تقييم مراكز خدمة هيونداى فى انحاء الجمهورية من الاعضاء .

**shouk_1987** · 15-12-2009 03:45 PM

أنا لسه رايح امبارح كارافان الرحاب لل1000 كم بس ما استريحتلهمش خالص مافهوش غير piston واحد و تحس ان هى ورشة بس لابسين uniform انا عن نفسى مش هروحلهم تانى و دفعت 117 جنيه (زيت 5000 و فلتر و تربيط عفشة (هى لحقت!!!)), أنا عندى سؤال هو انا لازم اروح كل قد ايه , انا الراجل قلى كل خمسة الاف , يعنى لو روحت مثلا على العشرين على طول و غيرت زيت فى النوص لوحدى هل الضمان هيتلغى من عليا, انا اخويا بيعمل كده فى منصور (شيفروليه).

**د.محمد** · 17-12-2009 01:00 PM

انا رحت امبارح قليوب عشان صيانة الالف كنت حاجز رقم 5 ولما رحت اخدت رقم 9 , كنت عندهم الساعة 8 ص وخلصت 12 , هما الى حد ما معقولين بس انا قلتلهم ان عندى تسريب فى قربة المياه قالولى غيرنالك كوليه كان بيسرب , ولما رجعت وتابعت المياه لاقيتها لسه برده بتنقص
كده هضطر اروح لحد بتاع ريدرياتير يعملها
الصيانة اتكلفت 252 جنيه تغيير زيت شل 10 الاف وتغيير فلتر

**good09** · 22-12-2009 09:23 PM

المشاركة الأصلية كتبت بواسطة amooor22

مركز تكنو وان بالحرفيين (السلام ) على الطريق الدائري
انا بشتغل هناك مهندس صيانه
طبعا مينفعش اقول رأيي في المركز
لكن تعالى وشوف بنفسك وان شاء الله المركز يعجبك

هل ممكن اكون جايب حاجة من من مركز بيع معتمد و اركبها فى مركز الصيانة يعنى مجرد مصنعيات تركيب بس كبالن او مساعدين مثلا

**M.Elhamy** · 22-12-2009 11:56 PM

هل في مركز معتمد في المعادي ؟ ممكن العنوان ولو أي حد ليه تجربة هناك ؟

**tarekabosdera** · 23-12-2009 07:26 AM

المشاركة الأصلية كتبت بواسطة m.elhamy

هل في مركز معتمد في المعادي ؟ ممكن العنوان ولو أي حد ليه تجربة هناك ؟

ايوة فيه وانا كتبت فيه مشاركة فوق شوية .

اسمه الشركة المصرية للصيانة والتوكيلات بعد محطة مترو الزهراء ب 200 متر تقريبا .

اتعاملت معاه مرة في صيانة ال 1000 كيلو للالنترا . وحصل معايا موقفين :

الاول قبل ما اروح اتصلت بالتليفون عشان اعرف انواع الزيوت اللي عندهم واعرف المواعيد فرد عليا واحد قالي الايتقبال لحد الساعة 5 وعندنا جميع انواع الزيوت .

رحت الساعة 3:30 لقيت مهندس الاستقبال بيقولي مفيش استقبال دلوقتي واخره الساعة 3 !!!!!
قلتله في واحد رد عليا في التلفون وقالي كذا كذا . قالي معرفش !!
المهم قلتله لا لازم ادخل ده تغيير زيت بس قالي خلاص ماشي بس بعد اصرار .
المصيبة بقله هحط زيت شل 7 الاف كيلو قالي مش موجود ومبيجيش . !!!
قلت ماشي وحطيت شل 5000 الاف كيلو .

وقلت مش هروح المركز ده تاني .

المصيبة الاكبر بقه لما جيت اغير الزيت بعد كده في بنزينة شل بعد 5000 كم الراجل اللي بيغير قالي الصامولة بتاعة الزيت مش مربوطة كويس وملخلخة . قلت حسبي الله ونعم الوكييل . كان ممكن تتفك في اي لحظة وانا ماشي بالعربية والزيت يتفرط والماكينة هتبوظ . بس الحمد لله ربنا ستر .

ده غير ان منسوب الزيت كان زايد عن الحد الاقضى طول فترة ال 5000 كم بس ما اكتشفتش غير الاخر .

فعلا لو الواحد لو خلى عيل ضغير يغيرله الزيت مش هيعمل الغلطات ده .

**M.Elhamy** · 23-12-2009 12:36 PM

شكرا يا طارق كده يبقى أنا حروح أبورواش وخلاص

**Lion_Heart** · 31-12-2009 09:55 PM

المشاركة الأصلية كتبت بواسطة amooor22

مركز تكنو وان بالحرفيين (السلام ) على الطريق الدائري
انا بشتغل هناك مهندس صيانه
طبعا مينفعش اقول رأيي في المركز
لكن تعالى وشوف بنفسك وان شاء الله المركز يعجبك

كنت قبل كده سألت عن سعر طقم الدبرياج فى احد مراكز الصيانة قالولى انه ب 650 جنيه للهيونداى اكسل
و سألت فى احد مراكز خدمة البيع لقيته ب 250 جنيه فهل يوجد فرق بين الاتنين ؟
و ليه الاسعار فى مراكز الصيانه اضعاف مراكز خدمة البيع

**Lion_Heart** · 26-04-2010 06:11 PM

المشاركة الأصلية كتبت بواسطة lion_heart

كنت قبل كده سألت عن سعر طقم الدبرياج فى احد مراكز الصيانة قالولى انه ب 650 جنيه للهيونداى اكسل
و سألت فى احد مراكز خدمة البيع لقيته ب 250 جنيه فهل يوجد فرق بين الاتنين ؟
و ليه الاسعار فى مراكز الصيانه اضعاف مراكز خدمة البيع

بعد ما سالت و استفسرت لأنهم فى مراكز الخدمة عاملين ضمان على القطع اللى همه ركبوها لكن لو جبتلهم قطعة من برة و قلتلهم يركبوها هيركبوها لكن على ضمانتك الشصية