الموضوع: رابطه محبي ومالكي الريجاتا

المشاركة الأصلية كتبت بواسطة mooora

2)في إحدى مشاركات أحد الأعضاء الكرام ذكر أن الموتور 1600 سي سي غير منتشر ولذلك قطع غيارة غير متوفرة نسبيآ...فأرجوا أن تفيدوني هل قطع غيارها متوفرة أيضآ مثل الـ 1500 , 1300سي سي وإذا كان ذلك فهل أسعارها مثل الـ 1500 , 1300 سي سي أيضآ أم ماذا ؟
3)السيارة 2 كامة بعكس الـ 1500 ,1300 سي سي 1 كامة...فهل هذا يعني معدل إحتراق أكثر للبنزين وما هو هذا المعدل يعني تعمل كام كيلو في الصفيحة ؟.

الريجاتا الـ 1600 سي سي فعلاً غير منتشرة وتسمي ريجاتا 100 لأنها 100 حصان تقريباً وهي أقوي من 1500 والتي هي 82 حصان تقريباً

وبالفعل هي 2 كامة مما يعني إستهلاك بنزين أعلي ولكن ليس بالشكل الذي يجعلك تفر منه فالفرق لن يكون كبير

وهناك ريجاتا 1300 سي سي وهي غير منتشرة أيضاً في القاهرة ولكنها تملاً شوارع بورسعيد لأنها إيطالي

والـ 1600 سي سي قطع غيارة مختلفة قليلاً عن 1500 سي سي ومتعبة شوية إلا إذا كان صاحبها أجري عليها تعديلات يعني مثلاً:
الإسبراتير بتعها مختلف وبيسمي إلكتروني وكذلك البوبينة وبيتم تعديلهم للريجاتا 1500


ولن تجد خلافات بينها وبين الريحاتا 1500 في الصاج والأجزاء الخارجية


وبالنسبة للجنوط فالريجاتا لها مقاسين فقط:
1-165/70/13 وهو مقاس الفابريكة ولو أفتي بتوع الكاوتش بغير ذلك
2- 14 ولا أذكر المقاس بالكامل الآن

والجنط الـ 15 غير سليم بالمرة للريجاتا وأكيد هيحك في الإكصدام الأمامي والرفرف في المطبات الهوائية

عن تجربه واقعية
منذ شهرين كانت صفحية الوقود 20 لتر كانت بتعمل معايا من 165 الى 175 كيلو داخل القاهرة الكبرى
لكن الان مع بعض التمرينات والملاحظه على مؤشر البنزين فى سيارتى الريجاتا نوفا ودرجه الثبات فى ضخ الوقود عند السرعه المطلوبه
مع عدم السحب بالسيارة بعد الثمانين بدون لازمه لاستخدام بك بنزين واحد وليس بكين عند الخروج من منطقه التسعون وما فوق مما يؤدى لدفع وسحب وقود اكثر
النتيجة صفيحة الوقود 20 لتر عملت معايا حوالى 204 كيلو
اللى يجرب يمر بالتجربه يقولى النتيجه معاه ايه
اتمنى اكون قد قدمت شىء بسيط للرابطه

المشاركة الأصلية كتبت بواسطة mooora

شكرآ لك أخي الكريم nice egypt
ممكن توضحلي الفرق اللي حسيته عندما ركبت الجنوط الـ 13 كان للأفضل أم للأسوأ

الفرق طبعا للاحسن .. المساعد بياخد راحتة فى الصعود والهبوط وبالتالى امتصاص المطبات والطرق الوعرة بشكل افضل
- لا يقم بأستهلاك جلب المقصات بشكل غير اعتيادي
- نعومة فى السحب والقيادة .

المشاركة الأصلية كتبت بواسطة sansan

اولا السلام عليكم وكل اعضاء المنتدي بخير بصراحة انا معايا فيات 131 وبسافر بيها من الصعيد لمصر حوالي 600 كيلو بس طبعا السحب مش اللي هو ففكرت اغير الي ريجاتا فكان نفسي اسال اعضاء الرابطة علي الريجاتا وسرعتها هل سرعتها بتعدي 130 يعني بتجيب بيها 150 مثلا وتكييفها تمام يعني بتحس فعلا بالسقعة ولا العزل مابين الحوض وبين الصالون مش اللي هو ارجو الرد وبارك الله فيكم

أنا من ملاك الريجاتا
وكنت مرة مسافر في رمضان ومستعجل عشان ألحق الفطار فكنت ماشي علي 145 كم/ساعة وكان عندي مشكلة في الكهرباء وكنت ماشي ببنزين 80

الحقيقة كانت مش بطالة خالص خاصة إنني كنت أيامها محتاج أعمل شغل في العفشة وكان ثباتها جيد

العربية الريجاتا لو حالتها حلوة هتريحك جداُ جداُ