ليـــــــة؟؟؟!!

**ENG\AHMED** · 30-08-2009 04:19 PM

1- لية؟
بقى عندنا الاستهتار واللامبالاة هو دة الطبيعى والعادى عندنا

-----
2- لية؟
مش بنحترم بعض ولا بنخاف على بعض ولا على حاجة بعض وكل واحد بيقول نفسى وخلاص
يعنى تنزل تركب عربيتك تلاقيها متجرحة ولا مخبوطة وعن عمد .. طيب اية اللى استفدتة لما عملت كدة!!!
ماهو انا لما احافظ على حاجة غيرى او على الاقل مخربش فيها حاجة حتى لو هو مش موجود هلاقى ساعتها 1000 واحد يحافظ على حاجتى فى غيابى.

-----
3- لية؟
لما يحصل حادثة تلاقى ناس كتير متعرفش طلعوا منين واللى ملهوش علاقة بالموضوع بيتكلم قبل صاحب الحادثة!!
لية فى كل حاجثة تلاقى عبارات من حصل خير و المسامح كريم وحرااااام دة عندة عبال!! .. يعنى هو المتضرر ابن ........ ملهوش اهل , عندة عيال وبيخاف عليهم يبقى ياخد بالة ويخلى صورة عيالة قدام عنية على طول
واللى تلاقية يقولك قضاء ربنا !! طيب ماهو كل حاجة قضاء ربنا .. يعنى انا اقتل واحد واقول قضار ربنا!! .. قضاء ربنا يعنى انا اعمل اللى عليا واللى ربنا رايدة هيكون انما مش امشى اطيح فى الناس ومستهتر واقول دة قضاء ربنا !!! والغريب اللى تلاقية بيقول الكلام دة واحد طالع من غرزة مثلا ولا يعرف حاجة عن الدين!!
فى وقت الحوادث بيتحول الشعب المصرى كلة الى شيوخ!!

-----
4- لية؟
لية على طول شوارعنا واقفة وزحمة؟؟ ومحدش يقول عدد العربيات لأن لو فية ذرة تفكير هتلاقى على الاقل العربيات بتتحرك انما اللى بيحصل بتلاقى كل الاتجاهات متجمعة فى نقطة واحدة وكلة واقف قدام بعضة ومش عارف مين رايح فين وجاى منين وكلة بيكسر ويتخانق علشان يعدى الاول حتى لو اتجاهة واقف ! طيب مادام انت كدة ولا كدة واقف سيب ال 2 متر اللى قدامك لواحد من الاتجاة التانى يعدة انما ابدااا على جثتة طبعا هو يعنى اللى هيعدى احسن منة علشان هو يعدى ولا هى بقت بلد واسطة وكوسة!!

-----
5- لية؟
لية اعلانات الضرائب مش بتظهر غير فى رمضان
وبتبقى عاملة كانها اعلانات شحاتة والحكومة بتشحت وتقولك لو مدفعتش هيحصلك وهيحصلك , اللى بيتة من قزاز ........

-----
6- لية؟
لية اعلانات مستشفى السرطان مش بتظهر غير فى رمضان بردة كأن محدش بيعمل خير غير فى رمضان او كأنها اسلوب شحاتة بردة!!

-----
7- لية؟
لية تلاقى اعلانات لو اشتريت من منتج كذا او اتكلمت دقيقة من موبايلك هتساهم فى عمل الخير لأن الشركة المذكورة بتساهم فى عمل الخير!!!
هو يعنى لما احب اعمل خير استنى لما حد يشترى منى او يدينى فلوس علشان اعمل خير ولا لما احب اعمل خير محتاج اعمل اعلان وانشرة "انا اهو بعمل خير ياناس" !! ولا هو بردة اسلوب شحاتة مودرن!!!!

-----
8- لية؟
لية كل واحد باصص للحاجة اللى مع التانى وكل واحد بيحقد على التانى ومحدش يقول الحالة الاجتماعية لأن دة مش مبرر قوى
فى ناس فقرا وعلى ادهم وقنوعيين جدا وبيحمدوا ربنا

تبقى ماشى بعربيتك وواحد بيعدى الشارع ويبصلك بقرف ومش هاين علية يمد ولما تضرب كلاكس هو فية ايييية هى الدنيا طارت ولا علشان راكبين عربيات !!!
مال العربيات بالموضوع!! ولو ايوة علشان راكبين عربيات لو العربية خبطتك هيتكسر فيها فانوس انما انت ممكن تموت او تعيش بعاهة يبقى انت كدة استفدت اية !!!
ولو الافندى دة ربنا كرمة وكان راكب موتوسيكل يبقى بردة علشان راكبين عربيات ولو راكب تاكسى ولا نقل يبقى علشان انتو راكبين ملاكى!!! ولو راكب ملاكى يبقى علشان انتو راكبين عربيات مش عارف بكام!!! طيب اية الحل نبيع العربيات يعنى!!!!!!

-----
9- لية؟
لية لا عندنا قانون ولا نظام ولا حتى عندنا استعداد فى يوم من الايام نبقى شعب محترم وعندنا قانون
لما يحصل حادثة وتتصل تبلغ اول سؤال تسمعة فى اصابات؟
يعنى هو لازم يبقى فى اصابات ووفيات علشان الشرطة تتحرك!!!
ولو فية تلاقى الاسعاف والمطافى والشرطة وصلوا بعدها بساعتين يكون المصاب مات والميت قرب يتحلل مكانة!! طيب يبقى اية الفايدة
ولو واحد ربنا كاتبلة انة يعيش شوبة والاسعاف اخدتة تفاجأ بالشوارع واقفة , ولما الشارع يفتح والاسعاف عمال يصوت ويلطم علشان الناس توسع والناس مكبرة دماغها "ابن ال...... تلاقية فاضى ومشغل السارينة علشان نوسعلة وحياة امة مانا موسعلة"
طيب متفكر ان ممكن انت تكون فى العربية دى وحياتك متوقفة على شوية ثوانى وواحد حلو تانى بيقول البقين الجامدين دول!!!!

--------------------------
كفاية انا تعبت لو افتكرت حاجة تانى هبقى اكمل!!!!!!!!!

**ENG\AHMED** · 31-08-2009 04:33 PM

10- لية؟
لية بقت 3/4 العربيات اللى معروضة للبيع كانت مرفوعة"مرفوعة 10 سنين , 20 سنة"!! هو الناس بقت بتشرتى عربيات وترفعها علشان لما تبيع تقول العربية مرفوعة!!!
لدرجة فى ناس بتسأل وهى بتشترى "مرفوعة؟" كأن كلمة مرفوعة شرط لاتمام الشراء

-----
11- لية؟
معظم العربيات بقت ماشية كيلومترات قليلة !! هو محدش بقى بيسوق ولا اية!! .. طيب لو كدة لية الشوارع على طول واقفة!!
لو فعلا دة عداد العربية يبقى خلاص انما مش العب فى العداد واقلل فية علشان لما ابيع دة يبقى نصب!!

-----
12- لية؟
الناس بقت بتحلف على اى حاجة وبالذات فى امور البيع والشراء , سواء بتحلف كذب او صدق وباصص لشوية الفلوس الزيادة اللى هياخدهم من ورا الحلفان ومش باصص للحساب فى الاخرة !!!

-----
13- لية؟
بنسمى الاشياء بغير مسمياتها يعنى مثلا الغش والنصب والخداع بقى جدعنة وفهلوة وشطارة !!!

**HanyHanyHany** · 31-08-2009 05:03 PM

قال الله تعالىize="4"]ان الله لايغير ما بقوم حتى يغيروا ما بأنفسهم[/size]

**mada121977** · 31-08-2009 05:18 PM

والله الواحد لو قعد مع نفسه وقعد يقول ليه على العجائب والغرائب اللى بنشوفها فى البلد دى هينتهى بيه المطاف فى اخر الامر الى سؤال نفسه :
ليه انا بعد كل ده مادخلتش مستشفى المجانين ؟

**elassar2010** · 31-08-2009 05:34 PM

مش عارف لما سالت نفسى موصلتش لااجابة

**masterzmind** · 31-08-2009 05:44 PM

الحكومة هية الى خلت الواحد يعمل كدة لو فى حكومة كويسة مكنيش الناس تحقد على بعضيها ولو فى دين عند الناس دلوقتى مكنيش دة حلنا لو مكنيش فى واسطة وكفتة فى الحكومة مكنيش دة حلنا ....................... ألخ

**amr.elsayed** · 31-08-2009 06:03 PM

المشاركة الأصلية كتبت بواسطة elassar2010

مش عارف لما سالت نفسى موصلتش لااجابة

انا كمان جبت صفر فى الامتحان دة ومعرفتش احل اى سؤال

المهم ان كل واحد يحاول يبدء بنفسه وميستناش تغيير من اللى حواليه
وفى الاول وفى الاخر دى كلها مواضيع اخلاقية وتربوية
واحنا فى زمنا دة ولا بقى عندنا اخلاق ولا تربية ولا دين الا من رحم ربى

ربنا يسترها معانا جميعا واحنا عايزين معجزة من السماء عشان الاسئلة
دى كلها تتحل وكل سنة وانتم طيبين ورمضان كريم

**mahmoud_magdy** · 31-08-2009 06:33 PM

ليه : ليه الظلم هو اللي بقى سائد والعدل انتهى ؟!!!

**ENG\AHMED** · 31-08-2009 06:56 PM

المشاركة الأصلية كتبت بواسطة masterzmind

الحكومة هية الى خلت الواحد يعمل كدة لو فى حكومة كويسة مكنيش الناس تحقد على بعضيها ولو فى دين عند الناس دلوقتى مكنيش دة حلنا لو مكنيش فى واسطة وكفتة فى الحكومة مكنيش دة حلنا ....................... ألخ

مين الحكومة؟؟
مين الناس؟؟
التاس هى احنا .. انا وانت وباقى الناس
الحكومة هى ناس الشعب اختارهم لتمثيلة ولكن للاسف الشعب بقى هو الممثل للحكومة وان كان فية حاجة غلط فالغلط فى الشعب اللى اختار الحكومة وشايف مساوءها وبالرغم من كدة ساكت

واحنا فى زمنا دة ولا بقى عندنا اخلاق ولا تربية ولا دين الا من رحم ربى

مين الزمن؟؟ جماد ولا كائن حى؟؟
الزمن هو هو , لسة الساعة 60 دقيقة والدقيقة 60 ثانية والاسبوع 7 ايام و.................
اللى اتغير هو الناس مش الزمن , الناس هى اللى بتعمل الاحداث مش الزمن
اذا كان فى تقصير وحاجة غلط يبقى الناس هى السبب , اذا كان مفيش لا دين ولا اخلاق ولا احترام فالناس هى السبب بردة مش الزمن

-------
14- لية؟
لية بيبقى كلنا عيوب وعارفين وساكتين ولما حد يواجهنا بيها نثور ونزعل ونقلب الدنيا!!
زى الافلام ... كل اللى بيحصل فى الافلام واقع بنشوفة وعايشينة كل يوم فى الشارع والشغل والكلية وفى كل مكان ومع ذلك ساكتين!!! وبالرغم من كدة نثور لما نشوف دة قدامنا على الشاشة!!!
المناظر اللى بنشوفها على الشاشة وبننتقدها هى نفس المناظر اللى بنشوفها كل يوم فى حياتنا ومع ذلك محدش بيتكلم!!!
المبادئ هى هى والاخلاق هى هى مش هتفرق بين الواقع والشاشة او بين راجل وست!

**Dr. Elsaadani** · 31-08-2009 07:11 PM

ليه

ايه ذنبى انى اتولدت فى بلد بالشكل ده

انا سافرت شرقا وغربا لقيت كل شىء جميل فى كل نواحى الحياة

وكل ما ارجع اسال نفسى احنا عندنا كل المقومات المادية علشان نكون شعب متحضر -- ليه ما نبقاش زيهم

ليه

ايه ذنبى انى منتمى للجنسية ديه

ليه

والله خلاص مش عايز اعيش فيها تانى وعايز اروح لمكان تانى الانسان فيه ليه تمن وهو اصلا اغلى شىء

ليه ؟!!!
ليه
ليه

يا ريت حد يقدر يجاوب