:018A1D~146:ارجوا منك ارسال السعر الخاص بالفتيس علي hoda3010@gmail.com ولك مني خالص التقدير والاحترام
عرض للطباعة
:018A1D~146:ارجوا منك ارسال السعر الخاص بالفتيس علي hoda3010@gmail.com ولك مني خالص التقدير والاحترام
:018A1D~146:ارجوا منك ارسال السعر الخاص بالفتيس علي hoda3010@gmail.com وطريقة المقابلة وأين ورقم التليفون للتواصل ولك مني خالص التقدير والاحترام
طرق تركيب الكتاوت سهلة جدا وليستفيد الكل انا بحث بالنت لرغبه مني في فصل المروحه عن البطارية وتكون شغاله مع تشغيل السيارة والمفتاح وليس مباشر مع البطارية ومع اكثر من رسم لتوصيل الكتاوت علي البطارية والحساس لتوفير الطاقة والعمل بدون انصهار للسلوك وايضا حماية من رجوع الكهرباء وعمل قفلة لاقدر الله
ارجو ان يستفيد الكل بها بعض الرسومات من مواقع اجنبيه :
http://im55.gulfup.com/6aRI6J.jpg
http://im55.gulfup.com/YftBXd.jpg
http://im55.gulfup.com/106MHA.jpg
http://im82.gulfup.com/6noYps.gif
http://im82.gulfup.com/DFuexT.jpg
السلام عليكم ورحمة الله وبركاته
اتمنا انى الاقى حد يقدر يفدنى فى المشكلة الى عندى
انا عندى سيارة ريجاتا مشتريها من حوالى 5 شهور
والمشكله انها مبدرشى اصبح او فى الوقت الى يكون الجو سقعه
ورحت للميكانيكى قلى ان العيب فى الكربراتير ورحت لكذا واحد بتاع تصليح كربراتيرات
يقولى مبعرفش اشتغل فى الكربراتير ده وكلهم كانو بيوصفولى مركز الصفا الى فى جسر السويس
ورحت لمركز الصفا ونفس الكلام سمعته من المهندسين الى هناك وقلولى ان الكربراتير ده منوع هاف اانجكشن
واحنا مبنشتغلش فيه وانا بصراحه المحرك ممتاز ومفيش حاجه مديقانى غير المشكله دى يرب حد يفدنى فى حلهاhttps://www.facebook.com/photo.php?f...type=3&theater
السلام عليكم يا ريجاتاويه يا كرام ..
محتاج استشارتكم ونصيحتكم فى الأتى :
-العربية (ريجاتا مو 85) بتسخن جدا فى الطوالى (غريبه) .. أما فى السير البطئ فبيبقى عادى جدا وده يمكن لأن ثيرموستات الحراره اللى متركبه 68/80 .. فالمروحه بتدور بدرى .. لكن المشكله انى فى الطرق السريع وعلى السرعات فوق ال90 مثلا الحراره بتعلى و ممكن تعدى الــ90 لدرجة انها جابت جوان وش سلندر و الحمد لله عملته مع حاجات تانيه .. المهم روحت لبتاع الرادياتير فقالى ان الرادياتير اللى متركب ده بتاع الشاهين بس ممتاز ..وجديد لسه وعملى دورة غسيل و بس .. لكن المشكله ماتغيرتش وفضلت زى ماهى .. واحد صاحبى وصفلى واحد بيقولوا ممتاز فى عرب المعادى اسمه جحا .. روحت لجحا و بص و فحص وقالى طبعا العربيه لأزم تولع كمان مش بس تسخن !!! ليه يا عم؟ قالى: الرادياتير ده متركب غلط اصلا .. المشكله -حسب كلامه- ان الكاوتشه اللى داخله على الرادياتير من فوق و اللى بتدخل الميه السخنه اللى راجعه من الماتور على اليمين .. طب وايه المشكله ؟ المشكله ان الكاوتشه (وطبعا كمان فاتحة الرادياتير) اللى بتخرج الميه تانى للموتور بارده فى نفس الناحيه بس من تحت و بكده الرادياتير بياخد ميه سخنه و بيخرجها هى هى و الجزء الشمال للرادياتير كما لو كان مالوش لازمه لأنه مش مشترك فى التقليب و التبريد (مش عارف انتوا كده متخيلين ولا لأه) .. طب ايه الحل ؟ قالى تعالى لى يوم الجمعه اللى جايه هيكون عندى رادياتير الومنيوم بتاع الريجاتا الأصلى اللى قربته منه فيه و هاركبه لك و تجرب و لو ريح العربيه نجيب واحد جديد زيه. قولتله طب ما نعدل الموجود ده لأنه نحاس و 3 ماسوره فممكن يبقى احسن ؟ قاللى همممم .. اصل احنا هنضطر نجيب كاوتشه طويله جديده و التعديل (اننا ننقل فتحة الميه السخنه اللى داخله ناحية على اليمين الى الناحيه الشمال فتبقى الدوره اوسع) .. و كده مش متأكدين انه برضه هيبقى كويس.
ايه رأيكم فى الكلام ده؟
هل اشترى رادياتير جديد الومنيوم (واحنا داخلين على مدراس :crying2: ) ولا اعدل و ده هيحل المشكله ؟
طب لو عدلنا و المشكله ماتحلتش هل لما ابيع النحاس و اشترى الألمونيوم بكام يتباع النحاس الــ3 ماسوره ؟ مع العلم انه ما كملش 5 أو 6 شهور و صاحب العربيه اللى اشتريته منه كان جايبه لسه زيرو (مصرى مش مستورد) ؟
ألف شكر مقدما على مساعدتكم و ردودكم
انا معايا رجاتا ٨٦ لسه جيبها والعربيه ماشاء الله نضيفه وسليمه بس فيها شويه حاجات عاوز اعملها يع يعنى فى عداد على الشمال بتاع استهلاك البنزين مش شغال وعاوز اعرف هوا بيتوصل ازى وعداد rbm كان شغال وفصل
حد يا جماعة عنده سيرفو العربية الأصلي إستعمال بحالة كويسة أو محتاج تصليح
معلومه قريتها فى مكان ما و حابب انقلها للأفاده ... هى خاصه باختيارنا للزيت المناسب للعربيه الريجاتا .. الموضوع كان طويل .. بس انا هانقل خلاصة الخلاصة ...
- ميزة الزيت الـ15w-50 عن 15w-30 مثلا ... إن الزيت الأثقل (الـ50) حيديك حماية أكبر لأجزاء الموتور وبالتالي الموتور عمره حيبقى أطول... إنما الزيت الأخف (الـ30) حيديك توفير أعلى في البنزين
- الزيت الـ10w-40 على وجه الخصوص يفضل عدم استخدامه لإن نسبة البوليمرز اللي فيه عالية قوي، والبوليمرز ماهياش مواد تزييت.
ان شاء الله تكون مفيده لينا كلنا ... وادعوا الجميع للمشاركه فى أعادة احياء الرابطه ولو بمعلومه أو تجربه عيشتها مع العربيه.