المشاركة الأصلية كتبت بواسطة مواطن مصرى
العفو يا باشا كلنا اخوات و بنساعد بعض
حضرتك الاول تروح لحد بتاع تكييفات امين قبل ما يكون فاهم يشوف حاله التكييف ايه الاول (الكومبريسور - السربنينه - المروحه - الخراطيم - الفريون) و بعدين تحدد انت محتاج تغير ايه ..
لو حضرتك من نواحى الجيزة فيه واحد مشهور فى الدقى بعد نزله كوبرى الدقى فى اتجاه الجامعه فى الشارع اللى قبل امن الدولة (جابر بن حيان)
و لو من مدينه نصر فيه واحد فى الحى السابع اسمه السحار فى الشارع اللى على ناصيته محل مصر و السودان
و لو حضرتك من المعادى روح المتحده فى شارع سنترال المعادى
المهم ..
لو لقيت الكومبريسور سليم و الموضوع هايرسى على سربنتينه و خراطيم و شحن فريون هاتهم استيراد ارخص .. بس مش عارف بكام دلوقتى (بعد موضوع ارتفاع الدولار و قطع الغيار بصفة عامة) فبقى موضوع اسعار الاستيراد ده مختلف من مكان لمكان (بورسعيد غير وكاله البلح غير عزبة شلبى) و يختلف من تاجر لتاجر فى نفس المكان كمان .. اهم حاجه تجيب الحاجه بحاله جيده و على التجربه بضمان استبدالها لو مش شغاله
بالتوفيق ان شاء الله ..