السلام عليكم .... كل سنة وحضراتكم طيبين
بداية انا معايا اوبترا اتوماتيك 2009 حقيقى جميلة بس سبحان الله مش عارف ليه مش قادر استمر بيها
وفعلا بفكر جديا انى ابيعها وصدقونى لو حد سالنى ايه السبب مش هقدر اجاوب اجابة وافية ..
ربما يكون السبب ضعف صاج الكبوت والسقف .. ربما يكون السبب سهولة خدش البوية ... ربما يكون السبب
اراء بعض الاخوة فى المنتديات المختلفة فى نايل موتورز وخصوصا انى بتاثر باراء الناس فى موضوع العربيات
على الرغم انى ركبت حتى الان 7 عربيات مختلفة الا ان خبرتى بالعربيات مش كبيرة .. انا مجرد مستخدم
المهم علشان مطولش عليكوا انا متجه الان الى البروتون واجا وعايز اشترى موديل 2010 كاملة اتوماتيك
فياريت الاخوة الخبراء فى مجال البروتون ينصحونى هل الواجا تستحق انى ابيع الاوبترا وهل فى مميزات جديدة فى موديل 2010 وسؤال مهم ماهى بلد صناعة الجيربوكس الاتوماتيك فى الواجا ؟
وارجوا تكون الاجابة تكون حيادية بلا تحيز لسيارة عن الاحرى .. اسف للاطالة وشكرا مقدما
المفضلات