يبقى غالبية أو معظماقتباس:
فى غالبية السيارات الحديثه التى تعمل بنظام الحقن الإلكترونى للوقود بيكون فيه كمبيوتر بيتحكم فى كل شىء
أنما مش جميع الحديث مفيهوش أسبراتيراقتباس:
و الإشعال فى جميع العربيات الحديثه إلكترونى و مفيش إسبراتير أصلا
عرض للطباعة
يبقى غالبية أو معظماقتباس:
فى غالبية السيارات الحديثه التى تعمل بنظام الحقن الإلكترونى للوقود بيكون فيه كمبيوتر بيتحكم فى كل شىء
أنما مش جميع الحديث مفيهوش أسبراتيراقتباس:
و الإشعال فى جميع العربيات الحديثه إلكترونى و مفيش إسبراتير أصلا
الحديث اللى فيه إسبيراتير بردو مختلف عن زمان و مافيش البوبينه الشهيرة اللى واصله للإسبراتير بسلك زى البوجيهات و كمان مافيهوش أبلاتين و لا كوندنسر و لكن كل ده بيبقوم بهامه دائرة إلكترونيه و ملفات داخل الإسبراتير نفسه و الصنايعيه بيسموه إسبراتير إلكترونى و لكن جزئية توزيع الشراره بين البوجيهات هى فقط إللى بتتم ميكانيكيا فى هذا النوع وغالبا هذه السيارات بتكون حديثه و لكنها بتكون نظام كربراتير وليس حقن إلكترونى زى مثلا الانسر موديل 99 الكريستاله و الأكسنت ال1300 و السيينا ال1400 .......إلخ
جزاك الله خيرا موضوع مميز جدا
موضوع ممتاز -كالعادة- يا باشمهندس سمير
جزاك الله عنا خيرا
موضوع مفيد جدا
الله ينور عليك يا هندسه
موضوع فوق الممتاذ
اسمحلي يكونلي الشرف أتناقش مع حضرتك في الموضوع ده...
العربيات الانجيكشن اللي فيها اسبراتير بتبقى في الغالب SPI (single point/throttle body Injection)
و ده نظام بدائي شوية... و مش محتاج توضيح..
نيجي بقى للـ MPI اللي هو Multi point Injection و هانسيب الحقن و نتفرج على الـ Ignition
لو حضرتك فتحت كبوت النوبيرا و تابعت سلوك البوجيهات من أول المكنة هتلاقي نفسك و صلت لعلبة سوده كده...
http://www.1aauto.com/img/ucart/imag...0/middle_2.JPG
العلبة دي بقى فيها جوز مباين (Ignition Coils)
1و 4 ليهم موبينة و 2 و 3 ليهم موبينة تانية..
طيب إزاي Ignition في اسطوانتين في وقت واحد؟؟؟
الاجابة هي إن الـ Ignition بيتم في الاسطوانة مرتين: واحدة بداية شوط القدرة Power stroke و التانية هي نهاية شوط العادم Exhaust Stroke و الأخير ده علشان نقلل الهيدروكربون غير تام الاحتراق في العادم...
و النظام ده اسمه Distributerless Ignition و أدي صورة أفضل للمنظومة..
http://0.tqn.com/d/autorepair/1/0/i/_/94659191.gif
طيب بالنسبة لأن يكون في بوجيه لكل موبينة؟؟
ده بقى نفس النظام المذكور أعلاه مع اختلاف مكان الموبينة و ان التيار الساري في الأسلاك بيكون أقل في فرق الجهد و دي صورة الموبينة الموجودة في رينو علشان اتعاملت معاها قبل كده... واسمه Direct Ignition
http://image.tradevv.com/2009/02/10/...ane-scenic.jpg
طيب السؤال الأساسي... التوزيع بيتم ازاي؟؟!!
عن طريق الـ ECU......
بس كده... بالنسبة للخريطة بتاعة الـ Ignition اللي بتتبرمج عليها فللأسف مبفهمش فيها قوي بس هي بتبقى زي كده...
http://www.team-bhp.com/forum/attach...dvance-map.png
http://www.team-bhp.com/forum/attach...ion-timing.png
و الله أعلم....
في رعاية الله...
شوفت الأقتباس السابق بتاعى ده ياهندسه
وأنا عارف النظام بتاع عربيتى ( لاتوزيعى )
وعارف وحافظ تكوين البوبينا الهندسى وتشريحها من جوه شكله أيه
وعارف مكانها على المكنه ومغيرها ومغير طقم سلوك من أسبوعين وبنفسى
وبأعمل معظم الشغل فى عربيتى بأيدى
وحافظها من ساسها لراسها
وعارف أن النظام أسمه لاتوزيعى بيعتمد على ال waste sparke
وعارف النظام التوزيعى اللى موجود فى الرينو وتقريبا فى الألنترا الحديثه
اللى كل أسطوانه ليها بوبينا مستقله وبدون سلوك بوجيهات كمان
( البوجيه تحت البوبينا على طول )
فجايز يكون كلامك سليم
بالنسبه لعدم تواجد أسبراتير فى السيارات الحديثه ( ذات الحقن الألكترونى )
من النظام التوزيعى زى الرينو والألنترا
على أساس أن التوزيع للشراره بيتم من خلال وحدة التحكم وعنصرى تحديد موعد أرسال الشراره
أى حساسى الكرنك والكامه
ولو أن فيه حديث فيه كربوراتير وبينتج الى الآن زى الماروتى تقريبا
أنا ما أقصده
أن مش كل السيارات الحديثه ( ومش شرط بأه تحكم الكترونى وغيره )
خاليه من الأسبراتير كنظام توزيعى
بدليل الماروتى مثلا كمثال
_______________
آه نسيت
فى رعاية الله
يبقى أنا فهمت غلط...
نخليها أهي للفايدة العامة برضه...
و على فكرة و أنا بكتب كنت شبه متأكد ان أكيد حضرتك فتحت عربيتك و شفت اللي فيها و إأكيد عارف اللي أنا بتكلم فيه أكتر مني بس قلت أقوله من باب المنفعة..
و يهمني أعرف رأي حضرتك فيه...
كلمة أخيرة... صدقني كوني كتبت عن حاجة مش تقليل من شأن حضرتك أو أي شئ بس أنا عملت بمبدأ إن أي حد ممكن يكون عنده فكرة غلط اتبنت على كلمة واحدة انما مش لقلة علم أو خبرة... مأقصدش أي حاجة تاني والله...
آسف تاني على سوء الفهم...
في رعاية الله...
موضوع اكثر من رائع