كده بقت 3 كمبيوتر وبرمجيات + 2 تدريس وان شاء الله اجازة نصف العام قادمة و هحاول انزل القاهرة للقاء اعضاء هذه الرابطة المميزة ومش تنسوا تحكولنا عندما تتقابلوا عن الجولة التى ستقومون بها
عرض للطباعة
كده بقت 3 كمبيوتر وبرمجيات + 2 تدريس وان شاء الله اجازة نصف العام قادمة و هحاول انزل القاهرة للقاء اعضاء هذه الرابطة المميزة ومش تنسوا تحكولنا عندما تتقابلوا عن الجولة التى ستقومون بها
ان شاء الله تشرفنا وتنورنا .. احتمال المقابلة بتاعة الرابطة تكون متصورة فيديو وصور كمان .. اي خدمة :cool (1):
المهم نلاقى وقت بس .. والاهم تدفع خمسة ج تمن تذكرة مشاهدة live ... ولو عايز فيديو فول اسكرين يبقى استخدم جدول الضرب 2 ف 5 بعش ج صح يا استاذ ؟ وكلمة زيادة هطلعك للمدير يأما هتاخد عصيتين قدام زميلك :tongue32:
اتذكر ايام الدراسة المدرسية .. كان فية مدرس انجليزي الله يمسية بالخير ... كنت السبب ف طردة من المدرسة ولله الحمد ههههههههه
وبعدها رحت للمدير واتحايلت علية يرجعة .. ولما رجع اعلنت علية الحرب ومشيتة تانى ههههههه
خلاص كده تمام
كل واحد يحدد مكان للمقابلة بشرط يكون هادى ومواصلاته سهله وموقع جميل
بالنسبه لى
فى الشيخ زايد توجد كافتيريا هايلة جناين ومكان واسع وجو جميل بعيدا عن صخب القاهرة الكبرى
كما احترم رأى الاغلبية
اتصلت بأستاذ ياسر "ريجاتا " وسعدت بمحادثتة بصراحة رجل محترم جداَ وسألنى عن المقابلة واننا هنتقابل ف القريب العاجل
استاذ عمرو مواعيد اجازتة الجمعة والسبت .. المجموعة كلها جاهزة للمقابلة الا انا ههههههه .. فى الحقيقة لسة مش عارف ظروفي تحديداَ
لذا فضلت ان يكون عن طريق التليفون .. لكن عموما ممكن يوم الجمعة القادم . وهيتم التنسيق على التليفون وتأكيد الموعد بأذن الله .
ادعولى اخلص الشغل قبل يوم الجمعة بأذن الله .. لما نشوف اراء المجموعة فى اليوم .. بعد كدة تحديد المكان واللى غالبا هيكون عندى ف المكتب
عند مترو جامعة القاهرة .. اية رأي حضراتكم .
بالنسبه لى معنديش مانع
نشوف باقى الاعضاء
على فكرة فية عضو معانا اسمة احمد " زينجر " قابلتة مرتين .. دماغة حلوة جداَ فى الريجاتا شاب من دورنا محترم
وجدع جداَ .. كان سعدنى ف اصلاح الكربراتير القديم ودى كانت بداية معرفتى بية .. هو حالياَ فى امتحانات الكلية بتاعتة
ربنا يوفقة .. اتمنى يكون موجود ف المقابلة بأذن الله .
الاخ عمرو وجميع الاخوه ده رابط فيه كتالوج الريجاتا بس اللغه تقريبا ايطالى Parts catalog for the Fiat Regatta
اتذكر ايام الدراسة المدرسية .. كان فية مدرس انجليزي الله يمسية بالخير ... كنت السبب ف طردة من المدرسة ولله الحمد ههههههههه
وبعدها رحت للمدير واتحايلت علية يرجعة .. ولما رجع اعلنت علية الحرب ومشيتة تانى ههههههه اكيد يا استاذ حسين كنت فى مدرسة خاصة وبعدين ملقتش غير مدرس الانجليزى انت كده زعلتنى:120146b هههههههه وكمان بتتفاخر يا سلام بس احنا بقى الحمد لله بنشتغل فى مدارس حكومية واحنا اللى بنطرد التلاميذ وبالنسبة لتصوير المقابلة فيديو هتبقى حاجة جامدة منك اوى ويا سلام لو 3d
لية الطمع دة بقى ثري دي كمان !!! .. طيب تدفع كام واخليهاك هاي ريزليوشن ؟ المهم انك تدفع وخلاص :beated:
انا فعلا كنت ف مدرسة خاصة ثانوي .. المدارس اللى قبلها كانت حكومية وطبعا سكتم بكتم :cool (1): بس كنت شقي باردو
كنت بوقف التاكسيات ف الشارع ونركب انا واصحابي .. وعند اول اشارة .. السواق ياعنى واقف ف الاشارة يلاقى الابواب
بتتفتح وكلة يجري هههههههههه ... يأما اوقفة واعطلة شوية وف الاخر اسيب الباب مفتوح واجري ههههههه كانت ايام معيلة بقى
واتقفشنا ف مرة وكانت شغلانة .. بس طلعت منها باردو الحمد لله ههههههه سواق تاكسى كان بيعدى من هناك على طول وشرب
المقلب وحظنا وقعنا فية مرة تانية .. نزل جري ورانا وقفش واحد .. والواد الجبان افشى السر وشاور على زعيم العصابة
ولما جالى قلت لة انت عبيط يابنى ولا اية بيجري مين انا واقف على محطة الاوتوبيس مستنى الاتوبيس .. الواد ياعينى بقى
يعيط ويقولي متستعبطش وبلاش تهريج ... قلت لة يالله يعم انت وهو .. واحد واقف جمبى ع المحطة كــتر الف خيرة قال
" انا شايفو واقف هنا بقالة شوية اية اللى حصل بالظبط ؟ " وانا فعلا كنت واقف مراقب اللى بيحصل .. عملت العملة وجريت
ع المحطة وقفت .. اتعمل معاهم الواجب وانا طبعا غبت لى اسبوع ورجعت عادي خالص ... الكلية بقى عقلت شوية والمقالب
كلها كانت ف اصدقائى واللى معة عربية كان بيشرب مقلب باردو .. ايام بقى .. اتجوزت وعقلت خلاص الحمد لله .
يعنى حياتك كلها مقالب
المهم انتى حالك ايه دلوقت احنا مش ناقصين مقالب كفاية مقالب الحياه فينا
اكيد عقلت خالص واللى عملتة فى السابق بيطلع عليك فى الحاضر ههههههههههههههههه
http://www9.0zz0.com/2011/01/18/00/408624975.jpgارجو توضيح اسماء الاشياء المشار اليهم بالسهم الاحمر مع العلم انى عندى الاسبراتير الكترونى
http://www9.0zz0.com/2011/01/18/00/852121919.jpg دى صورة تانية لاجزاء اخرى مشار اليهم بالسهم الاخضر وارجو اسمائهم
سؤال اخر لاخوانى : اجد قليل من الزيت اسفل فلتر الزيت مباشرة واقوم بمسحه ومسح الفلتر بقطعة قماش ثم اجده ثانيةً واجد الفلتر مبلل زيت ولكن قليل فهل مصدر هذا التسريب القليل من فلتر الزيت ام من اين؟؟ مع العلم ان مستوى الزيت عندى ينقص قليل ولكن كل فترة كبيرة وشكرا لتعاونكم المثمر
استاذ عماد ازيك ... هشرح لك كل صورة على حدا ... وهقسم الشرح لنقاط علشان اسهل توصيل المعلومة :
* اللى على الشمال السودة دى اللى عاملة زى العلبة :
اسمها عـمة الزيت
وظيفتها : تـنقية الهواء قبل ميدخل للكربراتير .. وهى اختراع ممتاز .. بس عايزة متابعة ونضافة على فترات متباعدة
طريقة عملها بالتفصيل : فية ماسورة كاوتش المفروض انها تكون عندك .. لو مش عندك تبقى ضاعت .. الماسورة دى
واصلة ما بين عمة الزيت .. وعمة الكربراتير " اللى هو فية فلتر الهوا اللى فوق الكربراتير " لما حضرتك بتمشى بالسيارة
الهواء بيدخل من ممر ف علبة الزيت .. بيعدى على زيت جواها حضرتك بتحطة وبتغييرة على فترات متباعدة وهو عبارة
عن زيت موتور .. الهوا بيدخل ع الزيت .. الزيت ياخد التـراب والشوائب وبعدها يطلعة ع الفلتر .. الفلتر يمسك شوائب
ثم الى عمة الكربراتير .. العمة جواها فلتر هوا صح ؟ ... الفلتر ينضف الهوا تانى .. ثم يدخل الى باب الكربراتير
بكل سلامة وبكل نظافة .. وبكدة بتحافظ على نضافة الكربراتير .. حتى لو استخدمت العربية فى اجواء فيها تراب كالصحرا
العلبة دى اول حاجة شغلتها ف العربية .. طبعا بتريحك من نظافة الكربراتير كل شوية .. لان الكربراتير مقرف ف نضافتة
وبالتالى مش بتحتاج تنضف الكربراتير ... وظيفة اخيرة ليها وهــى : كــتم صوت الموتور .. مش بتكتمة بالمعنى المقصود لاء
بتخلي الصوت هادى وحلو ومش مسموع .
عيـوبها : ملهاش عيوب .. ولو مش راكب عليها الماسورة الكاوتش عادى .. يعنى لو مش شغالة عندك او مفصولة لعدم
وجود الماسورة الكاوتش عادى خالص مفهاش مشاكل .. بس غير فلتر الهوا كل 5 شهور مثلا .. بدل مرة كل سنة
يعنى مش هيحصل حاجة متقلقش .. فلتر الهوا موجود وهيقوم بوظيفتة بس هيلم تراب بسرعة .
السهم اللى تحت عند الريداتير دة اسمة " الاسبراتير " وهو عندك الكترونى .
وظيفتة : توصيل الكهرباء لبوجيهات الموتور
مميزاتة : الاسبراتير الالكترونى حلو انة مش محتاج ظبط .. ومفهوش ابلتين ولا كوندنسر وبيظبط الكهربا لوحدة بشكل حلو
عيوبة : لة عـــيب قـــاتل جداَ ... ان المشط بتاعة لما بيتحرق ويطير ملوش اي علامات .. يعنى تبقى ماشى فى امان الله
بالسيارة .. وهوب ... العربية تقف .. مهما تزق مفيش .. العربية هتعطل لعدم وصول كهربا للبوجيهات !
الحل : كـل الناس اللى قابلتها مغيرة من الالكترونى لعادى ابلتين وكوندنسر ... وعربيات ريجاتا كتير شوفتها مغيرة وانا
عندى باردو اسبراتير عادى ابلتين وكودندنسر .
سبب تغيير الناس للعادى من الالكترونى : ان العادى لة علامات واضحة جداَ بتوضح انة قرب من التلف .. زى مثلا يطلع
مدافع من الشمكان .. الموتور يـتــلــت " يعنى يشتغل 3 بوجيهات بس ويقطع واحد " ... وهكذا .. انما الالكترونى عيبة
القاتل انة غـدار ف ساعتها ... وكمان فية مشكلة حضرتك اكيد فكرت فيها وهى : لو انت جبت مشط وشلتة معاك ف الشنطة
بحيث لما الالكترونى يضرب مشط تركبة .. ردي لحضرتك مع كل اسف .. مش هـتعرف تركبة !! ولا انا بعرف اركبة
اللى بيعرف الميكانيكى للاسف . وبياخد وقت شوية .. انما الاسبراتير العادى .. بتفك الوش .. وبتركب الابلتين والكوندنسر
وتقيس بحرص ولو بورقة من الشارع الابلتين دور العربية دارت مبروك .... أو .. اول ما اي علامة من علامات التلف اللى
قلناها تظهر تغيرة قبل متتحرك .. وعلاماتة واضحة وبتبان قبل متتحرك بالسيارة . اعـتذر للاطالة بس حبيت اشرح
السهم الاخضر اللى فوق .. اول سهم فوق على حاجة عاملة زى الخرطوم :
اسمة : سـلك الشفاط " لو واصل ف الكربراتير عندك يبقى هو لو مش واصل يبقى مش هو لان الصورة مش مواضحة قوي"
مميزاتة : فية حاجة زى بكرة تحت الدريكسيون عندك البكرة دى لما بتشدها بتفتح باب ف الكربراتير علشان يسخن الموتور بسرعة
الصبح قبل متتحرك وخصوصا لو الجو ساقعة .. بيخلي صوت الموتور يعلي شوية كأنك ضاغط بنزين برجلك
عيوبة : ملوش عيوب حتى لو نسيتة .. هياكل بنزين بس شوية وهيسخن العربية لو وقفت ف اشارة او ماشى بطيئ لذا لازم
تطفية بعد متستخدمة .. وهو مش ضروري تستخدمة .. نادراَ لما بشغلة .. بسيب العربية تـسخن براحتها وبمزاج تحس ان العربية بحس انها مبسوطة بكدة ... لو مستعجل بشغلة طبعاَ .
ملحوظة : يجب الضغط على دواسة البنزين للربع مثلا وفى نفس الوقت شد الشفاط .. والسبب انى لما فكيت الكربراتير
قطع قدامى ضغط على باب الشفاط ف الكربراتير اللى بيسخن الموتور " الباب العلوي " شوفت طريقتة الميكانيكية بنفسى
وقعدت اجرب والعب لقيتة تقيل جداَ فى حالة عدم الضغط على دواسة البنزين .. طيب لو حصل وحضرتك نسيت تضغط
بنزين وشديت سلك الشفاط .. مش هيحصل حاجة ف وقتها .. هيكون بس تـقيل معاك ورخم وانت بتسحبة .. بس مع الوقت
هيتقطع السلك وتشتري غيرة بـ 18 ج بحالهم :) .. لما ضغط على الجزء اللى بيضغط علية دواسة البنزين برجلك وضغط
على فتح الباب بتاع الشفاط لقيتة سلس جدا ف ايدي " الكلام دة والكربراتير مفكوك ف ايدي برة وفاتح باطنة ومجهزة للاجراء عملية جراحية " وبالتالى لما حد يستخدم الشفاط اضغط بنزين وشد الشفاط .. العربية سخنت وتمام وهتتحرك .. اضغط بنزين تانى لحد الربع ونزل الشفاط علشان يرجع مكانة .. هتلاقية سلس ومية ف ايدك
ملحوظة اخري مهمة : تمن السلك 18 ج .. اسمة سلك شفاط ... لما تيجي تشترية قولة عايز سلك شفاط 128 .. هو نفسة بتاعنا هو بعينة وغباوتة . انما لو قلت لة ريجاتا لو غبي هيقولك مش عندى ! لو اللى واقف ناصح هيقولك هات 30 ج وتبص ع الكيس تلاقي مكتوب علية فيات 128 ! .. انا رميت الكيس للاسف كنت هصورهولك . تمام كدة ؟
السهم اللى على الخرطوم الغليظ اللى راكب ف العمة دة خرطوم الفايظ .. او الفائض .. دة بيخرج ابخرة الموتور ولو لا قدر الله بيطلع قطرات زيت او بخار ابيض معناها ان الموتور محتاج شمبر ولو دة موجود لا قدر الله بعيد عن السامعين ومالكها امين .. لازم تفكة من العمة علشان ميبهدش الكربراتير بعد فترة طويلة .. فك الخرطوم دة بعد مترجع من مشوار والعربية دايرة بص علية .. ليقت ابخرة عادية ماشى ركبة .. لقيت دخان ابيض كثيف ورائحة زيت شديدة " زيت محروق " وجوة زيت وبيطلع زيت برة وحياتة كلها مزيتة يبقى خلية مفكوك برة مش هيحصل اي حاجة ف العربية متقلقش .. سبب تركيبة ف العمة : الخواجة عملة علشان يطلع ابخرة الموتور زي مقولنا .. وهو بيضرب كوباية الشاي الصبح .. قالك نعملة مكان ف العمة ونركبة فيها .. لية يا خواجة ؟ قالك علشان يساعد فى تسخين العربية الصبح ومتاخدش وقت طويل .. فكرتة حلوة لو حالة الموتور كويسة .. وفاشلة لو حالة الموتور مش حلوة لازم يتفك وتربطة بحاجة بحيث انة ميدخلش جوة مروحة الريداتير يدمرها لقدر الله .. يتفك ويتربط بأفيز ف حتة ونقول للخواجة بلاش تشرب شاي مصري هو السبب
عندك تسريب من فـلتر الزيت .. بتاع الزيت اللى ركب لك الفلتر مضغطش علية كويس .. او مركبش فلتر نضيف علشان متخسرش زيت وفلتر .. فية حل مؤقت .. انك تتابع كل يوم / يومين مقاس الزيت .. لو لقيت الزيت نقص للنصف او للعلامة min اوعى تتحرك بالعربية .. وهات لها جركن زيت زودها .. واطلع بيها على بتاع الزيت الغبي دة
الموضوع دة حصل عندى والتسريب هتلاقية حوالين الفلتر ... بس علشان منظلمش الراجل ونكون متأكدين ياريت
لو تحاول تصور مكان التسريب ... او تشرح اكتر .. انا متأكد من كلامى بس لزيادة تأكيد ومنظلمش حد
والاحسن تخلي ميكانيكي يبص لك عليها وهى واقفة وتديلة خمسة ج ولا عشرة ج وتريح دماغك .
بس شكي 90 % فلتر الزيت ركب غلط ومش مظبوط .
ياجماعه بالنسبه لخرطوم الفايظ بيجيب عندى بخار بس من غير زيت بس ريحته وحشه وبتدخل العربيه فركبته فى العمه من مده وطبعا مبقاش فى ريحه ولا حتى سخونه بتدخل العربيه بس هل يترى فعلا بيسخن العربيه ؟؟؟؟؟
يعنى هيتعبنى فى الصيف وكده ولا ايه ؟؟؟
وبعدين ان حاسس ان تسارع العربيه اتظبط من بعده ماوصلتو اصل لما بدوس بنزين هو بيطلع هواء ولما ركب فى العمه العربيه اتظبطت
كانه تربو على صغير كده هههههههههههههه
ياجماعه التكييف ملوش حل نظبطه حتى لو فيها تكلفه ؟؟؟؟
انا عندى شغال بس ايام الصيف الجامده قوى فى الصبح مبيعملش حاجه انما بليل بيبقى حلو.......
مفيش حل نظبطه نغيرله كومبرسور / سربنتينه / مراوح اى حاجه بس يتظبط ؟؟؟؟
شوية معلومات قيمه عن الريجاتا
بالنسبه لتسريب من فلتر الزيت هو عاوز يتقرط عليه فقط
من عيوبه القاتلة انك تغيرة عند محل تغيير زيوت لان اللى حصل معايا افظع
غيرت الزيت الخاص بسيارتى وكانت رابع تغيرة سالنى فنى نغيير الزيت تغير الفلتر قلت له ماشى غيرة
ركب لى فلتر واسع شويه معرفش ربطه ازاى نظرا لان تغيرة فى مكان من الصعب متابعته وكانت النتيجة طبعا ان الفلتر فك ووقع على مصفحه السيارة ولولا فضل الله على انى كنت بدور امام مكان عملى كانت هتبقى كارثه افقدنى جركن زيت وغرمنى جركن زيت وفلتر جديد0
شكرا اخى العزيز nicegypt لمعلومتك بخصوص الشفاط رغم انى لم استخدمه وذلك لثقل استخدامه لكن بعد توضيحك عرفت السبب شكرا لك لثانى مرة
مشكلتى الان صوت الموتور عندى عالى بالاضافه ان سحب السيارة قل شوية برغم ان استهلاك الوقود عندى ممتاز
انا بشك فى الاتى
1- هل ممكن يكون الشكمان مكتوم
كتمت الشكمان بأيدى ثوانى لعلى اجد تنفيس لم اجد
2- تسارع السيارة حاسس ان اصبح قليل لانى عندما اخرج من الثاتى الى الثالث او من الثالث الى الرابع مبحس ان بتستجيب بسرعه
هل ممكن يكون سببه ان طقم الكهرباء بوجيهات وخلافه هما السبب علما بأن اخر مرة ركبتهم من 7 شهور
3- فلتر الهواء ممكن يسبب علو صوت الموتور
فلتر الهواء مغيرة منذ 3 شهور
ام ان هناك سبب اخر يسبب علو صوت الموتور
اقولك انا
ده الاسبرتير الاصلي بتاع العربيه حتقولي ازياي بص ياسيدي
الاسبرتير الي شغال عندك ده مش بتعها ده متركب لها ده يا اما بتاع شاهين او دوجن او ريجاتا ١٣٠٠ اوربي
نظام الاشعال في الريجاتا الاصلي يتكون من
١- حساس الكرانك
٢- المشط الاكتروني وده بيكون بجوار البطاريه
٣- الاسبرتير الاكتروني الاصلي و ده الي حضريتك بتسآل عليه
٤- سلك البوجهات
٥- البوجيهات
النظام ده احسن حاجة للريجاتا وسحبه عالي وادئه ممتاز- وبعيد عن الميه الي بتقي الشارع بعد المطر
يعني ممكن ترمح في الميه من غير العربيه ماتطفي
وقليل لما تلاقيه في عربيه بيكون صاحبها محافظ عليها من فتي الصنايعيه
عيوبه
١- غالي الثمن ومش موجود غير استراد
٢- لما بيبوظ الميكانيكي مبيعزفش يصلحوا لازم تشتري واحد وطبعا استيراد
٣- بيعطل فجاه
وعشان كده هما معدلين عربيتك للاسبراتير الي تحت زي ١٢٨
مأخدتش بالى يا استاذ عماد معلش عندى انا دي .. استاذ " ريجاتا " قام بالواجب .وزيادة وشرح زي الفل ... تــسلم يا ريجاتا باشا ايوة كدة هو دة الشغل ... بس فية اسئلة لسة فوق هربت منها ههههه .. يالله نشد كدة ونظبط القسم بتاعنا .. علشان نعمل انقلاب انا وانت وناخد المنتدى من استاذ كريم :cool (1): ساعتها انا معرفكش
هقول لحضرتك باردو اسباب علو صوت المكنة وياريت لو حد يصحح لى باردو :
1 - كربراتير + فلاتر " تنضيف وتغيير "
2 - اسبراتير " بيكون محتاج ضبط خفيف كهربا او غير الظبطة بتاعتة مع الوقت الطويل خصوصا لو فية بوش "
3 - طقم دبرياج " بيكون واضح اثناء الحمل والمطالع وخلافة "
دة اللى ف بالى حاليا .. ونصيحة طالما ناوي يبقى تنظف الكربراتير بس .. حتى لو كويس مش هتخسر حاجة لو نظفتة ومن غير متفكة من العربية
الافضل حضرتك تبيع التكييف اللى عندك كلة بسلاطتة بحاجتة .. وتشتري تكييف جديد يابانى ماركة ساندان
هتحس بفرق كبير .. بس لازم يكون العوازل عندك تمام وحالتها كويسة .. كل العوازل والا مش هتحس بية .. بالنسبة لكفاءتة بعد التركيب
فالله اعلم لم اجربة علشان مبقاش بــفتى .. لذا انتظر باقى الاعضاء يقولو لك رأيهم فية بعد التركيب لانى معرفش كفاءتة بعد التركيب
الله يكرمك وحمدلله على سلامة رجوعك .. معلش الموبايل مغلق لفترة لحد بس مخلص ضغط الشغل اللى عندى هكلمك انا بأذن الله وبجد بشكرك على افادتك للاعضاء ياريت كدة تفيدنا دايما ونستفيد من خبرتك .. وربنا يوضعها
فى ميزان حساناتك . اللهم امين واياك . عايز اســأل ف الاسبراتير الالكترونى .. لما بيتغرق مية بيستحمل ؟ لو جربت قولي .. يعنى لما يغرق مية سواء مية غسيل او مية مطرة بيستحمل والعربية بدور وتمشى ؟؟ ولا بتوقف وبتطلع لسانها ؟؟ على فكرة عربيات كتير وقفت ف مدينة نصر بسبب المطرة اللى ارتفاعها وصل لحد الرصيف ! .. و كانت مغطية الشكمان وواصلة لربع الابواب ! .. .. الشكمان كان شغال تحت المية وعامل بقاليل .. عربيات كتير وقفت وللاسف اغلبها سيارات جـديدة زيرو مستحملوش ! .. وعربيتين فقط اللى عدو من القصة دى .. والباقى بقى شمر ونزل يزق .. عشان كدة قلت اسألك .. والاسكودا ف اسكندرية طلعت لسانها للاسف باردو من شدة المطرة الاسبراتير بيفصل واغلب اللى عطل كلة سكودا ! على حسب كلام صاحبها هنا فى المنتدى .. لذلك بسأل حضرتك هل جربت الاسبراتير الالكترونى من ناحية :
1 - عمرة الافتراضى ؟ قعد معاك قد اية
2 - هل بيستحمل شدة مياة زى الظروف اللى قلت عليها ؟ ولا هتركن وتشمر وتزق ؟
شوفو الفيديو !
http://www.youtube.com/watch?v=r5Ye3...layer_embedded
شكرا لمعلوماتك القيمه اخى العزيز حسين
انا متفق معاك تماما فى بيع التكيف بمشتملاته لانه مع الاسف مش فعال مع سيارتنا
وعايز اعمل دراسه جدوى فى شراء تكيف يابانى بمعنى ادق اخر سعر لبيع التكيف عندى يجيب كام وسعر الجديد بمشتملاته كام
اتمنى من الاخ العزيز mig44n لو يشاركنى فى عمليه البحث وممكن ناخذ خصم تجارى وفنى فى حاله تغيير تكييفين
وقبل مانسى اخى العزيز حسين ماهو افضل سائل تنظيف للكربراتير لانى محتاج انظفه قبل ماغير زيت
ياريت تبقى تقولنا على تجربتك مع التكييف بكافة تفاصيلها بعد متخلص بأذن الله .. ووفقك الله فى ذلك ..
السائل فى شنطة العربية هخرج اقرا اسمة وهقول لحضرتك .. بس عموما السوائل تقريبا واحدة .. العلبة لونها اصفر
انا نسيت ان حضرتك بتستخدم بنزين 80 علشان كدة لازم تنظف الكربراتير .. لازم لازم .. انواع البنزين التانية حراقة
على فكرة .. بمعنى انها منظف تلقائى لانها حامية شديدة شوية .. اما الـ 80 مية للاسف .. كنت بسحب مرة بنزين من العربية
وجلدي لمس البنزين 80 معملش حاجة .. انما انواع البنزين الاخري ناااااااار .. مستحملتوش .. وعلى فكرة خلى بالك من
اي سائل تنظيف كربراتير .. بيكون شديد وحامى على الجلد بيحرق الجلد .. عامل زى ميكون مية نار .. بس هو مش
مية نار طبعا ومش شديد للدرجة مية النار .. بس حامى .. لذا توخى الحذر فى استخدامة لتنظيف الكربراتير ... ولازم
تغيير بوجيهات بعدها ... الزيت مش مهم لان الفلتر هيشيل باردو .. بس للافضل اداء .. تغيير بوجيهات وزيت
وخلى بالك العربية هتتأخر ف الدوارة اثناء عملية التنظيف .. ولازم تكون العربية بعيدة عن الناس لان هيطلع دخان ابيض
كثيف هيبدهل الشارع والناس .. كثافة الدخان هتكون عاملة زى عربية الناموس كدة .. لذا يفضل يكون فى مكان مفتوح
وتأخير الدوارة هيكون اثناء عملية التنظيف فقط لا غير .هل لما حضرتك بدور الصبح السيارة بتلاقى تـعريق مياة من الشكمان ؟ .
بالنسبه للدوارة الصبح انا بدور عادى
ولما ببض فى الشكمان مبيطلعش دخان اطلاقا لا اسود ولا ابيض لكن تعريق الشكمان بميه مشفتوش
نسيت اقول لحضرتك انى مشى بالسيارة قليل جدا نظرا لانى بستخدم اغلب ايامى فى استخدام سيارة الشركة لانى بعد عناء يوم عمل من الساعه 6 صباحا الى 6 مساءا بفضل سيارة الشركة عن سيارتى نظرا لظروف زحمه الطريق من كرفور الصحراوى مرور ب المحور ثم الدائرى ثم مكان اقامتى فى امبابه ممكن استخدمها فى الذهاب الى عملى يوم واحد فى الاسبوع
لكنى لا يمر يوم الا واستخدمها حوالى 10 كيلو فى اليوم فى المتوسط لكن لما بكون مضطر الى السفر الى بلدتى سوهاج بستخدمها
هل ممكن يكون عدم استخدامى لها هى سبب عدم السحب رغم انى فى يوم من الايام فتحت العمة وبجهاز بلور نفحت فى الكربراتير وحسيت بفرق طفيف
لكن سؤالى هل تنظيف الكربراتير والسيارة دايرة ام واقفه
اما بالنسبه لعمليه سحب السيارة كده كده هوديها للميكانيكى يشوفها واكيد هيغير طقم كهرباء
واحب اعرف سبب الدخان الابيض الكثيف اللى هيطلع من الشكمان
اتمنى تكتب لى اسم منظف الكربراتير واين يباع
اما بخصوص عمليه احلال وتجديد التكيف ده يتوقف على تشجيع زميلنا الاخ mig44n لى لان اخر مرة صديق لى ودانى لفنى تكييف طلع لى القطط الفاطسه فى تكييف الريجاتا واخبرنى انى حتى لو صلحت التكييف عندى هيكون غير عملى والافضل شراء تكييف يابانى
لكن تتوقف المشكله عندى فى عمليه بيع التكييف الحالى وانا خبرتى صفر ومش عارف لو هبيعه هيجيب كام علشان اعمل ميزانية وبالاضافه لانى داخل على نقل ملكية وفحص فى مايو القادم
لكنى اوعدك لو فى جديد بخصوص التكييف هكتب لك كل شىء بتفصيلة المملة
اولا . عدم السير بالسيارة فترات طويلة بيأثر .. لكن مش لدرجة قلة ف السحب .
ثانيا . بالنسبة لطريقة تنظيف الكربراتير .. حضرتك بتفك العمة والفلتر .. الفلتر اما بيتغير او يتنضف بالبلور
بعد كدة حضرتك بتفك البكات وتنضفهم بالسائل وتتأكد ان مفيش حاجة سدة ثغرات البكات
بعدها بتحط شوية سائل مكان البكات وترجعها مكانها ... ووضع سائل داخل باب الكربراتير والباب الاخر
بعد كدة حضرتك بدور العربية .. طبعا هتغيب ف الدوارة عادى ... بعد ما تدور هيكون فية دخان ابيض ناتج
من حريق السائل مع البنزين دة طبيعي .. حضرتك هترش سائل وهى دايرة تانى على الكربراتير ف الباب
الاول والتانى .. لو بطلت العربية عادى .. مبطلتش خلاص .. دة على حسب كمية اللى حضرتك بيضفها
واخر حاجة انك تاخد السيارة تطلع بيها شوية علشان تحرق اي بقايا من السائل .. فية طريقة اخري ولكنى لا انصح
بها لانى عملتها باردو .. الطريقة الاخري واللى مكتوبة على بعض زجاجات التنظيف .. ان حضرتك بتحط السائل
جـوة التـنك .. والسائل بيمشى مع دورة البنزين وينظفها كلها .. طيب لية احنا مش بنستخدم الطريقة دى ؟
وبنكتفي بتنظيف الكربراتير بشكل مباشر ؟ لان التـنكات بتاعتنا للاسف قديمة .. وبالتالى هتلاقي فيها رواسب متراكمة
وصدأ .. دة كلة متراكم منذ اعوام واعوام .. وعلشان نبعد عن القصة دى ومنبهدلش دورة البنزين بدل منضفها .. بنقوم
بتنظيف الكربراتير من الخارج .. دة نـاتج تجــــربتى .. لانى جربت التنظيف كما مكتوب على السائل .. واللى حصل
ان كل الرواسب والحاجات دى كلها بقت ف دورة البنزين لان السيارة قديمة ومحدش نضف ابدا دورة البنزين ! ولاحد
بيفكر ف النقطة دى .. ويبقى بدل منكحلها عميناها ! وفكيت التنك ودورة البنزين ولقيت كمية رواسب رهيبة . لذا يفضل
تنظيف الكربراتير من الخارج بشكل مباشر . ان شاء الله ممكن ف المقابلة اقوم لك بالمهمة دى قدام حضرتك
وهتلاقى فرق فظيع بأذن الله .. ممكن ننضف الكربراتير .. بعدها نغير زيت ونركب بوجيهات دة كلة واحنا واقفين
مش هياخد نص ساعة الموضوع دة وهتلاحظ فرق ف السيارة .. وبدون ذهاب لفتى ميكانيكى .. هنحتاج بس
نروح لبتاع الزيت يغير زيت بعد منخلص . والبوجيهات وخلافة هنركبة احنا .. معايا ادواتى :) حضرتك تأمر بس
متشكر ياباشا على مجهوداتك
على فكرة والله انا نفسى لو فى مدرسه تعليم ميكانيكا عملى انا هكون اول واحد فيها
وانا بقدر عرضك الاكثر من رائع بأن تكون معى وانا بنظف الكرابراتير وتركيب البوجيهات وفى نفس الوقت مقدرش اخذك من عملك
لكن كما قلت حضرتك انشاء الله فى المقابلة هأخذ منك معلومات عمليه قيمة
على فكرة انا سجلت رقمك عندى وانشاء الله لو قدر لى وهكون قريب من الجامعه هتصل بيك لتعرف عليك عن قرب
مع ارق تحياتى
عمرو
الاخ الغزيز nice egypt اشكرك علي زوقق الراقي واخلاقق العليا
بالنسبه للسبراتير الاكتروني الاصلي بتاع الريجاتا هو زيه زي اي اسبراتير بيتائثر بالماء.
بس ميزتة ان مكانة مرتفع في اعلي حتة في الموتور بجوار وش التاكيهات من ناحيه اليامين
والي بيشغلة عمود الكامة بواسط كوبلن صغير جدا يربط بينهما.
فا مش ممكن المياة توصله وخصوصا لوكنت مركب المصفحة الالومنيوم
حتي لوكنت بترمح في الماء.
متشكر علي الفديو
وعايزين نتقابل بقا احنا التلاته حضريتك والاستاز عمرو
وايدي علي كتفك وناخد رأسة المتدي
ياسيدى تعالى وهتجدنى وانا والاستاذ حسين فى انتظارك
تعبنا من كثرة المكوث خلف الشاشات للتراسل مع بعض
فى انتظارك
الاخ الغزيز عمرو
تحية طيبة / تكيف الريجاتا
تكيف الريجاتا من اقوي الميكفات
لانة ببساطة تكيف gm ايوا جي ام امريكي كل مكوناتة جي ام امريكي شوف اي تكييف امريكي في عربية جي ام في ال80 نات
حتلاقيه زي بتاع الريجاتا الفلتر وحساس الضغط المنخفض وحساس الضغط المرتفع حتي البلاور امريكي مركة اوهايو ودي شركة كبيرة جدا في امريكا ومتقدمة جدا اما الكباس فهو ساندان ياباني
اهم حاجة يكون ضغط الكباس كويس
ونوع الفريون وياريت يكون امريكي مش صيني ولو مش امريكي المصري احسن في نوع اسمه اخوان رزق دة كويس
ويكون ضغط الفريون المنخض من 27 الي 35
و تكون الديره مافيهاش هواء خالص
ويكون نوع الزيت مناسب لنوع الفريون
ومروحة المكاثف تكون شديدة
بعد كدة شغل ياسيدي واستمتع ب احلي تكييف في الدنيا
صدقوني الطالينا ابدعوا فعلا في العربية دي كانو بيدحدوا العالم في الفترة دي
وشكرا
اخوكو ريجاتا
باي باي ريجاتا
بعت العربية انهردة يا جماعة
والله حاسس اني طلقت مراتي
بس الظروف بأه هنعمل ايه
كان ما بيني وبينها عشرة العربية دي والله . ياما روحت وجيت بيها وياما شالتني وشالت عيلتنا كلها
وطبعا يا ما لففتني عالصنايعية ويا ما ادتني مقالب وبيتتني في الشارع مرة والله
بس ده كان أول ما اشتريتها
والله العربية من ساعة ما عملتلها العمرة من 4 شهور كدا وانا ما اشتكتش منها خالص
ماكنتش بروح عند الميكانيكي الا علشان يضبط الهوا بتاع الكربراتير او الكهربا و الكلام الفاضي ده .
يللا ربنا يبارك للي اشتراها ويباركلي في الفلوس
ادعولي بأه علشان انا عايز اتجوز
اه على فكرة عندي قطع غيار للعربية مش عايزها انا كنت اشتريت ماتور استيراد كامل وركنت الماتور القديم بكل حاجته
الحاجات اللي عندي هي :
مارش سليم ما فيهوش حاجة
دينامو خشن شوية ممكن يكون عايز بلي بس هوا كان جاي مع الماتور الجديد ولما لقيته خشن ركبت الدينامو القديم
كربراتير وده محجوز لأستاذنا وكبيرنا كبير الريجاتاوية أ.حسين( nicegypt )
اسبراتير الكتروني
ترمبة بنزين
دواسة فرامل
موبينا
وفتيس بس الفتيس على ما افتكر كان في زعقة عالغيار الخامس وكانت ساعات بتيجي وساعات لأ’ة
ووش السلندر والماتور نفسه
مصفحة سفلية بتتركب تحت الماتور بتحمي من الصدمات
اللي عايز اي حاجة من الحاجات دي يكلمني هديهالو ولو ببلاش هي مالهاش لازمة عندي دلوقتي
بس برضو انا بعت الريجاتا لكن هافضل اتردد على رابطة الريجاتا علشان افضل على تواصل مع الناس المحترمين اللي في الرابطة .
المهم ادعولي عايز اتجوووووووووووووووووووووو ز
شكلك كده بتودع الرابطة
وباين انه الوداع الاخير وناوى تدخل عيله تانية غير عيلتنا
عموما لو رجعت فى يوم من الايام هتجدنا فى انتظارك نرحب بيك
الاخ الغزيز عمرو
تحية طيبة / تكيف الريجاتا
تكيف الريجاتا من اقوي الميكفات
لانة ببساطة تكيف gm ايوا جي ام امريكي كل مكوناتة جي ام امريكي شوف اي تكييف امريكي في عربية جي ام في ال80 نات
حتلاقيه زي بتاع الريجاتا الفلتر وحساس الضغط المنخفض وحساس الضغط المرتفع حتي البلاور امريكي مركة اوهايو ودي شركة كبيرة جدا في امريكا ومتقدمة جدا اما الكباس فهو ساندان ياباني
اهم حاجة يكون ضغط الكباس كويس
ونوع الفريون وياريت يكون امريكي مش صيني ولو مش امريكي المصري احسن في نوع اسمه اخوان رزق دة كويس
ويكون ضغط الفريون المنخض من 27 الي 35
و تكون الديره مافيهاش هواء خالص
ويكون نوع الزيت مناسب لنوع الفريون
ومروحة المكاثف تكون شديدة
بعد كدة شغل ياسيدي واستمتع ب احلي تكييف في الدنيا
صدقوني الطالينا ابدعوا فعلا في العربية دي كانو بيدحدوا العالم في الفترة دي
وشكرا
اخوكو ريجاتا
مش عارف اقولك ايه لان خبرتى ضعيفة فى مجال التكييف
لكن ربنا يسهل