شباب معلش في حاجات معينة لازم نعرفها عن موضوع الشد و التسارع والذي منه:
1-كل عربية موتورها متصمم علي قدها-ما عدا بعض الاستثناءات- يعني اللي قاعد يصمم عربية ده مهندس ميكانيكا و مضبط الكلام مش واحد من الشارع.
2-الشد ده-مع ان مش بحبه-نسبة كبيرة منه تعتمد علي السواق, انا كان معايا هيونداي اكسنت و كانت بتجري كويس و زي الفل.
3-عدد نقلات الجير بوكس مش مؤثر, المرسيدس القديم كان 4 سرعات و في منه كان 3 بس, و مع ذلك كانت عربية رهيبة و بتشد و بتجري, مظنش حد ممكن ينكر ده.
4- الoutput بتاع الموتور حاجة واحدة تقريبا لنفس السعة , انا مش بتكلم عن الفرق بين الI-shape
وال V-shape المصنع بيوزعه بين Horse power او Torque , يعني النقل مثلا بيدي Horse power مش مناسب لسعةالمحرك, بس ال Torque ناااااار
5- اخيرا, انا شايف ان الشد ده نوع من قلة الأدب مع الطريق و تضييع للأرواح و تهلكة, انا عشت تجربة مع صديق قعد سنين بيعاني من تبعات حادثة مشابهة, شوارعنا دي نمشي عادي فيها اللي عايز يشد ممكن يسافر بره و يشتري Mercedes CLK و ممكن يتعامل ساعتها.