شوية اسئلة لخبراء الياريس.....برجاء المساعدة

**abohalmos** · 27-08-2009 03:56 PM

يا جماعة وانا مروح دلوقتى لاقيت صديقى و هوا طبيب بشرى ماسك زجاجة مياه عادية و عاوز يزود المياه للرداياتير
فقولتله يا راجل دى حاجة سهلة ببص على الرادياتير لاقيت فيه فتحتين واحدة بمستوى اعلى و بغطا معدن و التانية زى قربة كده بلاستيك و غطا بلاستيك ..... فقولتلوه انا مش عارف انت تضيف المياه فى انهو واحدة و كمان معرفش هوا كان بيحط مياه من الحنفية .....قولتلوه معاكش مياه خضرة قاللى لا .... قولتله اخر مرة حاطيت مياه امتى قالى من كذه شهر و هوا مش فاكر اساسا........

فانا عاوز اعرف المياه تتحط فى انهو قربة المعدن و لا البلاستيك .؟؟؟؟؟؟ وازاى نعرف انها اتملت مياه؟؟؟؟ و رادياتير الياريس بياخد مياه قد ايه ؟؟؟؟؟؟ و هل فى خطورة من استعمال مياه الحنفية ؟؟؟؟؟

برضه هوا صديقى مشغول جدا فى شغله و عمل بالعربية 60 الف كم و مارحش التوكيل و لا مرة نهائى ؟؟؟
احنا على فكرة فى قنا .......فلو حد يعرف اقرب مكان توكيل تويوتا فى الصعيد لينا ؟؟؟؟؟؟؟؟
واذا مكانش يقولنا احسن مكان توكيل لتويوتا فين فى القاهرة ؟؟؟؟ انا اسمع انه احسن واحد هوا ......بتاع ابو رواش ؟؟؟؟ يا ترى الكلام ده صح و لا لا؟؟؟؟؟؟؟؟

على فكرة انا كمان بحب الياريس اوى و مستنى ابكر المقدم عشان اجيبها ....... انما معرفش ايه الوضع دلوقتى بعد ما حد من الاخوة هنا قال انها هاتزيد سعرها 12 الف جنيه فى موديل 2010 ...... لو الكلام ده صح مش عارف هاعمل ايه ....... حاجة تفلق و الله .... انا مفروس جدا ..... ياريت حد يتأكد تانى من التوكيل و يبقى جزاه الله خيرا.

**asemx1** · 27-08-2009 11:08 PM

والله يا برنس لسه معرفش اى حاجه فى العربيه دى بس عموما ميه الحنفيه غلط لان فيها املاح وبالتالى بتخلى دوره التبريد تصدىمع الوقت تقريبا العربيه دى بتاخد ميه حمرا وبتتملى من القربه البلاستيك بس

**Dr Ahmed** · 28-08-2009 12:14 AM

مش هيجرى أى حاجة لو زودت المياة الناقصة بماء عادى وفى القربة طبعا

غالبا فى العربيات الحديثة الميه بتقعد سنين وسنين من غير ما تنقص ولو العربية سخنت هتعرف من اللمبة فى التابلوه والمؤشر بتاع الحرارة

لو فيه أى شك عندك فيها خلى أقرب واحد بتاع رادياتير يبص عليها ولو عايزه يغيرالميه كلها هيغيرها ، بس نصيحة لما تغير الميه لا تستخدم الما ءالأخضر اللى بيقولو عليه سعودى ومنتشر جدا
استخدم الجركن الأسبانى أو أى حاجة مستورده ودى تمنها ال 4 لتر بحوالى 28جنيه

**Samir Elshahawy** · 28-08-2009 01:34 AM

سيدي الفاضل ...
كل سنة و أنت و صديقك الطبيب طيبين و بخير ...

بالنسبة لتزويد المياه دائما و أبدا بيكون عن طريق الاربة البلاستيك و ليس في الردياتير مباشرة , أما عن كيفية التزويد فتتم و السيارة باردة تماما أو عندما يكون الموتور يعمل و الحرارة منخفضة و لكن الافضل ان تكون السيارة باردة و الموتور متوقف لدواعي السلامة فقط

و التزويد يكون حتي علامة max الموجودة علي الاربة البلاستيك

أما مواصفات مياه التبريد فهي موجودة بالكتالوج و يفضل أن تكون مياه خضراء أو حمراء و أذا اضطررت للتزويد فمن الممكن ان تستخدم مياه مقطرة تجنبا للأملاح الموجودة بالمياه العادية حتي لا تسبب ضرر للمحرك أو الردياتي فأن لم تجد مياه ملونة أو مقطرة فأستخدم مياه عادية علي أن تغير المياه بالكامل في أقرب فرصة

علي فكرة يجب تغيير المياه الملونة (خضراء أو حمراء) كل عدد كيلومترات وفق مايحدده الصانع في الكتالوج مع غسيل دائرة التبريد و انا عن نفسي أتبع هذا النظام كل 20000 كم مع فحص دائرة التبريد من وصلات و خراطيم و كلبسات

و تأكد ياصديقي أن مثل هذا الفحص الدوري و الروتيني لمستوي المياه و تغييرها كل فترة يجنبك العديد من المشاكل و المواقف المفاجئة

**A.Saad** · 28-08-2009 01:45 AM

http://www.nilemotors.net/Nile/88646-a.html

http://www.nilemotors.net/Nile/577-a.html

http://www.nilemotors.net/Nile/553-a.html

http://www.nilemotors.net/Nile/1929-a.html

http://www.nilemotors.net/Nile/926-a.html

**mando_yaris** · 28-08-2009 01:48 AM

سيدي الفاضل دورت التبريد في التيوتا دوره موغلكا و لو انتا فتهتها عمرها ما هتتزبت تاني ال هاجا الوهيدا الي مومكن تهوت فيها ميا هي اربت المسهات و ديه غطاها ازرق بلستك و عليه رسمت نقات ميه و نصيها متهولش تفته اي غطا تاني حمالا لل هسابات بتاعت الضغوت بتاعت العربيا

**Dr Ahmed** · 28-08-2009 02:37 AM

ههههههههههههههههههههههههه ههههه

**NaderNabil** · 28-08-2009 02:44 AM

المشاركة الأصلية كتبت بواسطة mando_1980_love_u

سيدي الفاضل دورت التبريد في التيوتا دوره موغلكا و لو انتا فتهتها عمرها ما هتتزبت تاني ال هاجا الوهيدا الي مومكن تهوت فيها ميا هي اربت المسهات و ديه غطاها ازرق بلستك و عليه رسمت نقات ميه و نصيها متهولش تفته اي غطا تاني حمالا لل هسابات بتاعت الضغوت بتاعت العربيا

بتفكرتي بمسرحية المتزوجون :)

**mando_yaris** · 28-08-2009 04:17 AM

المهم تكون حاجا سعيده

الموضوع: شوية اسئلة لخبراء الياريس.....برجاء المساعدة

LinkBack

أدوات الموضوع

عرض

-

-

-

-

-

المواضيع المتشابهه

لخبراء بورسعيد ....برجاء المساعدة

شوية اسئلة لخبراء الرانجلر وعلى راسهم استاذ مينا

ملاك الياريس شوية اسئلة بالنسبة لقطع الغيار

مشكلة غريبة شوية........برجاء المساعدة

عايز اجيب اوبل فكترا 98او99 و عندى شوية اسئلة.ارجو المساعدة

الكلمات الدلالية لهذا الموضوع

المفضلات

المفضلات

ضوابط المشاركة