نيو اكسنت .... الجين 2

**Ahmed_Ezz** · 06-09-2009 01:39 PM

gen 2

**ezzatfox** · 07-09-2009 12:21 AM

العربيتين كويسين .. بس انت اللى تحدد
الجين شكلها احلى فيها عوامل امان ( اية بى اس + اى بى دى + اير باج ) ثباتها اكتر و كماليات اكتر ( طارة مالتى فانكشن ) ... فى المقابل تقفيلها مش مضمون حتى فى الموديلات الجديدة انت و حظك يا طلعت كويسة يا اما ممكن تلاقى نفسك كل اسبوع فى التوكيل بمشكلة شكل .
النيو اكسنت سحبها اجمد و ماتورها انعم و اقوى و موفرة فى البنزين اكتر و بدون مشاكل تقريبا و قطع غيار اكتر و مراكز خدمة اكتر و فى المقابل مفيهاش عوامل الامان .
شوف انت عايز اية و اهم حاجة تركب العربيتين و تشوف انت مرتاح لاية و ربنا يوفقك .

**eng_as3ad** · 10-09-2009 11:25 AM

شوف يا سيدي الناس كلهم عمالين يقلولاك الاكسنت ثابته ونسيم ان البور كهربة
الجين 2 لو انت متابع فب برنامجtop gearقالو انها احسن واسبت عربية في نفس فئتها والجين اوسع اقيم كاسي جاميد موتور وحشششششششششششششش مالوش حل شوية تعديلات بسيطة تعفرطها

**Ahmed.TV** · 10-09-2009 06:08 PM

لو ميفرقش معاك عوامل الامان زى abs والاير باجز هات النيو اكسنت , ولو مش فارق معاك استهلاك البنزين انه يكون عالى هات الجين تو , ولو يفرق معاك خامات التقفيل والخامات الداخلية وجودتها يبقا حتبعد عن الجين تو وخاليك فى النيو اكسنت
اما الماتور لو بتحب اداء وى وتسارع جبار على سرعات عالية خاليك فى الجين تو لو مش همك التسارع والجرى الرهيب يبقا خاليك فى النيو اكسنت ماتور هادى وناعم ومحترم
اما الوسع انا بعتبر الاتنين واحد والشنطة تقريبا الاتنين زى بعض مع ان الجين 2 هاتش بالك بس واسعة من جوة والعربتين بيشتركوا فى ان سمعة التوكيل بتعهم مش حلو

**rov** · 11-09-2009 04:31 AM

النيو اكسنت لانها كويسه في عمليه اعاده البيع
وده شئ وارد رغم عن الانسان
ممكن تحتاج فلوس في اي وقت

**as01241** · 11-09-2009 09:55 AM

المشاركة الأصلية كتبت بواسطة ezzatfox

العربيتين كويسين .. بس انت اللى تحدد
الجين شكلها احلى فيها عوامل امان ( اية بى اس + اى بى دى + اير باج ) ثباتها اكتر و كماليات اكتر ( طارة مالتى فانكشن ) ... فى المقابل تقفيلها مش مضمون حتى فى الموديلات الجديدة انت و حظك يا طلعت كويسة يا اما ممكن تلاقى نفسك كل اسبوع فى التوكيل بمشكلة شكل .
النيو اكسنت سحبها اجمد و ماتورها انعم و اقوى [gdwl]و موفرة فى البنزين[/gdwl] اكتر و بدون مشاكل تقريبا و قطع غيار اكتر و مراكز خدمة اكتر و فى المقابل مفيهاش عوامل الامان .
شوف انت عايز اية و اهم حاجة تركب العربيتين و تشوف انت مرتاح لاية و ربنا يوفقك .

هو حضرتك مش النيو أكسنت 1600 زي الجين تو طب تبقى إزاي موفرة في البنزين عنها ؟؟؟؟؟؟؟؟؟؟؟

**ezzatfox** · 11-09-2009 02:45 PM

المشاركة الأصلية كتبت بواسطة as01241

هو حضرتك مش النيو أكسنت 1600 زي الجين تو طب تبقى إزاي موفرة في البنزين عنها ؟؟؟؟؟؟؟؟؟؟؟

اقولك .. النيو اكسنت ماتورها بيعمل بتقنية cvvt ( التغيير المستمر لتوقيت فتح الصمامات ) التكنولوجيا دى مش فى كل العربيات موجودة فى الاكسنت و الالنترا و النيو سيراتو و فى تويوتا و هوندا تحت اسم v-tec .
التكنولوجيا دى مهمتها تحسين الاداء و التسارع و توفير البنزين .
عشان كدة تلاقى مثلا الفيرنا و الماتركس استهلاكهم عالى بعكس النيو اكسنت و الالنترا .. الجين 2 بردة مفيهاش التكنولوجيا دى فاستهلاكها اعلى فى البنزين .

**tutankhamoun** · 11-09-2009 03:47 PM

التكنولوجيا دي موجودة في الجين 2 بس مش اللي بتتباع في مصر و أسمها cps

عموما أستهلاكم البنزين للعربيات ال 1600 كله متقارب جدا

في الجين 2 ......... الإستهلاك ما بين 10 إلى 15 كم لكل لتر بنزين . حسب ظروف القيادة و السرعة .