حضرتك بنهزر صح ؟
عرض للطباعة
اقتباس:
و املا القربه لالاخر لحد بعد العلامه كمان
غلط , تزويد المياه الي العلامة فقط max
نقص المياه من دائرة التبريد علي مدار سنة مثلا و بنسبة بسيطة أمر طبيعي بسبب الحرارة العالية و البخر من جسم المحرك و دائرة التبريد و هنا يتم تزويد المياه من خلال الاربة البلاستيك و المحرك بارد و متوقف أو عندما تنخفض درجة الحرارة تماما و أثناء دوران المحرك (سلانسيه)
أما لو تمت عملية التزويد بالمياه الي مابعد العلامة فماذا سيحدث ؟؟
عند التشغيل ترتفع درجة حرارة المياه و تتمدد داخل الاربة و تخرج المياه الزائدة من خلال فتحة التهوية vent لذا فالمياه الزائدة عن العلامة ليس لها داعي و تعتبر أهدار للمياه
الامر الغير طبيعي و الذي يثير الريبة و الشك هو هو نقص المياه بشكل سريع و بمقدار كبير و الذي يجب معه فحص كل دائرة التبريد لمعرفة مكان التسريب أو سبب نقص المياه
اكيد طبعاً انا عارف انه غلط في الوضع الطبيعي لاكن انا بتكلم على اول مره بس بالنسبه لي اخونا علشان العربيه هتبقى بارده و الريداتير هيكون فاضى شويه مدام المياه بوجه عام ناقصه واول ما هيملي اقربه اول مره الريداتير هيسحب منها لحد ما هيتملي و هيتر يزويد تانى ده كل الموضوع
لاكن فى الحاله العاديه لازم لحد العلامه بس إلا مكانوش حاطو العلامه اصلا و سبونا نملاها لاجيرها و خلاص وانا اسف علس سؤا الفهم الي حصل
و لا يهمك كلنا أخوات و بنتعلم من بعض و بنفيد و نستفيد
بس خلي بالك ان مستوي الاربة أعلي من مستوي الردياتير يعني لما بتزود منها المياه بتنزل من الاربة الي الردياتير و تملاه الاول و تعوضه و بعد كده بتملا الاربة
عموما لما تزود مياه للأخر مش هايحصل حاجة زي ماقولت و المياه الزائدة هاتخرج من فتحة الفائض
اول مرة اعرف ان المفروض اغير المية كلها كل عدد معين من الكيلومترات..اقتباس:
علي فكرة يجب تغيير المياه الملونة (خضراء أو حمراء) كل عدد كيلومترات وفق مايحدده الصانع في الكتالوج مع غسيل دائرة التبريد و انا عن نفسي أتبع هذا النظام كل 20000 كم مع فحص دائرة التبريد من وصلات و خراطيم و كلبسات
شكراً
اكيد طبعاً انت عندك حق بجد بس انا حصل معايا نفس الموقف بعد ما استلمت العربيه بحوالي 15 يوم فتحت الكبوت لاول مره لقيت الميا فى القربيه يدوبك 1 سم تقريبا تحت علامه المنيم بكتير روحت جبت زجاجه مياه خضرا من موبيل و زودت القربه لحد العلامه الفول بظبط و سفرت بيها من مصر للفيوم ولما روحت هناك لقيتها ناقصه القربه طبعا شويه فا بصراحع اتخضيت جداً روحت قولت طيب هزودها تانى حبه لحد ما ارجع القاهره تانى و اروح لعم غبور بس لما رجعت و لحد دلوقتى الشكر لله مفيش اى نقص في المياه بتاعت القربه تانى علشان كده سالت و عرفت قلولى لما تزود العربيه و هى بارده و تيجى تدور العربيه و الدوره بتمشى الرديتير بيسحب المياه الي ناقصه فيه ده كل الموضوع يا باشا
اصلا فى التوكيل بيقولى متفتحوش خالص ولا تزود ولا تيجى جمبها اقولة ازاى بيقولى انها المفروض مبتنقص واحنا كل صيانة بنبص عليها ولو محتاجة هنزودها