محترم
رقم العضوية : 9884
تاريخ التسجيل : 30Apr2008
المشاركات : 785
النوع : ذكر
الاقامة : Helwan
السيارة: N/A
السيارة[2]: Suzuki Alto 2008 F/O
دراجة بخارية: N/A
الحالة :
السلام عليكم ورحمة الله
اولا اللهم أجرني في مصيبتي و اخلفني خيرا منها
اللهم أجر كل مصاب يا ارحم الراحمين
قدر الله وماشاء فعل والحمد لله رب العالمبن
مبدأيا أنا اسف اني بكلمك في موضوع يضايق زي ده بس انا فعلا باحب افضفض معاكم و استفيد بخبراتكم.. و لكم مني كل اعتذار
اول امبارح الساعة 8 مساءا .. طالع من حلوان وماشي في الشارع اللي بيطلع علي ركن حلوان .. سرعتي 60 الي 70 كيلو مش أكتر... باصص قدامي.. طريقي فاضي.. و فجأة ميكروباص علي اليمين راكن قرر يتحرك .. حركت العربية سنة شمال علشان اديله فرصة يطلع وانا اطلع من جنبه ... راح داخل شمال و اصبح في وسط الشارع ..وفجأة توقف تماما عن الحركة
انا دوست فرامل علي الاخر... و الفرامل صفرت .. والعربية زحفتلها بتاع 4 متر... و ماوقفتش غير بعد ما اصطدمت بالميكروباص صدمة شديدة جدا .. فجأة لاقيت نظارتي في علي التابللوه .. و لاقيت طفاية الحريق تحت رجلية
رحت مبطل الكنتاكت -و انا مش عارف اذا كانت العربية لسه دايرة ولا لأ- و فضلت في مكاني دقيقة باتدارك الموقف و بالم حاجاتي من علي التابلوه والكرسي اللي جانبي و انا باقول لا حول ولا قوة الا بالله و قدر الله وماشاء فعل.
بافتح الباب.. ما بيفتحش غير مسافة20 سم ..وبيعاكس .. ضغط عليه و فتحته بالمسافة اللي تنزلني..
وبدأت أسمع من الناس اللي ملمومه عبارات كلها اختلطت
... انت مش غلطان ..
هو ابن ال .... ده .. هو فيه حد بيسوق كده ..
لازم ما تسكتش علي حقك ...
بس انت اللي جاي من ورا ...
لا حول الله
يا باشمهندس انت لازم كنت تاخد بالك
حصلك حاجه يا كابتن
السواق اهو اوعي تسيبه
كل العبارات دي بتمر علي وداني بس وانا مش مستوعبها ...
فجأه جالي سواق الميكروباص.. بيقولي يا بيه انا عارف اني غلطان بس والله كنت بافادي عربية قدامي وانا تحت امرك
بدأت أتنبه ز اشوف تلفياتي
كل ده من غير ما انطق... بصيت علي العربية الالتو ... فجاة بقدر قادر لاقيتها شبه الماتيريا الكبوت ووش العربية اتطبقوا في ضهر الميكروباص المستقيم فخلس شكل الكبوت بتاعي مربع .... طبعا ما يتفتحش.
جوز الفوانيس الامامي متدغدغين
فيه سائل اخضر في الارض مش عارف اذا كان زيت من الموتور ولا دي المية الخاضرة بتاعة العربية بس كان كمية كبيرة
طيب .. قلت الحمد لله .. اول حاجه جت في بالي ... امي اللي لسه موصلها مشوار .. وراجعلها كمان ساعين ..
اتصلت باخويا zalabany2007 وواحد صديقي
وبعدين بدأت رحلة العذاب و الضنا في استدعاء شرطة النجدة
اتصل بشرطة النجده ...- 122 علشان ماحدش يقولي بتتصل بنمرة غلط - يرد عليا صوت رخيم و فخيم : جميع مندوبونا مشغولين بتلقي بلاغات الآن وسوف يتم الرد عليك حالا ....الصوت ده يستمر و يتكرر لمده دقيقتين و 20 الي 40 ثانية قبل مايرد متلقي البلاغ
طبعا انا اكتشفت انه بيرد بعد فترة ... ده بعد مرات من المحاولة تجاوزت ال10 مرات اللي اتصل بيهم و اقفل بعد دقيقة مثلا و اتصل تاني
رد عليا بتاع النجدة خد البيانات ... ورقم التليفون . وقالي هانبعتلك عربية فورا.
قلت يا فرج الله
وتمر فورا الخاصة بالنجدة في مدة انظار تفوق الساعتين والنصف... اتصلت بالنجدة خلالها 5 مرات علي الاقل أكرر البلاغ.. وفي النهاية اضطريت اتصل بقسم حلوان نفسه و كان فاضل اني احب علي يد الراجل و بقوله ابعتلك حد يجيبك من القسم اللي مايبعدش اكتر من 700 متر عن مكان الحادثة
فلاش باااك ... اول ما نزلت من العربية و اتكلم معايا السواق .. واتصل بصاحب العربية -خدوا باللكم ده اول صاحب للعربية الميكروباص جالي علشان هاتكتشفوا ان الشعب كله العربية دي بتاعته فيما بعد- راجل محترم جه.. نزل من عربيته الماتركس..سلامات يا باشمهندس.. خير انت متعور .. طيب هاتعمل ايه .. قلتله محضر علشان اثبت تلفياتي و التأمين يصلحها ما اضطرش اعمل مشكلة .. وانتا يا سيدي لو عايز تاخد عربيتك خدها و اتفضل .. قالي يا باشا انا معاك للأخر و مايهمكش .. اتصل بالنجدة
تلفيات الميكروباص.. تطبيقة خفيفة في الشنطة والجنب الايسر للسيارة من الخلف... فعلا بسيطة
المهم .. خلال الساعتين ونص اللي وقفتهم في انتظار النجدة .. توالي علي اصحاب السيارة الميكروباص التي اكتشفت ان لها اكثر من 12 صاحب.. قرايب صاحب العربية مش عارف ولا صحابه و كلهم جايين يجاملوا
واحد طويل : انا صاحب العربية ... انت اللي جاي من ورا
واحد تخين : أنا صاحب العربية ....انت اللي غلطان
واحد طويل غي الطويل الاولاني : أنا صاحب العربية ...كل دي فرامل .. ده انت كنت ناقص تطلع الاسفلن في كوتش عربيتك
غيرهم : يا بيه احنا هاينوبنا ايه من القسم احنا نطلع علي سمكري و تخلصنا انت ونشوف عربيتنا تتكلف كام وتدفع و بعدين انت تشوف حالك
المهم .. انا ردي الاوحد .. لما تيجي النجده .. هو حضرتك شوفت الحادثة ؟ طيب بتحكم ازاي اني الغلطان .. طيب من فضلك انا مش قادر اتكلم دلوقتي.
بس
كل ده قبل ما يظهر في الصورة مستر اكس ... اخطر واحد في الكون رئيس نيابات السائقين العمومية .. شاب بتاع 28 - 29 سنه .... جالي.. انت بقي اللي خبطت العربية بتاعة اخويا -قلت الحمد لله انه ما قليش اني صاحب العربية- ..قلتله ايوه يا بيه .. و دي سواقة دي .. وكل دي فرملة ... بصراحة انا كنت علي اخري رحت طالع فيه ... وقلتله يخرس خالص لحد مايجي البوليس.. بدأ يتشنج و انا اللي هاعملك محضر وانت اللي خابط و انت اللي هاتصلحلي وانت اللي هاتعمل وانت اللي هاتسوي... سكت وسيبته و في الاخر قلتله اسأل السواق بتاعك مين اللي غلطان الاول وبعدين تعالي اتكلم معايا ...طبعا قعد يقولي هوريلك و هاسويلك وقاعد يكلم زملائه في امن الدولة واصدقائة في ال CIAا و اسكتلانديارد علشان طبعا ينصفوه و مايضيعوش حقه في انه يبهدلني.
و انا اضحك
و أخيرا وصل الامين المبجل و معاه عسكري ... بعد لما كلمنا قسم حلوان وعرضنا خدماتنا في اننا نوصلهم .. هما الحقيقة اترفعوا عن التوصيلة و جم في ميكروباص أجره
عايزين يعملوا محضر صلح و اثبات تلفيات و ينتهوا ... بدأ مستر اكس الخطير يزعق يقولوا لا .. انا عايز اعمل محضر اضمن بيه حقي... عايز اثبت تلفياتي ... وراح جايب حجرة حاططها في وسط الطريق.. و اثبتولي الفرملة اللي في الارض دي - المسكين الظاهر عليه بيتفرج علي CSI MIAMI كتير - راح الامين مزعقله .. وراحوا شايلين الحجر من الطريق.. و اتصلوا بالقسم بالغوا الظابط اننا رافضين التصالح ... بعدها ب ربع ساعة الظابط جه ... فمستر اكس بيقولو ده جاي من وره و شايف يا باشا الفرامل و عامل يا باشا ... انا سكت خالص . الظابط قاله يا راجل حرام عليك مش شايف منظر العربية .. قاله حقي يا باشا و مش عارف ايه .. قال خلاص تعالوا القسم...
وبعد ما قطرنا العربية وروحنا القسم .. طبعا بفضل ربنا طلع الظابط النبطشي معرفة .. وغير معارف الاسرة برضو في القسم .. الموضوع رسي علي محضر صلح و اثبات للتلفيات .. وبعد خناقات ما بين -الساده صاحبي السيارة - و الانقسامات بينهم ... طلبوا مني بعدها بشكل شبه ودي وشبه ابتزازي مبلغ 2000 جنيه قيمة تصليح عربيتهم .. طبعا اعترضت و قلت ما ابقاش انا مش غلطان .. وموقفي قانونيا سليم وانتوا كمان عايزين تبتزوني.. نروح لسمكري يقدرلكم تلفياتكم -والله ما تتجاوز 200 300 جنيه- وانا عينيا ليكم ... يردوا عليا لا عايزين المبلغ دلوقتي ... طبعا كان استفزاز لان عربيتي مش بتمشي المهم فهمتهم انه كده عيب يعني وانهم ماعندهمش دم ... وفجأة يقدر الله للفصل الاول من المأساه ان ينتهي.. ان واحد منهم يقولي يا استاذ ربنا يعوض علينا و عليك ... وخلاص حصل خير واحنا هانصلحها و مش عايزين حاجه .. يا استاذ انا والله مش ممانع اني ادفع
رفض.. ولم الناس و مشي..
قطرت انا واخويا وصديقي العربية لحد بيت صاحبي .. وتاني يوم جيبنا ونش ياخدها للتوكيل
والله يا جماعة انا ما قدرت انزل اجيب الونش و حسيت اني مش عايز اشوفها وهي في الحالة دي
المشكلة اني امبارح حسيت شعور غريب... اول مرة مواصلات من سنة و نص.... وفي رمضان ... و في الحر ده
بجد ... مأساه .. خصوصا اني مشواري بالعربية 70 كيلو رايح وزيهم جاي يوميا ... بالمواصلات تفرط معايا في ساعتين ... وعدد يتراوح من 4 الي 5 مواصلات علشان اعرف اروح بيتنا ... ولنا الله خصوصا في رمضان
انا الحمد لله مأمن مع ALLIANZ ... و عملت اخطار الحادث.. بس خايف يتأخروا في التصليح .. كل يوم بعيدي عليا بابقي هاموت من المواصلات .. بجد والله و من كل قلبي
ربنا يكفيكم شر الطريق و يحفظ ليكم سياراتكم
اخيرا
اللهم اجرني في مصيبتي و اخلفني خيرا منها يا قدير
الاعتذار لا يكفي عن الاطالة
تقبلوا مني كل الود و الاحترام
ليل طويل ... هم ثقيل ... وهم سرمديصبر جميل... شاب فتي ... ورود وحلم جميل نقي
د.حسام الزلباني
رقم العضوية : 9614
تاريخ التسجيل : 26Apr2008
المشاركات : 780
النوع : انثى
الاقامة : https://t.me/pump_upp
السيارة: 88853372115
السيارة[2]: Daihatsu Sirion 1.3 A/T
دراجة بخارية: N/A
الحالة :
حصل خير وانت شكلك راجل محترم بس للاسف الاشكال دى مش عايزة حد محترم
https://t.me/pump_upp
رقم العضوية : 34719
تاريخ التسجيل : 06Mar2009
المشاركات : 231
النوع : ذكر
الاقامة : cairo
السيارة: proton gen2
السيارة[2]: fiat128
الحالة :
قدر الله وماشاء فعل
وسلامتك بالدنيا كلها وربنا يعوضك خير
لا تقل من أين أبدأ ..طاعة الله البداية
رقم العضوية : 24565
تاريخ التسجيل : 08Nov2008
المشاركات : 1,495
النوع : ذكر
الاقامة : مدينه نصر
السيارة: سيراتو 2016
السيارة[2]: سبورتاج 2015
دراجة بخارية: دراجه ناريه
الحالة :
قدر الله وماشاء فعل واهم حاجه انك بخير وربنا يعوض عليك
ولا صاحب ندل يضيعك ولا عيشه مره تغيرك ولا قلب عشقته يحيرك ولا ناس حبتها تدمرك ولا غربه صعبه تكسرك ولا حبيب مخلص يخصرك ولا دمعت حزن تسهرك ولا كلمه تقولها تصغرك دى الدنيا لحظات والناس مقامات والزمن مسافات والحب كلمات وانت زى الورد ان دبل مات ممكن طلب صغير منك تصلى على النبى وتبعتها لكل اللى عندك عشان يصلو عليه
رقم العضوية : 4491
تاريخ التسجيل : 19Jan2008
المشاركات : 2,738
النوع : ذكر
الاقامة : Mansoura
السيارة: ----------
السيارة[2]: Excel 1300
دراجة بخارية: ------------
الحالة :
الحمد لله قدر الله و ما شاء فعل , ماتقلقش مسألة وقت بس و كل شىء يرجع لأصله ربنا معاك .
اللهم اجعل قلوبنا عامرة بالإيمان
رقم العضوية : 1980
تاريخ التسجيل : 31Aug2007
المشاركات : 1,084
النوع : ذكر
الاقامة : Alex
السيارة: لايوجد
السيارة[2]: FIAT 127
دراجة بخارية: لا يوجد
الحالة :
قدر الله وماشاء فعل .......
بس علي فكرة انا حاسس انك غلطان انك كنت موافق انك تدفعلهم تكلفة تلفيات الميكروباص ........ يعني هو اللي غلطان و انت اللي تصلحله كمان ؟
رقم العضوية : 36480
تاريخ التسجيل : 26Mar2009
المشاركات : 3,597
النوع : ذكر
الاقامة : مدينة العبور(عروس المدن الجديدة)
السيارة: لانسر بومة 2007
السيارة[2]: كورولا 2008 mmt
دراجة بخارية: adidas
الحالة :
بحيى فيك صبرك وعدم ردك على ناس زى دول بس موقف سواق الميكروباص هوة اللى غريب شوية.
[sor2]http://profile.ak.fbcdn.net/hprofile-ak-snc4/274834_100000203787161_1334017_n.jpg[/sor2]
رقم العضوية : 2763
تاريخ التسجيل : 24Oct2007
المشاركات : 379
النوع : ذكر
الاقامة : Riyadh
السيارة: نوبيرا
السيارة[2]: Sonata 2014
الحالة :
في اي بلد نضيفة مفيهاش شغل انا اللذي واللذين
مثلا السعودية
النجدة بتيجي في ثواني تعمل وصلين وصل احمر للغلطان
يروح يدفع كل مليم غلط بيه (( مفيش حاجة اسمها اقبل العوض والكلا الفارغ بتاع الضحك عالدقون ده))
ووصل للي مش غلطان عشان يقبض حقه وتعبه وشقاه
ومن حكايتاك انا مش طايق مستر اكس ده
شكله عايز ياخد شلوت محترم وكام قفا عشان يعدل
لان شغل خدوهم بالصوت مع الناس المتربية والمحترمة ساعات بيجيب نتيجة
عموما احمد ربنا انك خرجت سليم معافى
وبعدين المواصلات للجدعان و لما تخلص قول عشان نقولك كفارة يا معلم
رقم العضوية : 1716
تاريخ التسجيل : 12Aug2007
المشاركات : 12,834
النوع : ذكر
الاقامة : Egy
السيارة: ex polo ex lancer
السيارة[2]: Kia Cerato
الحالة :
الحمد لله على كل شيء
ما تزعلش نفسك
المهم انك بخير ...
في الحالات دي ما دام نويت على محضر ...يبقى ما تكلمش حد ولا ااااااااااااااااا تاخد الكلام على أعصابك
دخل من هنا و طلع من هنا
أصل السيرك ده بيتنصب في خبطة
و بيبقى الغرض منه اتلاف أعصابك و احساساك بصعوبة المشوار و الذنب و ترهيبك من الشكوى
وممكن توصل انهم يحاولوا يدفعوك فلوس كمان (زي ما حصل معاك)
بس انت كده تمام ولو انك كنت هاتتدفع في القسم ....
أهم حاجة ماتزعلش نفسك و بص على رجليك و احمد ربنا انك ماشي عليهم ....ولا متعور ولا مكسور هاتلاقيها بسيطة
وقضا أخف من قضا
قوللي أخبار النضارة ايه ؟
رقم العضوية : 19101
تاريخ التسجيل : 15Sep2008
المشاركات : 1,583
النوع : ذكر
الاقامة : السويس
السيارة: فيات131
السيارة[2]: فيات125
دراجة بخارية: vesba
الحالة :
قدر الله وما شاء فعل
الحمد لله على كل حال
المفضلات