اسوأ حاجة قابلتها ف العربية طول عمري هو الكرباتير بتاعها
عرض للطباعة
اسوأ حاجة قابلتها ف العربية طول عمري هو الكرباتير بتاعها
السلام عليكم
ياريت اعرف اسعار المساعدين
السلام عليكم ورحمة الله وبركاته
احب افيدك يا اخ ابو حبيبه بمكان العفشجى رقم واحد فى امبابه وهو الوحيد اللى بتعامل معاه
اسمه احمد على فى شارع سكه حديد الصوامع ورا شارع القوميه كأنك راجع على شارع الوحده
روح هناك واسال عليه وبجد هاتنبسط جدا من دماغه وصنايعي درجه اولى مالوش مثيل
وقوله انك عرفته عن طريق الموقع
واحمد صاحب الريجاتا البيضاء وياسر صاحب الريجاتا البيضاء ونور صاحب الريجاتا البيضاء
بتوع شبرا....هههههههه معلش كلها معانا بيضاء....هى جت كده
بس للاسف تليفونه ضاع منى وممكن احاول اتصرف واجيبهولك
اسف للاطاله
وانا فى الخدمه دايما لاى واحد عنده استفسار فى المنتدى الجميل ده وخصوصا صفحه محبى ومالكى الريجاتا
واهو نفيد ونستفيد من تجاربنا...وانا جربت كتير والحمد لله وعدى عليا مشاكل يااااامااااا
وربنا يحفظكم وسياراتكم جميعا من كل شر وسوء
ازيك يا استاذ عمرو ..
يا استاذنا وانت مغمض عينك كدة اسبراتير على طول ..
انت عملت كل حاجة صح الا الخطوة بتاعة الاسبراتير .. بتفك سلك اي بوجية وبتلمسة من جسم السيارة وتكون فاتح كونتاك .. ولازم تكون فية فوطة ف ايدة وتكون ماسك ببنسة كلابة عازلة عشان متتكهربش لا قدر الله لو السلك مش معزول كويس او فية شقوق .. يأما تطلع السلك من الجراب بتاعة عشان تشوف كويس يأما خوفا انة ينقطع تركب اي بوجية عندك احتياطي ف سلك البوجية كأنة راكب ف الموتور وتقربة من الموتور وتشوف فية شرز ولا لاء
اليكم اخر المستجدات ... قمت بعمل تجديد للعفشة بالكامل بعد رجوعي من الغردقة " سافرت بيها طبعا "
2 مقص امامي جديد ايطالي ماركة " اوريجنال " 160 ج
" اول مرة اتعامل مع البراند دة " اللى قبلة كان تركي ركبتة شهر يناير وغيرتة ف مايو بسبب جلبة باظت ف المقص اليمين
وكانوا ناشفين زيادة عن اللزوم
علبة دركسيون = 315 ج بالمساعد .. بعد 3 سنين باظت علبة الدركسيون التركي واللى كنت فاكر ان اخرها سنة وهتبوظ
45 ج طقم كاوتش ميزان ايطالى
2 شداد استيراد بالكاوتش بتاعهم والقاعدة " كامليين " = 150 ج بعد خناق وفصال وغاليين طبعا
2 بارات دركسيون = 85 ج
2 مقص خلفي جدد = 190 ج
تغيير السوستة الخلفية الورق = 50 ج
يايات امامية .. دخلت قديم مع جديد ودفعت 100 ج .. الواحدة خمسين ج
مش فاكر اية تاني .. حد يفكرني :)
مصنعيات مفيش لانى ركبت كل الليلة دي بأيدي الا السوستة الخلفية محبتش اهزر معاها لان هزارها رخم
صرفت مشاوير للخراط حوالى 100 ج تقريبا نثريات تنضيف وقلووظ وخلافة
اجمالى 1000 ج بالزوايا وحاجات ركبتها ونسيها
اة 2 سوستة خلفية ب 30 ج وطبعا حرامي بس مكنتش لاقيهم .. السوستة اللى بتركب جوة الطبل الخلفية اللى بتكون شدة التيل جوة الصرة .. لان كان عندي عجلة بتقفش فرامل قبل التانية غيرت الاتنين مع بعض عشان اظبط اداء الاتنين
لاي استفسار انا تحت امركم ...
- هعمل موضوع منفصل عند تعديل وتركيب اكصدام الشاهين الامامي للريجاتا ..
sas_9110
شكرا جدا لحضرتك وياريت لو قدرت تجيبلى رقمه ولحسن الحظ
انا لسة شارى علبة دريكسيون و مقصات امامى ولاقيت الصنايعى بيصيف وانا كنت مجبر عليه ومش برتحله من زمان
المشكلة الاساسبة عندى ان العجل الخلفى مفتوح شوية وساعتها قالى هيعمل زرجينة للسوست ! وفتح شغل وقالى العلبة محتاجة حشو و المقصات عاوزة تتغير وانا بفضل الجديد فشتريت علبة جديدة و كدة واقف على التغيير وحل المشكلة الاساسية (العجل الخلفى مفتوح)
تانى تعليق انا سعيد جدا بوجود مشاركة للاستاذ nicegypt فى 2015 بجد حسيت بالتفاؤل والامل ان فيه حد ممكن يتابع استفسارات اصجاب الريجاتا الجدد :D
http://www.nilemotors.net/Nile/468055-a.html
تركيب اكصدام شاهين علي ريجاتا ف عشر دقايق
استاذ ابو حبيبة غير السوستة بالكامل بخمسين ج او هات سوستة استيراد عندي واحدة مركونة بس هتبقي اطري من المصري ومش هتتكسر زي المصري الاستيراد احسن واقيم فبلاش قنطرة