الموضوع: ياتري السيراتو ممكن تشد مع ايه ؟؟

المشاركة الأصلية كتبت بواسطة bmw323

طيب أية ياجدعان أجلكم أنا كمان بالبى أم ولا أية ظرفكو؟؟
ههههههههههههههههههههههههه ههههههههههههههههه

عاش يا وحش...

شايلينك لكبيره ..خليك انت

ههههههههههههههههه...بكره اجيب سيفيك sir واقطع اى حد هنا بعون الله هههههههههه

اعتقد ان الكرولا تمسك المازدا تنفضها على الاسفلت :)

ايييييييييييييييييييييييي ييييييييييه ده ...
هوه انتو ما صدقتوا ... هوه مفيش غيري هنا ولا ايه ...
أنا عارف كله نفسه ياخد مازدتي حبيبتي وعنيكم هتطلع عليها ....

يلا يا عم الحج انت وهو ..
كل واحد يروح يلعب قدام القسم بتاعه ...

طبعا هتقولولي وانت ايه اللي جابك في كيا .. هقولكم ابدا واحد صاحبي كان باعتني اشتريله حاجة من القسم وماشي علطول ...

لكن كل واحد هيجي يعملي فيها السبع رجالة ببلاش كده ..

خلاص ابو بلاش خلص ...

أنا بعد الطلب الجماهيري ده .. قررت اعمل رقم مخصوص للي عاوز يدخل في سباق مع المازدا3 ... وهختار اكتر حد اتصل او بعت رسايل ... وهيكون معانا كل اسبوع فايز .. واللي هيفوز ويدخل السباق مع المازدا3 وطبعا مش هيكسب ولكن بردو هتكون جايزته انه يتصور جنبها ...

هروح اجيب الرقم بقه وارجعلكم

المشاركة الأصلية كتبت بواسطة Mshawky

ياجماعه اللانترا مش 124 حصان خالص مين قال الكلام ده

لالانترا 110 مش 124
موتور الإلنترا 121 حصان مش 110 حصان
والسيفيك نفسها 122 حصان 1600 سى سى والفيرنا 107
و الفيرنا 105 حصان

والانسر شارك 110 على 1500 سى سى

الشارك 105 حصان بس .... مش 110 حصان

تعتبر السيراتو اعلى منهم بس الهوندا ماتور ناعم وتجميع عالى وتعشيق اقوى

والله اعلم

معاك في أخر حتة بتاعة الهوندا و السيراتو

المشاركة الأصلية كتبت بواسطة abo samra

يا جماعه انا عارف ان فيه ناس كثير بتحذر من السرعه والسرعه خطر وكدا
انا الحمد لله مش بشد مع حد غير بعد 2 او 3 بليل وطرق سريعه وفاضيه
يمكن غلطت مره من سنه كدا وشديت على طريق السويس فى وسط الزحمه مع سيفيك 2008 لان صاحبها كان بيستفزنى وكان بيقولى كورولا ايه اللى هتقدر تعمل حاجه مع السيفيك
فطلعنا على الطريق وكنا هنموت احنا الاننين بسبب غرز على 180 و 190 وكنا هنلبس فى لانسر شارك احنا الاتنين لولا ستر ربنا وساعتها حسيت انى انسان بلا معنى علشان اودى نفسى فى داهيه او اعرض حياة ناس تانيه للخطر علشان اثبت مين اسرع ومن ساعتها رغم انى من هواه الشد الا انى مش بشد غير فى وقت يسمح وطريق يسمح
وعلى فكره انا عمرى ما شفت عربيه 1600 سى سى ستوك عدت 200 كم غير كورولا mmt وسيفيك وبى ام دبليو 116i
لسه فى انتظار معرفة الكورولا الاوتو 2010 هتوصل لحد فين
وربنا يسترها معانا
تحياتى

يارب الناس تبطل موضوع الشد و الغرز ده .......... ربنا يهدي و بأحييك يا باشا على التعلم من أخطائك و ربنا يهدينا جميعا
بس لي تعليق صغير على موضوع السرعات الأعلى من 200 للعربيات ال 1600 سي سي الستوك
أدي يا سيدي جين 2 عاملة 215 كم - س







و على فكرة الفيرنا بتعدي 200 برضه ...... و عربيات كتيرة دلوقتي 1600 بتقدر تعدي 200 كم - س
مش حاجة صعبة
أهم حاجة توافر الظروف المناسبة
يعني ميكونش الهوا و الرياح ضد العربية و الفللاتر تمام في العربية و البنزين تمام و طبعا السواق

---------------------------------------------------------------------------------------------
---------------------------------------------------------------------------------------------


سؤال يا جماعة محيرني
و لنفرض أن عربية ج اللي صنعها ناس أجانب مش مصريين ..... و أنا مجرد مستهلك لها و أشتريتها علشان أروح الشغل و أروح بها مشاوير البيت .
و لنفرض ان العربية ج دي طلعت أحسن عربية ...... و شدت على الطريق و طلعت من كل العربيات
أنا كسبت أيه ؟؟؟؟؟؟؟؟؟؟؟؟؟؟؟؟؟؟؟؟ غير أني عرضت حياتي و حياة غيري للخطر .........؟؟؟؟؟؟؟؟؟؟

كان فيه حادث هنا بعربية تويوتا
عيلين ( الله يرحمهم ) في شارع الميرغني السنة اللي فاتت بيشدوا مع بعض بعد منتصف الليل
و عملوا حادثه شنيعة و صاحب التويوتا عربيته أتفرتكت حتت

كسب أيه لما أكتشف مثلا أن عربيته بتقطع العربيات التانية ..؟؟؟؟
بالعكس
خسر حياته
خسر العربية
و لو كان قتل حد في الطريق معاه كان هايتحاسب عليه ده غير حساب ربنا له و سؤاله ..... ليه عملت كدا في نفسك ؟؟
علشان تثبت أن العربية اللي صنعها ناس من غير بني جلدتك جبارة ؟؟؟؟؟؟؟؟؟؟؟؟؟

حكموا المنطق يا أخواني قبل أن تقدموا على أفعال مثل تلك
و تخيل عائلتك اللتي في أنتظارك
أوللدك ......... هل تحب أنهم يتربوا أيتام علشان أنت تثبت أن عربيتك بتشد و تمام ؟؟
زوجتك ....... هل تحب أنها تترمل علشان تثبت أن العربية الأجنبية اللي أنت شاريها تمام و بتشد ؟؟
و أمك و أبوك و أخواتك ....................... و كل من ينتظرك

و دائما ييجب أن نتذكر
أن الشد بيأثر على العربية سلبا و بيقصر عُمر المكونات الميكانيكية و غير الميكانيكية فيها
و بنستهلك بنزين زيادة بدون داعي

يعني خسارة مادية و معنوية ........... و تعريض حياتك و حياة غيرك لخطر داهم .......


ربنا يهدينا جميعا و رمضان كريم .

[sor2]http://http://img440.imageshack.us/img440/4389/17366271xj6.jpg[/sor2]

[sor2]http://img242.imageshack.us/img242/6827/59881137pv1.jpg[/sor2]

[sor2]http://img440.imageshack.us/img440/1162/79695055yt9.jpg[/sor2]

[sor2]http://img440.imageshack.us/img440/6825/76202636zr0.jpg[/sor2]


أرجوا أن أحنا نتعظظ و نتعلم ....... و نشوف حوادث غيرنا و نتعلم و نتأكد أن الحرص مهم
والقيادة الآمنة بتقلل نسب الحوادث
في أوروبا نسب الحوادث قليلة جدا خصوصا في الدول اللي فيها حظر على السرعات زي أنجلترا و سويسرا و دول شمال أوروبا .

الحرص و القيادة الآمنة هما طريقك للحفاظ على حياتك كمواطن ....... و الحفاظ على سيارتك و ممتلكاتك و ممتلكات الآخرين .