الموضوع: نظام الأشعال فى محركات السيارات

المشاركة الأصلية كتبت بواسطة samirayad

يبقى غالبية أو معظم

أنما مش جميع الحديث مفيهوش أسبراتير

اسمحلي يكونلي الشرف أتناقش مع حضرتك في الموضوع ده...

العربيات الانجيكشن اللي فيها اسبراتير بتبقى في الغالب SPI (single point/throttle body Injection)
و ده نظام بدائي شوية... و مش محتاج توضيح..

نيجي بقى للـ MPI اللي هو Multi point Injection و هانسيب الحقن و نتفرج على الـ Ignition

لو حضرتك فتحت كبوت النوبيرا و تابعت سلوك البوجيهات من أول المكنة هتلاقي نفسك و صلت لعلبة سوده كده...


العلبة دي بقى فيها جوز مباين (Ignition Coils)
1و 4 ليهم موبينة و 2 و 3 ليهم موبينة تانية..
طيب إزاي Ignition في اسطوانتين في وقت واحد؟؟؟
الاجابة هي إن الـ Ignition بيتم في الاسطوانة مرتين: واحدة بداية شوط القدرة Power stroke و التانية هي نهاية شوط العادم Exhaust Stroke و الأخير ده علشان نقلل الهيدروكربون غير تام الاحتراق في العادم...
و النظام ده اسمه Distributerless Ignition و أدي صورة أفضل للمنظومة..


طيب بالنسبة لأن يكون في بوجيه لكل موبينة؟؟
ده بقى نفس النظام المذكور أعلاه مع اختلاف مكان الموبينة و ان التيار الساري في الأسلاك بيكون أقل في فرق الجهد و دي صورة الموبينة الموجودة في رينو علشان اتعاملت معاها قبل كده... واسمه Direct Ignition


طيب السؤال الأساسي... التوزيع بيتم ازاي؟؟!!
عن طريق الـ ECU......
بس كده... بالنسبة للخريطة بتاعة الـ Ignition اللي بتتبرمج عليها فللأسف مبفهمش فيها قوي بس هي بتبقى زي كده...



و الله أعلم....
في رعاية الله...