الدقيقة ب19 قرش لكل الشبكات للعملاء الجدد فقط ولا عزاء للعملاء القدامى

**asbeats** · 28-08-2009 06:58 PM

انا في المعتاد مش بدقق قوي في الحاجات دي بس والله انا دمي محروق من شبكة فودافون دي...

انا مشترك في عرض الكارت كارتين وكمان اصحاب بلس وبعمل حسابي ان الأرقام اللي بكلمها كتير بتصل بيهم في اوقات الرصيد المجاني.وكمان حاططهم على اصحاب بلس...

الغريبة اني لقيت رصيدي بيخلص برضه وبطريقة مستفزة جدا...

قلت اكلم خدمة العملاء واشوف السبب ايه بعد ما الموضوع اتكرر اكتر من مرة...

سألتهم قالولي ان الرصيد المجاني بيستخدم من الساعة 1 ص الى 9 ص...بس بيبدأ استخدامه بعد ما ينتهي الرصيد الأساسي!!!
يعني عشان استفيد من العرض قدامي حل من اتنين... مشحنش اصلا عشان ما يضيعش عليا الرصيد الأساسي...وطبعا لو ماشحنتش مش هاخد رصيد اضافي اصلا
والحل التاني اني اشحن واخلص رصيدي يوم بيوم عشان استفيد من العرض!!!

المهم اخدت الكلمتين دول وبلمت...وقلت في نفسي اللهم اخزيك يا شيطان...اللهم اني صائم

قلت اسأل على موضوع ان الدقيقة بقت ب 19 قرش لكل الشبكات -زي اتصالات يعني- يقوم الأستاذ المحترم يقوللي ان ده للخطوط الجديدة بس...شفتوا قلة ادب اكتر من كده!!!
يعني العميل القديم اللي متمسك بالشبكة بتاعتهم يا يقفل الخط ويشتري خط جديد او يدور على حيطة ويخبط دماغه فيها...

هارجع واقول انا الغلطان اني متمسك بالشبكة دي اصلا ييجي 10 سنين لحد النهاردة...
طب ما انا اريح دماغي واجيب خط اتصالات بالعند في فودافون واعمل كل اتصالاتي منه وخط فودافون اسيبه مرمي من غير ما اشحنه زي الكلب في اي موبايل قديم عندي لحد ما الناس تنساه...

بس والله حاجة في منتهى قلة الذوق وسرقة عيني عينك

حسبي الله ونعم الوكيل

**member** · 28-08-2009 07:07 PM

على رأي واحد صاحبي قال على فودافون أتباع (followers) ودي الحقيقة

هارجع واقول انا الغلطان اني متمسك بالشبكة دي اصلا ييجي 10 سنين لحد النهاردة...
طب ما انا اريح دماغي واجيب خط اتصالات بالعند في فودافون واعمل كل اتصالاتي منه وخط فودافون اسيبه مرمي من غير ما اشحنه زي الكلب في اي موبايل قديم عندي لحد ما الناس تنساه...

أنا خطي الفودافون بقالي سنتين دلوقتي حاطه في المحفظة احتياطي، يدوبك ببعت منه رسالة كل كام شهر عشان ميتقفلش ومحوله على خطي الاتصالات

**M.Osman** · 28-08-2009 07:11 PM

لو فتحت صفحة الفيس بوك بتاعت فودافون
هتلاقيهم بيوقولوا لك اية ؟؟
ان شركات الإتصالات مبنية في الأساس على الجودة و ليس العروض الترويجية!!

هما الظاهر ناسيين ان السوق المصري سوق Price - sensitive
و الواقع ان دا هيخسرهم عملاء كتير بسبب بس إحساس ان الرصيد بيتبخر بسرعة (عندي برضه نفس الإحساس و العرض مش واضح و عايز حسبة عشان تحس انه عرض مش ضحك عالعملاء نفسياً)

(قريبا هحول إتصالات بنفس رقمي ... لأنها دلوقتي وقتها!)

**هيثم** · 28-08-2009 08:33 PM

عرض رمضان
مع عرض رمضان من اتصالات اهلا كلم 80 مليون مصرى ب15 قرش فقط للدقيقة لاي محمول او خط ارضى فى مصر.

* للاشتراك اتصل او ارسل رسالة ل815, سعر المكالمة او الرسالة 99قرش فقط.
* يرجى العلم انه للاستفادة من هذا العرض يجب ان تكون مشترك على نظام اهلا كل الناس.
* للاشتراك فى نظام اهلا كل الناس اتصل الان ب525 و حول, تكلفة النحويل 99قرش.

المصدر
موقع اتصالات __________________

احمد سعد

**Terrible_DaRsH** · 28-08-2009 09:18 PM

المشاركة الأصلية كتبت بواسطة asbeats

قلت اسأل على موضوع ان الدقيقة بقت ب 19 قرش لكل الشبكات

هو العرض ده نزل امته ؟؟

**asbeats** · 28-08-2009 09:53 PM

المشاركة الأصلية كتبت بواسطة Terrible_DaRsH

هو العرض ده نزل امته ؟؟

اغرب حاجة...
انك لو فتحت اهرام النهارده هتلاقي اتصالات هي اللي عامله الإعلان للشبكتين التانيين

حاجة بجد كوميديا...

**A.Saad** · 28-08-2009 10:38 PM

المشاركة الأصلية كتبت بواسطة freeefair

عرض رمضان
مع عرض رمضان من اتصالات اهلا كلم 80 مليون مصرى ب15 قرش فقط للدقيقة لاي محمول او خط ارضى فى مصر.

* للاشتراك اتصل او ارسل رسالة ل815, سعر المكالمة او الرسالة 99قرش فقط.
* يرجى العلم انه للاستفادة من هذا العرض يجب ان تكون مشترك على نظام اهلا كل الناس.
* للاشتراك فى نظام اهلا كل الناس اتصل الان ب525 و حول, تكلفة النحويل 99قرش.

المصدر
موقع اتصالات __________________

احمد سعد

شكرا للعضو الكريم
انا اسمى منور فى الموضوع وانا معرفش

**abdelaziz-waleed** · 28-08-2009 10:59 PM

انا حاليا بعمل كل مكالماتي من خط الاتصالات ولو اتصلت برقم فودافون ممكن استخدم خ الفودافون غير كدة بستقبل عليه المكالمات وخلاص

**mahfouz1983** · 29-08-2009 12:24 AM

والله عن تجربة انا كان معايا خط اتصالات قديم من اول ما الشركة نزلت المهم من سؤ الخدمة شحته بصراحة لكن مع العروض المغرية بتاع اتصالات اشتريت خط جديد علي نظام اهلا كل الناس بصراحة يا جماعه اتضح انها اتحسنت كتير عن الاول وبقيت شركة تقدر تنافس الشركتين التانين ومشغل خطي الفودافون بس لان الناس كلها عارفاه وكل اتصالاتي من خط اتصالات

-

الموضوع: الدقيقة ب19 قرش لكل الشبكات للعملاء الجدد فقط ولا عزاء للعملاء القدامى

LinkBack

أدوات الموضوع

عرض

-

-

-

-

المواضيع المتشابهه

توشيبا العربي الغير مراعين للعملاء !!!

البنوك تضع ''السم فى العسل'' فى قروض السيارات للعملاء

مفاجأة بروتون و عز العرب للعملاء ... صيانة مجانية !!

أستغلال التوكيل للعملاء

الكلمات الدلالية لهذا الموضوع

المفضلات

المفضلات

ضوابط المشاركة