اللوجان بلمبة مارشدير واحده !!

**elnopy** · 31-08-2009 03:26 AM

كان شكلي وحش جدا وانا بقول لمهندس قريبي العربية جايبها زيرو ولمبة المارشدير فاصله هي ولمبة النور الصغير في نفس برده فاصله فجأه فتح الشنطه وفك الفانوس وجربن جميع اللمبات وقعد يشغل النور والمارشدير وبعدين أكتشف ان العربية بلمبة مارشدير واحده ومكانها في الفانوس التاني لمة خلفية للشبوره وفعلا طلع الكلام دا حقيقي وانا معرفش حاجه ياترا حد أخد باله قبل كدا من الموضوع دا وعلي فكره لمبة الشبوره دي بتشتغل بعد مابشغل فانوس الشبوره الامامي الف الدراع كمان تكه ياريت حد يقولي شاف الموضوع دا ولا لا اسف للاطاله

**toti2** · 31-08-2009 03:41 AM

انا عندى نفس المشكلة ( لمبة المارشدير الشمال فاصلة)
ان شاء الله هاشوفها مع أول صيانة

**elnopy** · 31-08-2009 03:53 AM

ياباشا اللمبة مش فاصله ولا حاجه العربية بلمبة مارشدير واحدة والفانوس التاني فية مكانها لمبة شبوره

**momom** · 31-08-2009 04:38 AM

انا عندي بردو لمبة الشبورة الي ورا يمين فاصلة
هههههههههههههههههه

**elnopy** · 31-08-2009 04:52 AM

دا طبيعي طبعا ماهي برده فيها لمبة شبوره واحده
ههههههههههه
هو فعلا مفيش حد كان يعرف حاجه عن الموضوع دا

**amr.elsayed** · 31-08-2009 05:28 AM

الى اعرفوا ان مفيش لمبة شبورة يمين خلفية فى اى عربية
هى شمال بس لان التخطى بيكون من الشمال والله اعلم

**elnopy** · 31-08-2009 12:49 PM

المشاركة الأصلية كتبت بواسطة ringoo

الى اعرفوا ان مفيش لمبة شبورة يمين خلفية فى اى عربية
هى شمال بس لان التخطى بيكون من الشمال والله اعلم

كلام حضرتك مظبوط جدا وهو دا فعلا اللي أحنا بنقوله العربية فيها شبوره في الشمال ومارشدير في اليمين

**mostafabakry** · 31-08-2009 12:58 PM

المشاركة الأصلية كتبت بواسطة ringoo

الى اعرفوا ان مفيش لمبة شبورة يمين خلفية فى اى عربية
هى شمال بس لان التخطى بيكون من الشمال والله اعلم

+11111111

هي فعلا بلمبة واحدة
و الناحية الشمال شبورة و الكلام دا انا عارفة من اول ما استلمت العربية لأني اكتشفت كدا و قلت لهم في التوكيل اللمية محروقة فقالوللي لا دي هي كدا
خليها من ضمن افتكاسات الفرنسيين زي مفتاح زجاج الكهرباء و مكان الكلاكس
لازم يتركوا بصمتهم في العربية

الشبورة بتشتغل لما تكون مشغل نور الكشافات الأمامية الواطي غير كدا لا يمكن تشتغل

**mohamed1979** · 31-08-2009 02:54 PM

هههههههههههه
واضح ان كل الى جاب اللوجان اشتغل نفسه نفس الأشتغاله بالظبط

**mindvision** · 31-08-2009 03:52 PM

الكلام ده واضح ومعروف جدا عند استلام العربية ... اي حد وهو بيستلم العربية كان اكيد هاياخد باله ان هما مستغلين كل شئ في العربية بشكل اقتصادي بحت وباقل التكاليف عشان ينزل عربية رينو فيها كل الامكانيات دي بالسعر ده...

مش ناقص غير ان العربية تنزل المياة وتعوم علي راي الاعلان