الموضوع: التعديلات الهنسية 3 (الصيانات الدورية)

المشاركة الأصلية كتبت بواسطة i_samy

صباح الخير
دى أول مشاركة ليا فى المنتدى ككل
و الحقيقة بعد ما قريت كل المواضيع و المشاركات عن النيو أكسنت
خصوصا إننى بقالى أكثر من 4 أسابيع بشوف رد الناس و موضوعاتهم عن مميزاتها و عيوبها كانت الخلاصة أن أى عربية لازم يكون فيها حاجة
على العموم النيو أكسنت ظريفة جدا جدا و إن شاء الله إنا قررت
و لكن إسمحلى يا أستاذ مروان
فين مركز الصيانة المحترف إللى ممكن يعمل كل ما ذكرت
و هل كل هذه التعديلات تخرج العربية من الضمان ؟ أم فى حاجات تخرجها من الضمان و حاجات لأ ؟

أنا ممكن أعملك اللي انت عايزه كله
وبالنسبة للتعديلات دي في طبعا حاجات تخرجها من الضمان وخاصة لو تم تركيبها بدون معرفة التوكيل بس في حاجات تانية متخرجهاش من الضمان

المشاركة الأصلية كتبت بواسطة memo823000

بص ياهندسه
متعمل مركز الصيانه ده وتريحنا
انا زهقت - انا من النوعيه الكسوله جدا وفى نفس الوقت موسوس جدا وبخاف على حاجتى

يعنى عايز مكان احط فيه العربيه وبعد كدا استلمها ميه ميه وادفع التكلفه وخلاص

بس فين المكان ده

دا مش انا لوحدى - دانا واخويا وابويا - ادى عيله واحده

دى ملايين العربيات محتاجه شغل

بالله عليك تهتم وربنا هيكرمك باذن الله

انا اول مواضيع بتشكها هيا مواضيعك لانها بجد مفيده جدا

انا ليا سؤال ياهندسه

هوا لازم اسخن العربيه الصبح - لو الاجابه نعم - محتاج اد ايه - بما انى عندى عداد حراره

وانا بروح الشغل وبركن العربيه - وبشغلها بعد حوال 8 ساعات - فلازم اسخن تانى

والسلام عليكم

بالنسبة لمركز صيانة كويس مااعرفش
لكن لو انت محتاج حاجة ممكن أعملك كل اللي انت عايزه

أما بالنسبة لموضوع تسخين السيارة فيجب أن يتم كالتالي:

1. تفتح الكونتاك لمدة 3 ثواني تقريبا.
2. تدور العربية وتخليها دايرة سلانسيه (Idle Load) زي ما هي لمدة دقيقة على الأكثر.
3. تبتدي تتحرك بالعربية بالراحة جدا بحيث تتجنب تماما تسريع المحرك (يعني ال RPM ما يعديش ال 3000 بأي حال من الأحوال والعربية باردة).
4. المحرك بيبقى صوته عالي شوية في بدء الدوارة بسبب عمل ال (Cold Start Sensor) اللي بيساعد على رفع حرارة المحرك بسرعة، لذلك أنصح بعدم الاعتماد على علو المحرك أثناء القيادة بدون ما تدوس بنزين. دوس بنزين عادي زي ما بتسوق العربية بس واحدة واحدة لغاية لما تسخن والموضوع ده يادوبك ياخدله حوالي 100 متر.!!!

الهدف من انك تمشي بالعربية على طول من غير ما تسخانها هو تسخينها في وقت أقل من الوقت اللي بتاخده وهي بتسخن وهي واقفه مما يساعد الزيت على الوصول الى درجة حرارة التشغيل بسرعة ليتدفق في الأماكن ذات الخلوصات الضيقة ليؤدي وظيفته (التزييت والتبريد).