الموضوع: رابطه محبي ومالكي الريجاتا

الف سلامة على حضرتك
وطريقة سواقتك كده بالبلدى بتكتم العربية و115 على الرابع كتير جداً الرابع اخره 100 ولما تزيد 110 وتجيب الخامس على طول
الغيار الخامس صغير وخفيف على العربية حتى لو حضرتك ماشى على ال80 هات الخامس وامشى عليه وساعات بمشى بالخامس على سرعات اقل من كده لما تكون المسافات طويلة
وبالاضافة لكتمة العربية انت كده بتستهلك بنزين كتير وبتأذى طقم الدبرياج والعربية من غير مسألك لكن اكيد بتسخن منك

افهم من كلام حضرتك انى لو جبت الخامس ميأثرش على الماتور وزيادة استهلاك الوقد
يعنى لو جبت الخامس بعد 80 ميتعبش السيارة فى المستقبل
اعذرنى لانى معلوماتى على قدى وبحاول اكتسب خبرات من هذا المنتدى العظيم باعضاؤه الكرام

ببساطة ترس الرابع كبير وبيحتاج جهد من الموتور لتحريكه اكبر من الخامس بكتير جداً فاستهلاك البنزين هيزيد لو بتعتمد على الرابع فى السرعات العالية ازيد من 80 او 90
فحضرتك تجيب بالرابع لغاية80 او 90 ومتشكرين على كده واديلها الخامس ومشى عليه وعادى ممكن تمشى بيه وتهدى لغاية 70 ترس الخامس صغير وبيريح العربية واسرع وصوت العربية بيهدى خالص

شكرا اخى العزيز على معلومتك القيمة

بالنسبه للفيوزات فى السيارة الريجاتا
لو فيوز عطلان ممكن يأثر على لوحه العدادات وخصوصا عداد rbm والولاعه كمان مشغالين
هل الاشياء ده متصله بالفيوزات ام لا
لانى مش حابب أى حد يعلب فى أى شىء فى التابلوة لان فلاسفه الكهربائية كتير ولينا معاهم تجارب كثيرة سيارتى السابقة
شكرا لمتابعتكم لسؤالى

السلام عليكم يا شباب الريجاتا
فيه ريجاتا معروضة للبيع ومطلوب استشارة في تسعيرها
موديل 85 - الموتور ممتاز - العفشة ممتازة - الخوارج مرشوشة كويس - بطارية جديدة - الكاوتش حالته كويسة - الدواخل فابريقة - العداد 115000 -- كانت مرفوعة حوالي 9 سنين(بناءا على كلام اللي باعهلنا)متغير اسطوانة وديسك - الرخصة فيها تسعة أشهر أخرى
العربية متحدد لها 22 ألف بس ممن تنزل شوية .. فهل ده سعر مناسب من وجهة نظركم أم لا ؟؟ أرجو سماع آرائكم لكي يكون السعر عادل
العربية أي ميكانيكي أو عفشجي شافها شكر فيها وقال انها خسارة تتباع بس لولا الظروف كانت استمرت ولكن الحمد لله على كل حال

اولا بالسعر المرتبط بالموديل غالى شويتين لو السيارة فابريقة دواخل وكل شىء تمام التمام طبعا تكيف وسنتر وانذر ممكن ب 20 الف كويسه
ثانيا : نصيحة من شارى ريجاتا بقاله 10 شهور شيك على كل شىء بالورقة والقلم
وشوف الشىء اللى محتاجها العربية واعرف ثمنه واخصمه من 20 الف جنية
كمثال مثلا محتاجه زوج كاوتش يبقى انتى محتاج تنزل 450 جنيه لو محتاجه فرش جديد هتنزل سعرها برضه ايشارات امامية او خلفية محتاجه تظبيط فى اماكن معينه تشوف مصنعيتها كام وتخفضها
واهم شىء حاله التابلوة لو 50 فى المائه حالته نزل على 500 جنيه لان صعب تلاقى تابلوة ريجاتا سليم
لان من وجه نظرى العيب الصعب فى الريجاتا
وده معلوماتى القليله ويمكن اخوانى فى الرابطة يقدرونى يفيدوك اكثر