اوبتراوى فى معسكر البروتينين

**tutankhamoun** · 29-08-2009 09:49 PM

المشاركة الأصلية كتبت بواسطة just_magdy1

والله يا رجالة بكل صراحة وشفافية انا عمرى ما سقت الواجا ولا حتى شفتها ... انا اعجابى بالعربية من خلال التقارير ومداخلات الاعضاء الى معظمهم اكدوا على مجموعة نقاط اهمها :
الاوبشنز الكتير فى الواجا مثل عوامل الامان من ايرباج وفرامل abs
قوة ومتانة الصاج ودى حاجة لم اجده فى الاوبترا
الثبات العالى بالاضافة الى الشكل الكلاسيكى المميز
كتير من الاعضاء اكدوا جودة التقفيل فى الواجا مقارنة بباقى سيارات البروتون
السعر المنافس جدا
كده يبقى فاضل انى اطمن على الموتور والجيربوكس وعفشة العربية ولو ثبت ان هذه الاشياء فى العربية جيده ويعتمد عليها
بالشكل ده انا شايف ان العربية بالسعر ده تبقى عربية اكثر من جيدة بل تبقى عربية مظلومة كمان

بُص يا باشا
بالنسبة للفتيس و الموتور :
الموتور في الواجا الجديدة ...... كامبرو زي بتاع الجين 2 و البيرسونا .....
110 حصان ... 148 نيوتن - متر ........

الفتيس : من ميتسوبيشي .( زي بتاع الجين 2 و الجالانت .... و الميراج )

أما الواحا القديمة
موتور و فتيس من ميتسوبيشي .

العربية الواجا في أنجلترا بيتم مقارنتها مع الفيكترا و العربيات اللي في الفئة دي
علشان الناس اللي داخلة تتكلم على العربية من غير ما تجربها ووضاح جدا من لهجة الكلام .

أنا في رأيي
موتور الأوبترا تجميعه أحسن خصوصا على السرعات الصغيرة . و الخامات الداخلية أفضل قليلا .
هي دي مميزات الأوبترا عن الواجا بالاضافة لسهولة اعادة البيع ....... و توافر قطع الغيار بأفضلية عن الواجا .

الواجا بتنزل في أنجلترا سيارات شرطة ........ شرطة لندن بتستخدمها في الدوريات الخاصة مع سيارات عريقة زي فورد و فولفو و مرسيدس ,,,,,,

في رأيي الشخصي :
واضح من كلام حضرتك أنك شخص متقلب المزاج و بتحب تغير كتير .
فلو دي الحالة ......... يبقى بلاش واجا لأن الواجا سوقها قليل شوية و مش بتتباع بسهولة .
فلو لأي سبب معجبتكش بعد الشراء ....... هاتتعب معاها في البيع .
إنما رأي فني .....
العربيتين الفروق الفنية بينهم مش كبيرة .
غير أن الواجا أقوى في الصاج ...... كماليات أكتر بكتير ..... عوامل أمان زيادة ..........
و من ناحية الشكل .......... الأثنين مش حلوين قوي بصراحة لا ألأوبترا حلوة شكلا و لا الواجا حلوة ..... عاديين ( رأيي الشخصي )

[sor1]http://farm4.static.flickr.com/3018/2349166133_32e04f2122_m.jpg[/sor1]

[sor2]http://www.ukemergency.co.uk/police/dsc07390.jpg[/sor2]

**just_magdy1** · 29-08-2009 10:43 PM

شكرا توت باشا على الرد وحقيقى انا سعيد بوجودى بمنتداكم المميز ... لانى من خلال ردود حضراتكم اكتشفت الحيادية التامة لاعضاء المنتدى وعدم التعصب لسياراتكم ... لان فى معظم المنتديات اغلب الاعضاء متحيزة قليلا لسيارتهم .. شكرا تانى لاهتمامكم

**Osama.shihata** · 30-08-2009 01:58 AM

حضرتك لو عايز تشوفها على الطبيعة هتلاقيها فى التوكيل الى فى فرع الصحراوى وممكن تلاقيها برده فى فرع العجوزة
ولو فكرت خلاص فى البروتون يبقى لازم تشوف الجين 2 والبرسونا
المهم لازم تبقى عارف ان البروتون عامة سعر اعادة بيعها اقل من الاوبترا خصوصا انه واضح انك بتحب التغيير وربنا يوفقك لما فيه الخير

**D . a .\ AYMAN** · 03-09-2009 02:29 AM

المشاركة الأصلية كتبت بواسطة ayman_52

طب حضرتك حسبت الخساره اللى هتخسرها لو بعت العربيه دلوقتى ؟؟؟؟

وهل لو جبيت الواجا وطلع معاك كام عيب تقفيل هتقرف منها وتبيعها تانى اسبوع؟؟؟

---

مع انى اتمنى من كل قليى انضمام حضرتك للبروتوناويه .... وبكون سعيد جدا لما بشوف البروتوناويه بيزيدوا

بس انا لو مكانك ..... هاصبر شويه ....واستنى بس سنه ... خلال الفتره دى اجمع معلومات اكتر عن الواجا ... انزل اجربها ...

واشوف ايه عيوبها قبل مميزاتها ... وتكون عيوبها مش هتاثر معايا .

ولو فعلا بعد تفكير طويل لقيت نفسى لسه زهقان من العربيت وعاوز اغير .. ساعتها اتوكل على الله ..

وساعتها بقى هنعمل معاك احلى واجب ..... وهنضبطلك كل حاجه فى الاستلام ان شاء الله

------

بجد منور البروتوناويه .... وياريت تشرفنا فى اى مقابله لينا .... لان شكل دم حضرتك -بروتونى اصيل-

كل سنه وحضرتك طيب ... ورمضان كريم

تحيـــــــــــــاتــــــى

أنا رأيي برضه من رأي أخي أيمن

**magedomran** · 10-09-2009 10:51 AM

المشاركة الأصلية كتبت بواسطة do00ody

صديقى العزيز ... انا هرد عليك فى نقطة واحدة بعد إذنك طبعا

فى موضوع العربيات ... متسمعش لكلام حد

كل واحد بيتكلم عن ذوقه هو وانطباعه الشخصى

وداااااااااااااااائما ... كل واحد بيكون شايف نوع عربيته .. أحسن عربية فى الدنيا

شوف ظروفك انت .. وانطباعك الشخصى انت .. ومادام حضرتك مقتنع بشئ .. متخليش حد يلعب فى اقتناعك ده

وبالتوفيق ان شاء الله ... وكل سنة وحضرتك طيب

+1000000000000000000000000000000000000000000000000 00
يا عم لو سمعت كلام الناس مش هتركب عربيه خالص وبعدين هتمشى على رجلك وتركب مواصلات شويه كدة وهتلاقى الناس بردوة مش عاجبها الوضع انك تركب مواصلات وتقول لازم تجيب عربيه ولما تجيب اى عربيه الناس تطلع فيها القطط الفاطسه انت لازم تختار حسب ظروفك وميولك فى احتياجاتك وبعدين تدافع عن اختيارك وبلاش تسمع دايما لكلام الناس
اسف على الاطاله
بالتوفيق ورمضان كريم

**hesham_soaida** · 10-09-2009 11:00 PM

المشاركة الأصلية كتبت بواسطة just_magdy1

شكرا توت باشا على الرد وحقيقى انا سعيد بوجودى بمنتداكم المميز ... لانى من خلال ردود حضراتكم اكتشفت الحيادية التامة لاعضاء المنتدى وعدم التعصب لسياراتكم ... لان فى معظم المنتديات اغلب الاعضاء متحيزة قليلا لسيارتهم .. شكرا تانى لاهتمامكم

انا برضوا محايد, بس فعلا بشجعك على بيع الاوبترا وشراء الواجا. انا حجزت الواجا full option اوتوماتيك من فرع العجوزة, وحستلمها ان شاء الله يوم السبت.

**just_magdy1** · 11-09-2009 02:15 AM

طيب يا استاذ هشام الواجا الى حضرتك حجزتها موديل 2009 ولا 2010 وكمالياتها ايه وياريت حضرتك تقلنا السعر كام
شكرا وكل سنة وانت طيب

**hesham_soaida** · 11-09-2009 03:25 AM

[QUOTE=just_magdy1;3871982023]طيب يا استاذ هشام الواجا الى حضرتك حجزتها موديل 2009 ولا 2010

2009 , الموديل الجديد حينزل في نوفمبر

وكمالياتها ايه
اوتوماتيك- 2 وسائد هوائية- CD- جنوط- زجاج ومرايات كهربا- ستتر وانذار- فوانيس شبورة- مالتي فانكتيون- ABS - sensor parking

وياريت حضرتك تقلنا السعر كام

ان شاء الله لما استلمها