يا ريت يا جماعة لو حد عنده السيراتو 2010 لاني حاجز واحدة ولسة مستلمتهاش انا بس عاوز اعرف ايه العربيات اللي ممكن اشد معاها بكل ثقة ومن غير ما تكسفني السيراتو يعني هل ممكن اشد مع اوكتافيا مثلا او لانسر او اي حاجة تانية يعني ؟؟؟
عرض للطباعة
يا ريت يا جماعة لو حد عنده السيراتو 2010 لاني حاجز واحدة ولسة مستلمتهاش انا بس عاوز اعرف ايه العربيات اللي ممكن اشد معاها بكل ثقة ومن غير ما تكسفني السيراتو يعني هل ممكن اشد مع اوكتافيا مثلا او لانسر او اي حاجة تانية يعني ؟؟؟
السيراتو تشد مع اوكتافيا و جيتا من صفر ل 100 غالبا بعد 100 سيبهم فى حالهم و متحاولش معاهم ...
ممكن لانسر و الفريق اليابانى كله ..
بس ابعد عن الالنترا و الفيرنا ..
والله لو انت ماشى فى طريق hi way ممكن تشد مع لانسر النترا وممكن كورولا بس ممكن السيراتو تكسفك لو انت ماشى اوتوماتيك والكورولا mmt يعنى لو الفتيس بتاعك ستيب ترونيك شغله على المانيوال واوعى تشد مع السيفيك او الفيرنا لكن لو ماشى على الدائرى ممكن تشد مع تويوتا 14 راكب او مرسيدس ورينو قلاب او شيفروليه الدبابة او الجامبو وفيه برده جرارات ومقطورات سبور وكمان تربو ديزل وفى الحالة دى خليك واثق ان السيراتو هاتكسفك.
ملحوظة ونصيحة:قبل متشد مع حد اكتب وصيتك واحجز فى التوكيل سمكرة واتفق مع حد يقطر العربية.
يا عم ربنا مايجيب سمكرة ولا حاجة من دي ... بس بخصوص الالنترا سمعت انها اخف من السيراتو وبكدة السيراتو مش هتعرف تتكلم معاها اصلا !! يعني الا لنترا سحبها اقوي بسبب خفة وزنها
انا اعرف ان السيراتو و الالنترا نفس الموتور ......!!!!
غالبا الفرق بينهم فى الشد مش هيكون كبير بس اعتقد الالنترا هتتطلع منها بفارق بسيط عشان وزنها اخف (لو غلط حد يصححلى)...
اه فى عربيه نسيت اقولك عليها ......
فيكترا ايزى ترونيك او اى اوبل ايزى ترونيك ...
م الاخر لو الى راكبها بيسوق ايزى ترونيك صح و بيفهم ....
محدش هيطلع منه غير ..
بى ام و مرسيدس و سيفيك (بس السيفيك هتتعب معاه شويه) ........
غير كده سلملى على اى عربيه .......
انا مش عارف اقول ايه بس انا للاسف جايب الفئة اللي هي 103 الف يعني طاسات 15 كدة يبقي انا مش هعرف اشد مع حد ولا ايه ؟؟؟؟؟؟؟؟؟؟؟؟؟؟
يا اخى متفهمنيش غلط انا مش بتمنالك شر والعياذ بالله انا بس خايف عليك احنا مش شاريين العربيات دى عشان نخش بيها حلبات سباق وبعدين معظم الناس بتشد فى طرق فيها ناس وزحمة انا لما جيت اجرب الثبات بتاع الكورولا نزلت بالعربية بعد الفجر على طول ومشيت بيها فى المدخل بتاع مدينة العبور اللى هو طريق بلبيس والطريق بيبقى كله فاضى ولما بشد مع حد بيبقى بعد الساعة12 بليل والطريق برده بيبقى رايق خاالص غير كده بمشى عادى والغرز عند الحاجة وبرفع شعار
انما يفوز باللذات كل مغامر.
هههههههههه هو ده اللي هيحصل فعلا همشي جمب الحيط :(
انا فاهم قصدك يا مان ولا يهمك فعلا المفروض منشدش وناخد غرز كدة عمال مع بطال وخصوصا لو الطريق زحمة
:B4_388:صح كدا هو دا مظبوط انت فعلا كدا جبت الخلاصة هى دى العربيات الى ممكن السيراتو تشد معاها:ma:
وهو لسة فى حد فى الزمن دا بيشد بالعربيات انا افتكر انا لما كنت بشد بالعربية الكلام دا كان من سنتين او 3 سنين انت بس اشترى العربية وربنا يكرمك كدا وحافظ عليها عشان تصونك:120146b
تشد مع أوكتافيا و جيتا لحد 180 و انت مطمن
و تشد مع ميجان و تقطعه حتت
مازدا و تقطعه حتت
لانسر شارك ...و مش هاتشوفه لأنه مش هايعرف يعدي 170 أساسا
لانسر بوما 1600 انت و شطارتك
لحد هنا و بس
ما جربتش سيفيك ولا كورولا
بس عن ثقة
انا في واد بالنترا قطعني حتت صغيرة كده
و على طريق مفتوح و لحاد 160
على فكرة السيراتو بتجيب 160 على التالت و ده الأمل الوحيد بس الأر بي إم بيكون 6 الاف
بغض النظر عن موضوع الشد والغرز والتقطيع
فالسيراتو فيها موتور من اقوى المواتير ال 1600 الموجوده حاليا
السيراتو والالنترا والكورولا والسيفيك
كلهم من 121 حصان الى 125 حصان تقريبا
يفرق بقى وزن العربيه والطريق والسواق ... الخ
على فكرة انا بس عايز افهم ليه الناس قبل ما تشتري عربية او بعدها بيبقى تفكيرهم منحصر في التجميع و ال top speed و مين بيقطع مين .......احنا بنجيب عربيات سيدان و دي شخصية او عائلية مش سباق ..... و خلاص .... مش مهم مين هيعدي مني عالطريق و لا انا هاعدي من مين ..... الاهم سلامتي و سلامة غيري .... الاهم ثبات العربية ..... الاهم راحتي و انا قاعد جوة
ناس كتير حذرتني و انا باحيب السينيك انها اتقل من الميجان و نفس الموتور يعني مش هتعرف تجيب سرعات عالية
قلت لهم و انا هاجيب عربية عائلية عشان اطير بيها؟؟؟؟؟؟
بقولك ايه يا دكتور احمد... اهدى كده شوية وقول ما شاء الله وامسك الخشب .. عنده حق يا جدعان .. لو السيراتو طلعت مع ميجان ... الميجان مش هتشوف شنطة السيراتو الا اخر الطريق ... والجيتا والاوكتافيا معاها سلاحف ,,,, والكورولا على حسب السواق هي واللانسر ... انا هقولكو حاجه من الاخر ... اللي فيكو معاه عربية وفرحان بيها اوي ميفكرش يشد مع هوندا سيفيك ,,, بجد ... انا مشفتش موتور كده ... ايه ده .. انا حسيت اني في الطيارة وكلها ساعتين واوصل مطار جدة
.... اجري يا للي معاك سيراتو مع اي حد ,,, هوندا لالالالالالالالالالا
الله ينور يا رجالة عايزيين نعمل فورميلا ايجيبت بالملاكي
السيراتو فعلا الموتور شديد وعفي اللي يفرق معاه السيفيك والكورولا الجديدة والمكسب على حسب السواق وظروف التحميل والحرق انما جيتا واوكتافيا وجولف العادية الكلام ده هيفرق معانا وهنسيبوا ونسبقه بمحطات اتوبيس ...........
انا جربت الشد مع كورولا الشكل الجديد وبيجو 307 كان فرحان بنفسه والكورولا كان عمال يشقلطه وواخده على قد عقله ولما العملية سخنت ومع اول كيك داوون البيجو سمعني سلام بودعك الزبون شوفنا طشاش الزينون بتاعه لغاية ما اختفى اتفضل الكورولا واللي كان لازم استعمال الستيبترونيك معاه وفضيلنا راس براس لغاية 195 وانا ساعتها كنت باتشاهد بس ايه كنت مركز معاه بس توبة السرعات دي تاني لكن في ناس مستفزة والواحد بيسخن بسرعة
عفوأ انها حقا سيارة محترمة ... ووكيل محترم .. واصحابها محترمين .... حد عنده اعتراض؟؟:049:
هي أقصى سرعة حد مشي بيها للسيراتو كام؟
ياجماعه اللانترا مش 124 حصان خالص مين قال الكلام ده
لالانترا 110 مش 124 والسيفيك نفسها 122 حصان 1600 سى سى والفيرنا 107 والانسر شارك 110 على 1500 سى سى
تعتبر السيراتو اعلى منهم بس الهوندا ماتور ناعم وتجميع عالى وتعشيق اقوى
والله اعلم
اتقوا الله فى الطريق حرام عليكم
اذا كان الرسول قال اذا جلستم فى الطرقات فأعطوا الطريق حقه نقوم احنا بقى نمشى على 200 كم فى الساعة ونموت ناس ابرياء ونبهدل عربياتهم ونعطل الطرق
حرام عليكم
يا جماعه انا عارف ان فيه ناس كثير بتحذر من السرعه والسرعه خطر وكدا
انا الحمد لله مش بشد مع حد غير بعد 2 او 3 بليل وطرق سريعه وفاضيه
يمكن غلطت مره من سنه كدا وشديت على طريق السويس فى وسط الزحمه مع سيفيك 2008 لان صاحبها كان بيستفزنى وكان بيقولى كورولا ايه اللى هتقدر تعمل حاجه مع السيفيك
فطلعنا على الطريق وكنا هنموت احنا الاننين بسبب غرز على 180 و 190 وكنا هنلبس فى لانسر شارك احنا الاتنين لولا ستر ربنا وساعتها حسيت انى انسان بلا معنى علشان اودى نفسى فى داهيه او اعرض حياة ناس تانيه للخطر علشان اثبت مين اسرع ومن ساعتها رغم انى من هواه الشد الا انى مش بشد غير فى وقت يسمح وطريق يسمح
وعلى فكره انا عمرى ما شفت عربيه 1600 سى سى ستوك عدت 200 كم غير كورولا mmt وسيفيك وبى ام دبليو 116i
لسه فى انتظار معرفة الكورولا الاوتو 2010 هتوصل لحد فين
وربنا يسترها معانا
تحياتى
ايه يا جماعة التقطيع ده والف سلامه عليك من التقطيع
هيا الناس بقت تمشى تقطع فى بعض كده ليه
طيب ماتشتريلك عربيه سباق احسن طالما حياتك كلها تقطيع كده
امال بتعمل ايه لما تمشى على كوبرى عباس وميدان الجيزه وشارع القصر العينى الساعه 3 الضهر
يعنى اللى اخره 120 ده كويس ولا اروح اتعالج
بص يا ريس , نجيبها واحدة واحدة
نبدأ بالكوري, فيرنا 1600 , متحولش اصلا !! دي بتسد مع الشيروكي نفسها !!!
النترا , انسا بردة ...
اوبترا , يعني .. بس حتطلع منك ..
فيرنا 1500 حتسد معاها شويه ,,,
دول الي فاكرهم في الكوري ,,,,,
خش عالياباني ...
هوندا سيفيك (متفكرش اساسا )....
لانسر بوما1600 (حتطلع منك )... بس انت لو خليتك وراها بعد ال100 ممكن تظبط ...
لانسر شارك 1500 , مش حتسد معاها ...
نخش على الوحوش الاماني ...
جيتا اوكتافيا (قبل ال 100) حتظبط جدا , بعد ال 120 130 انسا (لان الفتيس بتاعم 6 نقلات)...
باسات , حتظبطها ....
اوبل ... لو اوتامتك حتظبطها لو مانيوال بعدال 100 في كلام ..
استرا , حتسد معاك ...
كورسا 1600 مش حتسد ....
انا مش فاكر ايه تاني اسأل واجوبك
الف شكر يا ريس
الانسر ال 1500 مش حتسد غلطه