احلى حاجة انى لقيت رابطة للريجاتا متابع جديد ان شاء الله
عرض للطباعة
احلى حاجة انى لقيت رابطة للريجاتا متابع جديد ان شاء الله
طيب يا جماعة كل واحد يقول عربيته موديل كام و المشاكل اللى بتواجهه فيهاالمميزات و العيوب اللى شايفها فى عربيته
انا كنت عاوز اشترى عربية لادا نيفا و لكن ربنا هدانى بعد الاستخارة الى ريجاتا لسة جايبها من شهر هى مو85 معقولة هى فتحه بقها بس خفيف خفيف انا كنت عاوز اسأل اهل الخبرة انا بعد ما غيرت الكاوتشات لاحظت انها اكبر من الكاوتش القدبم كان نصر و الجديد تيوبلس حلو بس فى مشكلة كبيرة جدا واجهتنى ان الكاوتش بيخبط فى صاج الرفرف الخلفى و عمال يهرى فى الكاوتش كل ما اركب ثقل معايا و اشم ريحة الكاوتش روحت لمكان ضبط زوايا ممتاز ظبطلى العافشة من تحت كلها و علالى العجل من ورا و مرضيش يعليهولى كتير قاللى هتعوم منك بس المشكلة موجودة هو فى المنيل اسمه المهندس هشام اسماعيل فوق الممتاز بجد فناس تقولى طلع الرفرف لبره و ناس تقولى اروح المنيل تانى و اخلى المهندس يدخللى الكاوتش لجوة انا مش عارف هوه ده صح ولا غلط و اعمل ايه قبل ما اروح المنيل
و شكرا جدا لاصحاب الريجاتا
( استرجل و اركب ريجاتا هههههههههههههاااااااااا )
انا الحمد لله معايا موديل 88 مش بقابل الصراحة الا مشكلتين الفرامل و السخونية ساعات و ساعات
بس الصراحة الحمد لله سحب كويس مكنة حلوة استهلاك بنزين كويس العفشة بتاعت الريجاتا حلوة و عالية
بس مستنى رد الباقى بالموديلات و المشاكل
ريجاتا 85 1600 سى سى الحمد لله العربية مريحانى من جميع الاتجاهات فيما عدا التكييف لما كنت بشغله كانت بتسخن وتاكل بنزين غير ان كفاءتة قلت عن الاول كتير
ريجاتا 85 1600 سى سى زجاج كهرباء أمامى فقط العربية جميلة و عاليةو صالونها واسع و السحب بتاعها جيد جدا و السخونية عادى الحمد لله
المشكلات :
1-العربية مجهزة تكييف فا فى فتحات تكييف فى العربية واصلة للموتور بتدخل سخونية الموتور على الصالون
2-عداد rpm بيشتغل بمزاجه يعنى أما أحرق بيتحرك بشكل عشوائى
3-غيرت الردياتير بتاع العربية علشان كان جاب أخره ,المشكلة دلوقتى ان لمبة الردياتير فى كمبيوتر الأعطال منورة على طول
أنا دلوقتى عاوز أعرف السلك اللى متوصل من الردياتير للكمبيوتر شكله عامل ازاى و بيتجط فين فى الردياتير
4-عوامة البنزين غيرتها و لسه بايضة برضه !!!!
معى ريجاتا موديل 90 السيارة كويسه جدا سافرت بيها سوهاج سحبها كويس جدا استهلاك الوقود معقول جدا
بالنسبه للثبات على الطريق جبت بيها حوالى 125 كيلو لكن بعد ذلك كنت بخاف فعلا لانى كنت بحس انى بعوم
الصالون بتاعها واسع وكذلك شنطه السيارة كبيرة
السيارة معايا من حوالى 10 شهور
بالنسبه للاعطالى التى قابلتى حتى سخونه الريداتير المفاجئة التى بتضعنى فى موقف محرج
التكيف بيطلع هواء غير بارد على الاطلاق محتاج شحن فريون ومعرفش نوع الشحن الخاص لسيارتى
ملحوظه طالما كل منا بيكلم عن سيارتة والاعطال التى حدثت له اتمنى ان يضع طريقة حله لتلك الاعطال حتى يستفيد منها باقى الاعضاء
لو فعلا كل منا عمل كده هنخرج بكمية اعطال وطرق علاجها هتفيدنا اكيد فى المستقبل
وسوف ابدأ بنفسى
العطل الذى حدث معى الا وهو سخونه الريداتير بطريقة مفاجأه
فكان امامى اسباب كتيرة لسخونه الرداتير ممكن تكون المروحه بايظة وممكن يكون الترمستات بايظ طيب الحل ايه لنعرف ايهما سببب المشكله
احد اعضاء المنتدى قالى اعمل قفلة فى السلك اللى مودى الى الترمستات لو المروحه اشتغلت مباشر يبقى ده عيب ترمستات لو المروحه مشتغلتش يبقى عيب مروحه
فعلت ذلك طلع الترمستات هو اللى كان بايظ لان المروحه اشتغلت
لان السخونه كانت مازالت موجوده رغم المروحه شغاله طلع ان كمان فى انسداد فى وصلات القربه الى الريداتير وعرفتها عن طريق وضع المياه فى القربه كانت تمتلىء وانا افتكرها خلاص على كده زودت المياه لكن لما وضعت فمى فى فوهه القربه ونفخت بقوة المياه اندفعت بقوة داخل الرداتير وومليت كذا مرة القربه
اتمنى ان اكون افدت زملائى الريجاتوية
عـــــــــــــــايـــــــ ـــــــز اشترى ريجــــــــــــــــــــــ ـاتــــــــــــــــا
يا باشا سير الكتينة بيتغير كل فترة علشان بيتاكل من المشى و السفر فتبقى ماشى مطمن يعنى
اما الابلاتين و الكوندنسر و البوجيهات دول طقم كهربا لما بتلاقى السحب اتخنق و العربية بتنتش بتغيرهم بتجيب ابلاتين و كوندنسر فرنساوى و هتلاقى ورقتهم زرقا كده و بوجيهات حلوة بوش او اى ماركة بترتحلها
بس و الفلاتر دى بتتغير هوا او بنزين كل فترة مش طويلة علشان الشوائب و كده
و اى استفسار احنا تحت امرك
حاجة تانى للسخونية
لو عملت كل حاجة زى ما بيقولوا و العربية لسة بتسخن حتى لو غيرت الرديراتير فى وصلة كده صغيرة هتلاقيها عاملة كده y
دى هتلاقيها مسدودة او فيها شوائب لان انا غيرت الراديراتير و جيب واحد الومنيا برضو بتسخن فى الاخر وصلت للوصلة بتاعت الماسورة دى هتلاقيها ورا الموتور غيرتها و الحمد لله بقى كله تمام
تبقى ضربه معلم اللى يجيب لنا كتالوج الريجاتا باللغه الانجليزية لان اللى موجود فى المنتدى باللغه الالمانية
بص يا باشا انت لو بتجرى اقرص على الغيارات براحتكانا ساعات بخلى الرابع لحد 125
و ساعات ازيد لو حارق كل اللى قبل كده تمام
لكن انت لو راجل كلاسيك بيت شغل و شغل و بيت سفر بسيط اقولك
حضرتك على ال80 الكربراتير 2 باب الباب التانى بيفتح بعد ال80 لكن قبل كده انت ماشى بالعربية مهما جريت على باب واحد
هات 80 و ركب الخامس
هتلاقى العربية فاقت و لو عاوز تقرص حبة هتقرص و تهدى برضو هتهدى من غير ما تنخع منك
و هتوفر معاك بنزين جامد
انا جربت انواع زيوت اللى ريحنى بجد و مخلى العربية تمام التعاون اللى هوة البرتقالى للريجاتا حلو اوى و لما تزود فتيش حط الزيت الخفيف مش التقيل مش فاكر هوة 90على حاجة بس الحاجات دى بتفرق انا جيبت شيل و جربت حاجات تانية كتير التعاون البرتقالى ناس قالولى علية و طلع جامد جربة
لو معرفتش ارسلها لى على الايميل بتاعى
h_m_rashwan2000@yahoo.com
thank you for you
متشكر جداً لاهتمام حضرتك لكن الزيت ده بيقعد اد ايه وبكام وماشى بيه بقالك اد ايه لانى بستخدم شيل الاصفر وبنزله على 3ونص لكن بقالى مرتين بينزل محروق غير الاول وغيرى كتير اشتكى من شيل الموجود فى السوق حالياً وكله بيشكر فى فيسكو لكن على تجربة حضرتك يا ريت توضحلى اكتر وزيت الفتيس برضو التعاون ولا شيل لان شيل جميل ومريحنى وبحطله 90 فعلاً مش 140
طب يا ريت كل واحد يقول بيستخدم زيت ايه فى العربية وبكام وبيقعد اد ايه وعامل ايه مع العربية
كتالوج فيات ريجاتــا
http://www.4shared.com/file/144929043/6e394726/___online.html
الرابط من احد المواقع فليجازى الله الرافع الأصلى للملف وهو باللغة الانجليزية ومفيد جداً لمالك السيارة
مين يا جماعة عندو الريجاتا مكيفة ؟؟؟
أنا عربيتى مش مكيفة ....بس مجهزة تكييف و المشكلة ان عندى فتحتين واحدة تحت جنب دواسة البنزين و التانية الهواية العريضة اللى تحت الزجاج الأمامى الاتنين دول بيدخلو سخونية الموتور على الكابينة و بيخلوها نار خصوصا فى الجو اللى احنا فيه
أنا كنت عاوز أعرف الفتحات ديه عندك متوصلة بايه علشان أقفلها و أمنع السخونية
كل عام والجميع بخير وربنا يعود العيد علينا بكل خير
تم تغيير سيرفو الفرامل و التكاليف كالتالى :
1- سيرفو صينى تم ترشيحه بواسطة الميكانيكى تمنه 110 جنيه
2-25 جنيه مصنعية
تم التغيير لتلف السيرفو القديم ...كان بيعمل صوت هوا جامد أما بدوس فرامل و العربية مش بتفرمل غير قبل اخر الدواسة و تقطيع فى العربية أما بدوس فرامل على السرعات العالية
كنت عملت للسرفو طقم اصلاح بدل بدل ما تغيره بيتعمله حشو و كده لكن هوة كان ضايع يعنى ولا ايه
:dontudear::dontudear:كل عام وجميع الريجاتاوية بخير احب حد ينجدنى بمشورته وخبرته سيارتى الريجاتا والتى اشتريتها فى لامضان اللى فات موديل 1987 لكن راكب لها ابواب ريجاتا عادية مش نوفا العربيه بصراحة ملعوب فيها اتارى فاتحة بقها على الاخر ومش عارف اسد عليها لدرجة انى قربت اشهر افلاسى العربيه مش عايزة تتظيط خالص رحت لاكتر من ميكانيكى ومش عارف اعمل ايه اللى يعرف ميكانيكى كويس وعنده ضمير يقوللى ثم الفتيس بيون ورحت لاكتر من ميكانيكى فيتيس وقالو لى الفتيس عايز يتغير والنوع اللى فيها غالى تقريبا بيعدى الالف جنيه واخر نوادره معى وانا مسافر السويس اعيد على العائلة المارش علق فى ترس الفلام وكانت النتيجة ان المارش اتحرق وبوش سنان ترس الفلام ومعرفش سعر الضحيتين المارش وترس الفلام كام ومن زهقى منها سيبتها تحت بيت خالتى فى السويس ورجعت القاهرة انا وعيالى مواصلات ومش طايق اشوفها افيدونى افادكم الله حد من زوى الخبرة
قدر الله وماشاء فعل
اهدا شوية وانشاء الله الاعضاء هيدلوك على اسس صيانه سيارتك حتى تحبها بقدر مانت مضايق منها
ان شاء الله تهتدى الى ميكانيكى كويس يغير لك الفتيس وبعدها شيك على باقى الاعطال وحلها مرة واحدة افضل من ترك عيب ياتى بعيب اكبر
اشكرك يا اخ عمرو الواحد اما يكون متضايق يشعر ان الدنيا قفلت جزاك الله كل خير
ياجماعة ةحد يعرف الصامولة الالومنيوم اللى بجلبة الخاصة بالمساعد الخلفى بتتباع فين احسن انا دايخ عليها ومش لاقيها
السلام عليكم
يا خبراء دلوقتي انا في عندي مشكله في الفتيس و مش عارف احلها و هتضطر اغير الفتيس بنوفا و عشان اغيره هغير طقم دبرياج و فلاام عشان المقاس القديم بتاعي 10 و جديد 13
انا عايز اعرف تغير الفلاام من 10بوصه ل 13 بوصه السحب و الاداء هيبقي ايه ؟؟ و اهم حاجه تجميع اول تاني هيقل ؟؟
و الاداء العام هيقل و لا هيزيد و لا مش هتفرء ؟؟
ارجو اجابه سريعه عشان مستعجل جدا و محتار جدا
و شكرا مقدما
http://www.nilemotors.net/Nile/181288-a.html
اسعار قطع غيار الريجاتا الاصلية الايطالية .. والغير اصلية بتاريخ اليـــــوم ...
--------------------------------------------------------------