بغض النظر عن مجتوى الاعلان
اول مرة اشوف حكومية بتسيح لمواطنينها كدة علنا فى التليفزيون
يعنى الاجانب يقولوا علينا ايه ؟!!!!!!!!!!!!!!!!
عرض للطباعة
بغض النظر عن مجتوى الاعلان
اول مرة اشوف حكومية بتسيح لمواطنينها كدة علنا فى التليفزيون
يعنى الاجانب يقولوا علينا ايه ؟!!!!!!!!!!!!!!!!
نفسى فعلا ً يبقى فيه نظام في المواصلات على الأقل ... بجد حتى لو الحكومة وحشة وإحنا بقينا منظمين ... هنحس إن الحياة أحلى
واضح ان سعادتك مركبتش ولا اتبهدلتش ف قطورات قبل كدا
ولا دخت عشان تعرف تحجز ديزل بعد اسبوعين عشان عندك امتحان
ويقولك التذاكر خلصانه
القطر باقي عليه اسبوعين والكراسي خلصانه
ولا وقفتش فعز الولعه وفرمضان مستني القطر الديزل بتاعك اللي متأخر ساعه عشان مفيش جرار !!!
ولا ركبتش قطورات مميزه اللي الناس بتكون راكبه كانها فعلبة سردين
ولا القطر يقف بعد ما يطلع من المحطه وديييزل يقف بعدها بخمس دقايق ويقولك القطر عطل
وعشان يجيلك جرار من المحطه اللي لا تبعد اكتر من 5 كيلو تعد ساعه مستني !!
لا فعلا تصدق احنا اللي حنغير حال البلد !!!!
عندك حق والله لو كانت الرسالة ابدأ بنفسك و أحترم غيرك و صون النعمة و صحي ضميرك كنا قلنا ماشي تمام مية مية........كلام مظبوط لأن أنا وانت و غيرنا ممكن فعلا يحاولوا يحافظوا على الحاجة الجديدة علشان تعيش لأننا زهقنا من القديم و المرمطه و الشقا
لكن قول للغلط لأ و أتخانق مع الست أم وابور جاز دي و المزوغين و المخربين..........صعب و بقت فوضى أكتر
شكرا لكل من مر و ألف شكر لكل أصحاب الردود الطيبة عالموضوع و تحية مني لكم.......
ورمضان كريم.........يجعله عامر
طيب الناس اللى متشعلقه فى الميكروباص الساعة 3 الضهر فى عز الحر ومش رابطه الحزام
ماحدش بيقول للغلط لأ ليه
والاتوبيس اللى زودوا فيه الكراسى علشان ماحدش يقف وبرضه السواق والكمسارى بيركبوا الناس فوق بعض
لدرجه ان فيه ناس مش بتمسك فى سلم الاتوبيس دى بتمسك فى واحد ماسك فى واحد ماسك فى واحد ماسك
فى العمود الحديد اللى جوه
والاتوبيس بيلف بقى تبقى كأنك شايف السيرك الروسى
ماحدش بيقول للغلط لأ ليه
ما هو يا بيه السواق معذور
الناس واقفة بتسيح في الشمس مستنية الأتوبيس لو ما وقفش لهم و ركبهم كل الناس هتدعي عليه لأنهم متأكدين اللي هييجي بعده برضه مليان على أخره فمش فارقة
يعني هوه عايز يقطع تذاكر كتير علشان يأخد حوافز و مكافأت و الناس عايزة تخلص و تروح شغلها مشي بئى زحف شعبطه المهم نوصل مش فارقة
لو استنوا عمرهم كله و فضلوا واقفين عمرهم ما هيركبوا أتوبيس فاضي...
المكيف مثلا بتاع ميدان الحجاز الهرم لو حط لوحة كامل العدد زي زمان و قفل الباب و خد في وشه تبئى كارثة
لأن الناس اللي واقفة تقريبا قد اللي قاعده أو نصهم يعني محتاج كام أتوبيس عالخط زيادة علشان العدد ده
و طبعا محتاجلهم غاز و سولار و صيانة و زحمة و تلوث و سواق زيادة و خمسين حاجة و على ايه الناس خدت عالشعبطه
و على رأي المثل...............
متشعبط...عيش أحلى في اللحظة
ب- بالنسبة للمواضيع ذات الصبغة السياسية:
فبالرغم من ان سياسة المنتدى تقوم على المساهمة فى إصلاح المجتمع ، فيما يعطى مساحة لانتقاد سلبيات المجتمع وسلبيات الأداء الحكومى فيما يخص الخدمات الموجهة لأفراد المجتمع، إلا ان المنتدى يلتزم بشكل صارم بعدم توجيه اى انتقادات سياسية خارج مجال السيارات لأى شخصية موجودة فى السلطة حاليا سواء تم تعريف هذة الشخصية بالإسم أو بالتلميح المباشر، كما يلتزم المنتدى بعدم توجيه اية اهانات او سخرية سواء كان ذلك فيما يخص السيارات او فيما لا يختص بها، لأفراد موجودين فى السلطة فى الوقت الحالى، سواء تم تعريفهم بالإسم او التلميح المباشر ،كما يلتزم المنتدى بعدم ترويج ايه افكار لحزب سياسى ما او جماعة سياسية معينة او تنديد بالسلطة نظرا لخروج ذلك عن اختصاص المنتدى .
ستعامــل هــذهالمشاركـــات بالحــذف
• فى حالـة مخالفـة هـذه القاعـدة أول مـرة سيتـم إنـذار أول العضـو مع إيقافـه أسبـوع .
• فى حالـة مخالفـة هـذه القاعـدة ثانى مرة سيتـم إنذار ثانى العضـو مع إيقافـه أسبوعيـن.
• فى حالـة مخالفـة هـذه القاعـدة ثالث مرة سيتـم إلغاء عضويتـه.
انا لحد سنوات قليلة جدا كنت بابقى ماسك في واحد ماسك في واحد ماسك في العمود الحديد اللي جوة
و لو صباعين من مشط رجلي ساندين على طرطوفة السلم يبقى خير
ليه؟ عشان هي دي امكانياتي
ماكانش بيبقى معايا غير يا الربع جنيه بتاع الاتوبيس
يا ابونيه اتوبيس و لازم استنى الاتوبيس ابو ربع جنيه ما ينفعش اركب اتوبيس تاني و لا حتى اتوبيس ازرق حتى لو كان بربع جنيه .....
و يوم ما يبقى معايا جنيه و نص عشان اروح و ارجع بالميكروباص (75 قرش رايح و زيهم راجع) كان بيبقى يوم سعد و هنا ...... الميكروباص كان ترفيه
و الاتوبيس المكيف (الله يرحمه ايام عزه) كان بالنسبة لي سياحي ..... يعني ممكن مرة في السنة يتركب من باب الترويش
و على فكرة اكيد انا ما كنتش مستمتع و لا مبسوط باللي بيحصل بس لو استنيت اتوبيس فاضي ممكن اروح او اوصل مشواري بعد يومين .....بس الحمد لله على كل شئ .......
بلاش النعمة تعمينا عن حال الناس اللي مش لاقية ..... و نقول ان ده غلط و ده بتاع ..... اكيد الناس دي لو معاها تركب تاكسي هتركب .... و لو فيه اتوبيس فاضي محترم يقعدوا فيه هتركب ...... بس معنى انه عمل كده انه مش لاقي مواصلة احسن ..... مش انه بيعمل adventure مثلا و لا عشان تبقى حاجة original
واضح ان حضرتك فهمتنى غلط تماما
والنعمه ما عمتنيش ولا حاجه لانى كتير بنزل من غير عربيه وباركب اتوبيس
علشان احس بالنعمه
ولو كانت عميتنى ما كنتش بصيت على الخطوره اللى الناس بتتعرض لها
انا عارف انهم مضطرين بس لازم نوفر وسائل الامان او نوفر اتوبيسات
لو حضرتك قرأت كلامى من البدايه كويس تعرف ان انا اقصد زى ما اللى طلع فوق القطار معرض للخطر
اللى واقف على السلم معرض للخطر + ليه نزود صف كراسى فى الاتوبيس لما احنا متأكدين تماما ان الدنيا زحمه ومافيش اتوبيسات كفايه
انا باتكلم على الخطوره اللى الناس معرضه ليها يا استاذنا
ولا احنا خايفين على الجرارات الجديده علشان ما تتجرحش وما نخافش على الناس
يارب تكون فهمتنى