الموضوع: ياتري السيراتو ممكن تشد مع ايه ؟؟

قال الله تعالى : (وَالَّذِينَ يُؤْذُونَ الْمُؤْمِنِينَ وَالْمُؤْمِنَاتِ بِغَيْرِ مَا اكْتَسَبُوا فَقَدِ احْتَمَلُوا بُهْتَاناً وَإِثْماً مُبِيناً) [الأحزاب:58]

خالي بالك لان السرعة فيها اذي للناس
ربنا يهديك ويهدينا

عند حأ واللة ربنا يهدينا جميعا------------

يا جماعة قبل ما حد يبدأ يشد بالسيدان ال 1600 بتاعته يتخيل كده فيات بونتو مقطقطة 1.4 راكباها واحدة بنت لذيذة 21 سنة بتطلع منه بدون أي تعب و تخلي شكله وحش و احتمال يركن على جنب و يقعد يعيط. و وحياة كل حاجة كويسة ماحدش يقولي هايطلع منها ولا بعد 240 حتى لأنها هاتسد معاك زي ما تحب. قد الشد شد بس ماظنش حد هنا معاه إم3 ولا ايه؟ السيدان ال 1600 ده مش معمول للشد يا اخوانا. و شكرا.

المشاركة الأصلية كتبت بواسطة yoko

إيه ده هو حصل معاك ولا بتحكي بس أصل لو حصل معاك يبقى أنا هحب الفيات لينيا أوي على كده

لو حضرتك جايب ال 1.4 تيربو أعتقد تقدر تدوس مع 320i. عالأقل هاتقرفه.

مش باقولك اعمل كده طبعا.

ده كان بس مثال عشان أوصل فكرة. مش قصدي على عربية بعينها. عاوز تشد هات شيروكو 2.0 tsi و أجر تراك و قطع براحتك. إنما و الله العظيم لما تاخد عباس العقاد 120 ماحدش بيفتكرك جامد، خصوصا انك راكب سيفيك/كورولا/مازدا/سيراتو. يعني نفس العربية الي الحجة جارتك الي عندها 55 سنة بتسوقها و هي رايحة تشتري البقالة.

المشاركة الأصلية كتبت بواسطة yoko

أيوا هية وأنا مش هعمل كده بس أوقات الظروف بتضطرني إني أجري بالعربية وفي العادي مبعديش ال١٤٠ ولو حد معايا مبعديش ال١٢٠

عربية كويسة جدا ربنا يباركلك فيها. عاوزين تقرير. الاستلام امتى إن شاء الله؟