[frame="9 10"]انتا بالشكل دة من الاحسن تروح للحج حمدى فى حدايق القبة اقرب ليك
وهوة شغال فى اصلاح الكارونة و الفتيس فقط و مضضمون شغلة عن تجربة فى الكارونة[/frame]
عرض للطباعة
ممكن من فضلك العنوان بالتفصيل يا باشمهندس حسام
عنوان شبرا :
عند هندسه شبرا تسال عن بتاع الفتايس هوا فبل هندسه شبرا بي شارع او اتنين
السلام عليكم جميعا واتمنى ان اجد جواباً لسؤالى : وجدت من يومين الكوع اللى راكب عليه خرطوم الفايظ جايب زيت فما تفسير ذلك وماذا يسمى هذا الكوع وما وظيفته علما انه لا يوجد اى دخنة من الشكمان وهحاول ارفع صورة لمكان الكوع دا لو مكنش سؤالى مش واضح
سمعت بعض الاخوة فى ورشه السيارات انه بينصح باستخدام الخل لتنظيف الريداتير
هل احد فى رابطتنا استخدم الخل من قيل فى التنظيف
وان لم يستخدم الخل ماهى افضل طريقة لتنظيف الريداتير
الاستاذ مودى 100
ارجوك اسعار قطع الغيار دى هايلة ارجوك فين عنوان الراجل ده للضرورة واكون شاكر جدا
على حد علمي طبيعي جدا انك تلاقي شوية زيت ولكن بنسبة بسيطة جدا
ان تتأكد فك الخرطوم من عند الكربراتير وزود للعربية وشوف هل هيطلع دخنة ولا لأ ؟
وتابع مستوى الزيت وقيس الزيت بعد ما تنزله ، شوفه كام لتر ؟ لو أقل من تلاتة لتر ونص يبقى المكنة خفيفة .
وخلي الميكانيكي يبصلك عليها أحسن
انا حددت مكان الحاج حمدى فى ال wikimapia علشان تسهل و صول الناس لورشته ده هو الربط
Wikimapia - Let's describe the whole world!
موقعه تحت علامة (+) على صورة القمر الصناعى
رقم الحج حمدى0105153879
ممكن تتصل بية هوة يوصفلك العنوان
بس هوة فى حدايق القبة
[frame="9 10"]السلام امانة منى للحج حمدى و بلغة انك من طرفى و بعون الله يعمل الواجب و زيادة
طمنى بالنتايج
متابع و اى خدمة موجود بامر الله[/frame]
شكرآ لحضرتك اخى (regata) و شكرآ لباشمهندس حسام للإهتمام وان ان شاء الله خلال الشهر ده او اللى جاى ان كان ليا عمر هاكون رايح عند الحاج حمدى وهابلغه السلام يا باشمهندس وان شاء الله هاطلعكوا على المستجدات وتحياتى للجميع.
ممكن حضرتك تدينا تليفونه
http://www9.0zz0.com/2011/07/02/03/412436200.jpg
يا جماعة زى ما انتوا شايفين انا عندى لغز وهو لما افتح الكونتاكت المفروض لمبة الزيت والدينامو ينورو واللغز هو ان انا مش لاقى لمبة زيت فى التابلوه نهاءى الا التى تتبع كمبيوتر الاعطال اللى هو اساسا مش شغال /ولكن الذى يضئ عند فتح الكونتاك وتشغيل العربية هما لمبتين كما فى الصورة وهما طبعا بتوع السخان والشبورة والشئ الاغرب انى اكتشفت ان لمبة الزيت هى لمبة السخان المضاءة على اليمين واكتشفت كده لما فتحت الكبوت وشلت الكلبس الخاص بالزيت لقيت اللمبة دى طفت معنى كده ان دى اكيد لمبة الزيت فبصراحة دا لغز بالنسبة لى كيف لا يكون فى التابلوه لمبة زيت هل تم تعديل مثلا فى التابلوه ومع العلم الزرار الخاص بسخان الزجاج الخلفى عند الضغط عليه لا يقوم بتسخين الزجاج وكذلك مفتاح الشبورة فهل معنى ذلك انهم ملغيين __ارجو التفسير العلمى وحل هذا اللغز من حضراتكم
يااااه .. لا طبعا انا تحت امرك
المفروض ان فية لمبة للزيت .. الموضوع عند حضرتك واضح وبسيط
اللى حصل ان اللى حضرتك اشتريت منة العربية راح للكهربائى وخلاة عمل شوية تعديلات " عادية وفى صلحك "
التعديلات دي لمبة الزيت اكيد اتحرقت فبدل ميغرها لاغها رغم انها متوفرة عند الكهربائية نفسهم لكن عموما مفيش مشكلة
تفسيري بناءاَ على كلام حضرتك ان لمبة الزيت حالياَ هى لمبة السخان .. ماشى مفيش مشكلة .. المهم انك لما تحط
المفتاح تنور .. اول مدور الموتور تطفي .. هتتعود عليها مع الوقت بدل المصاريف لو مضايقة حضرتك يبقى
هتروح للكهربائى وتقولة يرجع لك لمبة الزيت لمكانها الطبيعي .. هتقولي مهى مش موجودة اصلا ف التابلوة هترجع ازاي
هقول لحضرتك دي شغلة الكهربائى هو هيتصرف ولو متصرفش احنا نعملها . اي كهربائى عندة العلامات بتاعة التابلوة
بيركبها ويغير فيها زي مهو عايز دى امرها سهل . دة فى حالة لو مضايقك وحابب تغيرها .. رغم انى شايف انها عادية
النقطة التانية : بالنسبة للمفتاح بتاع الزجاج الخلفي لا تفكر ابدا فى تشغيلة .. لانة بيشرخ الزجاج ويكسرة فى حالة نسيانة
او حتة تشغيلة لثوانى .. هو حاليا مش شغال اما لعطل ف المفتاح وفصلة من دايرتة .. وأما لعطل ف السخان الموجود
داخل الزجاج الخلفي .. ودة المتوقع لان الزجاج اكيد قديم .. والسخان مش بيتصلح عايز سخان يبقى هتغير الزجاج الخلفي
كلة بالسخان بتاعة .. لان السخان بيكون مدمج داخل الزجاج نفسة اثناء تصنيعة ولا انصح حضرتك بتشغيلة
النقطة الثالثة مفتاح الشبورة : هتلاقى ريجاتا كتيرة قوي مش شغال معظم مفاتحيها ودة العادي .. مفتاح الشبورة بينور
لمبتين ف الفوانيس الخلفية مع النور الصغير .. يعنى لمبة اضافية عالية الاضاءة لكل فانوس خلفي علشان تعرف اللى
ماشى ورا حضرتك بأن فية عربية قدامة ف الشبورة .. هى دي فائدتها .. معظم الناس بتـعدل وانا احدهم عملت تعديل
ولغيت المفتاح دة وخليت لمبة الشبورة الخلفية تنور مع النور الصغير وبالتالى اضاءة افضل خلفية واضحة ف الضلمة
ادعوا الله ان يكون وفقنى واياك فى حل لغزك ان شاء الله
شكرا لتضويحك الجامد
كنا هنخسر عضو فى الرابطة
اشكر حضرتك على تفسيرك الرائع واجمل حاجة ان اللغز دا جعلنا نشوف مشاراكاتك مرة تانية فى الرابطة بعد غياب طويل وليك عليا اجبلك الغاز يومية ههههههه / وبالنسبة للسؤال هو تفسير حضرتك اكيد صح وهو ان صاحب العربية الاصلى جعل لمبة السخان هى لمبة الزيت (المضاءة على اليمين فى الصورة) وجعل لمبة الدينامو هى لمبة الشبورة ( المضاءة على اليسار فى الصورة) وانا مش عارف ليه هو عمل كده يعنى هل لمبة الزيت والدينامو اتحرقوا مرة واحدة لدرجة انه يلغى مفتاح السخان والشبورة
http://img102.herosh.com/2011/07/09/699429976.jpg
دة اللى المفروض يظهر يا استاذ شرقاوي .. صورت لحضرتك التابلوة عندى قبل ما ادور العربية
افتكرت على طول موضوعك فقلت اصور لك .. المفروض لمبة الزيت + البطارية + لمبة البريك
يكونوا منورين .. اللى عند حضرتك هو مبدل مكان اللمبات وعادي
اشكرك استاذ حسين على الصورة التوضيحية وانا عندى فعلا ال 3 لمبات هما اللى بينورو طبعا مع اختلاف الشكل كما ذكرنا سابقا والحمد لله هى مش مشكلة ولكن المشكلة ان لمبة الدينامو (البطارية) بتفضل منورة بعض الوقت حتى لما بمشى بالعربية ثم تطفى بعد ذلك وهى طبعا المفروض تطفى علطول اول ما اشغل الكونتاك فهل فى مشكلة فى الدينامو علما بان الموضوع دا حصل بعد الانتهاء من عمرة الموتور مباشرة وجعلت الميكانيكى يتأكد من شد سير الدينامو كويس فهل حدثت مشكلة للدينامو اثناء تركيب الموتور فى مكانه خاصة ان الميكانيكية بيعملوا فيها بهوات وبيخلوا صبيانهم هما اللى يركبوا الموتور فى مكانه او على الاخص يركبه السلوك والسيور والذى منه
يبقى غالباً تم توصيل سلك ساعة الزيت و شحن الدينامو ع لمبات الشبورة و السخان .....بدل من شاشة الاعطال
لان لمبات الزيت و البطارية موجودة اساساً فى شاشة الاعطال ...اللى هى بايظة فى اغلب العربيات
و طبعاً فى حالة وجود اى مشكلة فيها او في توصيلاتها ....مش هيقدر يعرف منها اى حاجة ....و فى الغالب للسبب ده
تم توصيل لمبات الزيت و الشحن باللمبات الاخرى ...لانهم اهم اتنين فى ال 8 بتوع شاشة الاعطال
و الباقى ممكن الاستغناء عنه
باستثناء طبعا لمبة الزيت الباكم......بس طبعا الخبرا اللى بيشتغلوا فى عربياتنا بيبقى ليهم اراء مختلفة
مع ملاحظة انه ما كانش فيه داعى للتركيب فى مكان لمبات الشبورة و السخان....لأن فيه ع الاقل اربع امكان فاضية
كان من الممكن التركيب فيها بدون الحاجة لالغاء لمبات الشبورة و السخان
السلام عليكم :انا بلاقى لما العربية سواء باردة او ساخنة باب الكاربراتير علطول واقف على سيفه واللى اعرفه ان المفروض الباب دا بيكون موارب والعربية باردة فما هى هذه المشكلة وهل لها علاقة باستهلاك للبنزين ومع بعض الملاحظات ان الشفاط لا يعمل وايضا العربية لا تدور من اول مرة صباحا ولازم اشعر لها بنزين اثناء الدوارة و قلت اسألكوا الاول قبل ما اروح لبتاع كاربراتيرات لانى خايف يلعب فى الكاربراتير او يشتغلنى وبانتظار ارائكم
السلام عليكم و رحمه الله و بركاته
أخوانى فى الله أنا نازل بأذن الله يوم الجمعه الموافق 22 يوليو, يا ترى فيه حد من الأخوة الأفاضل أعضاء المنتدى هايكون فى السوق يقدر يفيدنى بمعلوماته القيمه داخل السوق و فى عمليه الشراء و إذا كانت السيارة اللى ربنا هايوفقنى بيها كويسه ولا إيه أخبرها؟
فى أنتظار ردكم الكريم.
خد بالك ان 75 % من الريجاتا ملعوب فيها
واذا مش ملعوب فيها هيكون فيها بارومة
وكمان خد بالك من حلة الطبلوه لو متبهدل جامد ( لانه قليل جدا وسعره غالي لن يقل عن 1700 )
ما تستعجلش في الشراء لان النضيف منها قليل جدا
وما تشتريش من تجار والسوق كله تجار 90 % من اللي واقفين في السوق تجار
قبل ما تتفرج على العربية اسأله الرخصة باسمك ؟
أخيرا وبعد ما تشوف العربية وتمشي على الخطوات اللي استاذ عمرو هيقولك عليها
سيب صاحب العربية 10 دقايق وروح صلي ركعتين استخارة
تمنياتي لك بسيارة ريجاتا نظيفة
قصة التابلوة تم حلها بشكل تقريبي ..
التابلوة سعرة جديد زيرو من شركة النصر 1000 ج واعتقد لو تم الفصال ممكن يوصل لـ 800 ج وجديد زيرو كامل
المعلومة لسة هتأكد منها اول مفضى هروح لشركة النصر للسيارات فرع عين حلوان / وادي حوف
صديق جايب التابلوة جديد زيرو وقال السعر دة .. وفي منتدي اخر احد الاعضاء اكد المعلومة باردو
فمحتاج اعمل زيارة بنفسى واخد صديقي معايا .. انا شفت التابلوة عندة بس وسمعت السعر تـنحـت
بس عموما واضح ان موضوع التابلوة مشكلتة حلت
لو اكمن لانى مشغول ومضعوط جداَ حد يروح لشركة النصر بنفسة ويشوف الموضوع
الاخوة الاعزاء
مشكله السخونه
سيارتى لما تكون فى زحمه اليومين دول السيارة بتسخن خالص والمياه بتفضى وبتضطر اركن لما تبرد وبعدها ازودها مياه واكمل
لكن لو الطريق ماشى مفيش مشكله والمياه بتبقى موجودة
مش عارف السبب ايه ومشكلتها ايه
مقترحات لحل مشكلة السخونة
1 ) فك ترموستات الكوعة
2 ) سلك الريداتير كويس
3 ) حط مياه خضرا بس تكون نوع نضيف مش ابو عشرين ده ؟ في نوع أمريكي الجركن فيه ب 50 ج درجة الغليان بتاعة المياه دي بتكون عند 126 درجة مئوية
4 ) غير ترموستات المروحة المسؤول عن فصل وتشغيل المروحة هات الواطي بيشتغل عند 80 وتفضل المروحة ضغالة لحد ما توصل لل 60 و تطفي
5 ) فيه فكرة انا ما جربتهاش صراحة في الريجاتا ، لكن هي معمولة في عربيات تانية كتير بيبقى في قميص مروحة بلاستيك كبير قد الريداتير كله وظيفته انه يخلي الهوا اللي المروحة بتسحبه يعدي على كل التجاويف بتاعة الريداتير ، ويخلي الهوا اللي طالع من الريداتير يتركز على المطور .
6 ) أتاكد ان ترمبة المياه عندك اصلية وسليمة .
7 ) أتأكد ان دورة المياه مافيهاش هوا وما فيهاش تسريب
8 ) اتأكد من ظبط التاكيهات عند متخصص لان ليها علاقة بالسخونية
9 ) لو عملت ده كله وما ضبطتش معاك يبقى ليك حق تكره العربية لكن من بدري كدا هتشتكي من العربية يبقى العربية هتزعل منك وهتزعلك .
مع خالص تحياتي
( ريجاتاوي سابقا )