هي المشكلة ان الريجاتا دي صعب تلاقي واحدة نظيفة بتتباع
اللي معاه حاجة نظيفة بيطلب سعر عالي والناس ما بتقدرش وبيوصل في النهاية انه ما يبيعش احسن .
عرض للطباعة
يعنى مشتريش من الاخر ولا اية انا معنديش مشكلة انى ادفع بس اركب عربية صح يعنى بالفلوس اللى معايا تجيب اعلى حاجة ريجاتا ولا انى اجيب اقل حاجة شاهين فاهمنى بركب حاجة اقل شوية بس انضف حالة فيها لانى مش هتاجر فيها هركبها و اهلكها فياريت حد لو قدامة حاجة نضيفة يقولى انا تليفونى 0144411800
بص في عضو هنا انا معرفهوش والله وما شفتش عرييته
هو معاه ريجاتا 86 اعتقد انه حالتها كويسة لانه من مشاركاته هتحس ان هو مهتم بيها (لكن ده ما يمنعش انك تكشف عليها بالطريقة اللي تعجبك )
وهو كان عارضها للبيع معرفش لسه عايز يبيع ولا غير رايه ؟
هو اسمه HotRide
سيارة ريجاتا 90 امامى
لو حبيت اتصل بى لابلاغك بمواصفاتها كاملا 0110311370
الحمد لله وعوداً حميداً لاحلى رابطة ريـــــــــــــــــــــــ ــجــــــــــــــــــــــ ـــاتــــــــــا : كنت بسأل ايهما افضل الطاسات الكبس ام المسمار لانى لاحظت ان فى عربيات كتير مركبين طاسات كبس وتلاقى واحدة او 2 واقعين منها رغم انهم مركبين افيز ففكرت احسن فى الطاسات المسمار بس المشكلة ان مفيش غير شكل واحد ومعظم الشاهين مركبه وسعره 35 جنيه وعليه علامة الدوجان وعاوز اعرف طريقة التركيب يعنى افك المسامير عادى بدون استخدام كوريك واركب الطاسة ثم المسامير تانى ام لازم استخدام الكوريك؟؟
في طاسات مخصصة للريجاتا هي بتكون مسمار
وسعرها رخيص جدا انا اشتريتها من 6 شهور ب 15 جنيه الاربعة وحلوين لحد دلوقتي ما اتكسروش
وممكن تجيب الاصلي بتوعها استيراد ودول انا سالت عليهم قبل كدا لقيتهم ب 50 جنيه بس الراجل ده كان غالي ممكن تجيبهم ارخص من كدا وعلى فكرة الاصلي بتاعها مسمار برضو
وانا عندي ما اكتفتش بالمسمار فقط ولكن زودت كل طاسة افيزان زيادة
اما فك الكاوتش من غير كوريك ما اعرفش ايه مدى صحته او خطأه ولكن الاكثر امنا ارفع العربية بكوريك مش هتخسر حاجة .
اشكرك للافادة بس المشكلة علشان تركب طاسات مسمار لازم استخدم الكوريك اربع مرات لاربع طاسات علشان كده كنت بسأل هل ينفع مستخدمش الكوريك خاصة انى مش هغير كوتش ولا حاجة دول مجرد طاسات؟ وبالنسبة للسعر با ريت عندنا فى الزقازيق هذه الاسعار وطبعا لا يوجد استيراد
ايوه ينفع من غير كوريك لانك مش بتفك غير مسمار واحد بس وبتركب الطاسه وبعدين تربط المسمار تاني شغلانه سهاه جدا
لأ
لازم الاربع مسامير
هو صح مسمار واحد هو اللي بيحكم في الاخر
ولكن فتحة المسامير التلاتة الباقيين اضيق من راس المسمار وبالتالي الطاسة مش هتدخل الا لما تفك الاربع مسامير
ونصيحة روح لبتاع الكاوتش وهو هيركبلك الطاسات ومش هياخد اكتر من 3 جنيه وبالمرة بدل اماكن الكاوتشات هات اليمين في الشمال والشمال في اليمين
او اللي ورا قدام واللي قدام ورا
الحكاية دي بتطول عمر الكاوتشات
حد يعرف ميكانيكى فيات كويس و رخيص ناحية جسر السويس أو الحرفيين ؟؟؟
مرحبآ بأغلى أعضاء في أغلى منتدى
يا جماعة أنا كنت عايز أسألكم أنا عندي الدبرياش ناشف قوي بس كان شغال تمام
لكن من كام يوم كده لقيت حاجة غريبة...
الدبرياش بقى لازم قبل ما اقف تمامآ بالسيارة أكون دايس عليه جااااامد لآخر سنه فيه عشان السيارة ما تقفش مني يا كده يا إما أمورها قبل ما تقف وذلك بالإضافة أيضا إلى أن علامة البطارية اللي في الطبلوه دايمآ منوره أو بتنور وتطفي طول ما العربية دايرة فهل هناك علاقة بين اللي حصل في الدبراش ده وعلامة البطارية ولو ما فيش علاقة أومال إيه اللي حصل في الدبرياش ده ؟
حاجة تانيه وهي إن السيارة عندي تحتاج إلى طقم شنبر وجوز كبالن ومقصات...فممكن أعرف دول سعرهم كام بالإضافة لمصنعية تركيبهم تقريبآ وإيه افضل حاجة أجيبها ؟
وآسف على الإطالة
وشكرآ,,,
خلينا ناخد نقطة نقطة ... اولا : الدبرياج : اكيد اللى ركب لك سلك دبرياج حملة ع الاخر ودة خطأ لانة بيقرب عمر الاسطوانة
فعموما دى امرها سهل وهى انك تخلي اي ميكانيكى يخف سلك الدبرياج شوية من الصامولة بتاعتة وهتلاقية خفيف معاك ودى مش محتاجة خبرة . وخلية يتأكد من سلامة الاسطوانة والبلية والديسك الميكانيكى هيعرفهم بخبرتة بدون فك لما يمشى بالعربية
النقطة التانية : موضوع لمبة البطارية .. هى ملهاش علاقة بالدبرياج بس عموما عدى على كهربائى خلية يبص على الديـنمو
ويطمن على سلامة البطارية ويتأكد ان الشحن كويس وسليم . طالما كدة كدة هتاخدها لميكانيكى يبقى بعد متخلص عدى ع الكهربائى . وهيظبط لك موضوع اللمبة .. وخلي بالك لمبة البطارية من الحاجات اللى مش محتاجة تجاهل ابدا يعنى متتأخرش عليها واعملها علشان تنساها . وخلى الميكانيكى يرفع لك السلانسية ثـنة .. لو بترعش بس ع السلانسية تمام ؟
النقطة التالتة : طقم الشنبر انا جبتة بـ 100 ج
طاقم شنبر برازيلى+ الفرش بتاعة = 100 ج من عند " مجدى رامزي " ش ذكى فى التوفيقية روح هناك واسأل على ملك الشنابر ... وبلاش تشتري من الجيزة " ام المصريين " لو حضرتك من القاهرة لانهم بيبعو هناك بضعف السعر
الكبالن والجلب وخلافة : حضرتك ادخل على الموضوع دة كنت عملة فية كل قطع الغيار الخاصة بالريجاتا بأسعارها بأماكنها
واقل اسعار ليها ولو عايز تعرف اسعار الصيني .
http://www.nilemotors.net/Nile/181288-a.html
الله يكرم حضرتك استاذ " محمود " من بعض ما عندكم استاذى :)
بس مش لدرجة مؤسس شركة فيات كبيرة قوي عليا ..
طالما كلنا خضنا التجارب دى وعديت علينا الالاف المرات ووصلنا لحل لها
يبقى واجب علينا نقولها ونوصلها صح للناس .. على الاقل علشان ميتعبوش زينا .. موضوع لمبة البطارية دي عانيت منة
اول مجبت العربية وزقتها كتير لما ايدي ورمت وبقت خبرة ف الزق . ووقتها شافها 3 كهربائية وكلة يقول تمام !
واتضح ان المشكلة عندى كانت ف سيلكونات الدينمو بتعلق .. الكهربائى يقيس الشحن يلاقية تمام يقولي مهو مظبوط اهو
اخرج بالعربية مشوار السيلكونات تسخن والدينمو يقطع .. وهكذا لحد مريحت دماغي وجبت دينمو استيراد ألمانى
والحمد لله زي الفل من وقتها .. حتى المشاكل اللى قبلتنى كانت متعفرتة ومش واضحة . هدف المنتدى
وهدف الرابطة عموما هو ايصال المعلومة بشكل ميسر وسهل وبدون تعب وخوض تجارب مرينا بيها . لك كل الشكر والاحترام على حضورك وردك استاذ محمود
عناوين وتليفونات محلات قطع غيار الماركة الشهيرة فى مصر فيات
الكيلانى
فى 21ش شامبليون - معروف
25799069
25758439
0123316961
ا
لمصرية التركية شوكت
فى 3شارع الوادى من جعفر الصادق الحى السابع مدينة نصر
22626841
22604519
فى 52أ شارع محمد فريد - عابدين
27942940
27956958
فى 13 ش التوفيقية - سنتر السرساوى
25759662
انترناشوينال اوتوبارتس كومبانى
متخصصين ووكلاء لقطع غيار السيارات الايطالية عامة
فى 11ش معهد ناصر - الساحل - شبرا
24315194
22046646
خلفاء على العسال مستورد قطع غيار فيات
فى 107ش رمسيس وسط البلد
25754128
0123496344
شلبى غالب42 ش د البطراوى من عباس العقاد مدينة نصر
24016087
24028792
فيات 2000
فى 12ش زكى التوفيقية
25787533
ميدو شبرا
فى 77ش رمسيس اول التوفيقية
25774453
25789203
ا
خوان الدقاق
فى 5ش زكى - التوفيقية
25755336
فيات 2000
107 ش رمسيس
وسط البلد, القاهرة
التليفون:25751539,25792302
فيات سنتر
59 ش على عبد اللطيف, عابدين, القاهرة
التليفون: 27958771
ميكانيكال فيات
14 ِش التوفيقية , وسط البلد, القاهرة
التليفون:25795972
شركة الفتح
سوق التوفيقية
التليفون:25757682
منقول للافاده + بعض تعديلات واضافات من عندى
السلام عليكم ورحمه الله وبركاته
مشكلة حصلت لى فى سيارتى القديمة سلك الدبرياش اتقطع والحمد لله كان بالقرب من منزلى واشتريت غيرة وركبه ميكانيكى واشتغلنى
لما عرف صديق لى معه فيات 128 قالى انا بركبه بنفسى وبسمع دائما من بعض اصدقلء بيقولوا يجب ان يكون معك سلك دبرياش احتياطى
سؤالى الان هل حد من الاعضاء الريجاتا ركب سلك دبرياش بنفسه ام لا
لو تركيبه سهل اجيب سلك احتياطى معايا خوفا انه ينقطع فى مكان بعيد ومعرفش اتصرف
شكرا للمتابعه
انا ما غيرتش سلك الدبرياش بايدي قبل كدا لكن تركيبه سهل
لو شفت الميكانيكي مرة واحدة هتفهمها
ولكن سلك الدبرياش عمره ما هيتقطع فجاة لازم قبلها تحس ان الدبرياش تقيل وتسمع أصوات صوصوة كتاكيت زي ما بيقولو كل لما تيجي تدوس دبرياش
وساعتها انت ما تستناش لحاد اما يتقطع السلك بيك ؟
وبعدين السلك ده مش غالي
يعني ما فيش داعي حد يجيب لنفسه عطلة و مشاكل علشان سلك ب20 جنيه بالعافية .
وفي النهاية ده كله مش معناه انك مات تشلش قطع غيار احتياط معاك
انا مبسوط قوى برابطه الريجاتا الى فيها كل حاجه عن العربيه ....
ياريت ياجماعه لو حد عنده تابلوه ريجاتا قديم . بمعنى انه غير التابلوه بتاعه وجاب تابلوه جديد فاكيد القديم عنده .
انا كنت عايز فتحتين التكييف الى فى النصف وزراير التكييف الى فى النصف برضه...
وهاخدهم منه بسعر كويس قوى
انا عندى التابلوه كويس بس زراير التكييف بايظه والفتحتين الى فالنص مش موجودين .
وبالنسبه للعضو الى جاب مساعدين خلفى استيراد لو مش عايزهم و حالتهم حلوه ممكن اخدهم منه ويظبطتنى فى السعر .
ايه يا جماعة الرابطة اتحسدت ولا ايه ؟فين الاعضاء وفين النشاط اكيد الشتا عامل عمايله /مش عاوزين كسل وانا هبدأ بسؤال يخرجنا من البيات الشتوى دا/ عاوز احافظ على التبلوه من الشمس ومن التشققات و انا شوفت ناس كتير حاطين فارّو ولكن منظرو وحش فهل فى حاجة بديلة ومنتظر اراءكم
فية اسبراي ملمع للتابلوة موجود لدى اي محل اكسسوارات استخدمت واحد روعة بيخلي التابلوة يبرق ويقعد فترة طويلة لامع
وبيعطى لة رائحة رائعة .. انما موضوع المحافظة علية من التشققات فلا اعتقد طالما السيارة مركونة ف الشمس لازم تعرض
لذلك .. رغم ان الاسبراي مكتوب علية انة بيحمي من الشمس الا انى مش مصدقة .. وممكن دهان طبقة خفيفة من الفازلين
هيحافظ علية بنسبة ضئيلة من الشمس . انا حاطط الفرو دة عندى وشكلي هنزل اشيلة فعلا منظرة مش لطيف
بس المشكلة عندى ان التابلوة بيعكس اشعة الشمس على الزجاج الامامى فبيعق عملية الرؤية فى اليوم المشمس .
يعنى عايز اعمل العكس .. بطلت استخدم الاسبراي بسبب الموضوع دة .. تحياتى لك لخروج الرابطة من البيات الشتوي :)
بالنسبه للشمس فى الركنه استخدم شماسه تحطها على الزجاج الامامى كده هتحافظ على التابلوه من الشمس اثناء الركنه ....
حد ياجماعه لقى حل لفرامل الريجاتا ؟؟؟؟؟؟
انا لسه مغير طنابير امامى وتيل امامى وخلفى والعربيه فراملها غريبه لازم تدوس على الاخر وهى ناشفه اصلا هلشان تعرف توقفها تسحس انك بتوقف تريله او اتوبيس !!!!!!!
اكشف ع السيرفو شوف اخبارة اية
علما ان التيل والطنابير بتاخد وقت عبال مطبع
متستعجلش عليها لو لسة مركبها .. وباردو اكشف ع دورة الفرامل كلها
وبلاش زيت الفرامل ابو علبة صفرا المضروب دة .. فية زيت افضل فى علبة معدن مش متذكر اسمها افضل بكتير
واتأكد انها مش واخدة هوا .. واتأكد باردو من خـــــــــرطوم هوا الماتور اللى واصل من الماتور للسيرفو
ممكن يكون فية قطع ودة اللى يخلي العربية تقيلة ... كأنك بتفرمل العربية وهى مبطلة مش كدة ؟ لو بتحس بالاحساس دة
يبقى غير الخرطوم دة ...والافضل حسب منا جربت ان لما حد يغير تيل والطنابير للعربية مغيرش كلة مع بعضة
لانها هتبقى ضعيفة .. الافضل يغير امامى بس مثلا وينتظر لحد ما تطبع ولما يحس ان الفرامل بقى تمام وبقى يمسك فى الامام قبل الخلف
يروح يغير الخلفي .. وبعد كدة هيحس بالفرق .. حضرتك لما غيرت اكيد غيرت امامى وخلفي
انا بجري فوق ال 120 ع الصحراوي والفرامل الحمد لله كويسة ومغير طنابير وتيل امامى وخلفي ايطالى
واخدت وقت عبال مطبعت جرب وطمنا
شكرا يافندم على المعلومات القيمه دى ...
وانا هراجع عليها تانى رغم ان بتاع الفرامل بيقولى كله مظبوط هو فعلا العربيه بتكلبش فى الارض لما تضرب فرامل بس لاوم تدوس قوى كانك بتحارب !!!!!
هبقى اعدى عليه واشوف تانى ....
مشكوررررررر
الشكر لله وحدة .. احنا هنا كلنا اخوة .. تحت امرك فى اي حاجة
انت ممكن تراجع الخرطوم اللى واصل ما بين السيرفو والماتور بنفسك بسيطة
انما اي حاجة تانية لازم تروح للميكانيكى .. وخلي بالك دى فرامل .. فأياك والتجاهل او التأجيل
انا شاكك ان السيرفو مش بياخد كمية هو مناسبة من الماتور ودة السبب اللى بيخليها تقيلة كدة . عدى علية يكشف لك عليها
ويطمك .. وتبقى تطمنا بعدها .. فية جملة بقولها للى هيشتغل فرامل فى العربية بلاش اقولها لك لانها بضايقهم قوي :)
واشتكى لى الميكانيكى منها :) ما معناها بلاش شغل العك وقلب الزبون فى الفرامل .. بالنسبة لك انت اوعى تقولة او تلمح لة بكدة
خليك بس معة بعينك وخلية يطلع يجربها وقولة ان قلقك دة طبيعي لان دى فرامل يعنى حياة بس ... انا بتعامل مع غفر فلهم طريقة زيهم
عارف ؟ ممكن باردو يكون التيل عندك القديم والطنابير كانو خلصانين خالص .. ولما ركب الجديد رفع دواسة الفرامل
وفى القديم كانت نازلة لتحت قوي ... فانت بتحس انها تقيلة لان الدواسة معاك فوق .. عموماَ .. الفيصل ف الموضوع دة هو الميكانيكى
خلية يطلع يجربها بنفسة وقولنا وخلية يفحص خرطوم هوا السيرفو
فى سؤال كده جه فى دماغى ...
ايه الفرق بين موتور التمبرا وموتور الريجاتا ؟؟؟؟؟
ليه موتور التمبرا ناعم قوى ؟؟؟؟ ولا ده عزل العربيه ؟؟؟؟
اعتقد عزل العربيه فى الريجاتا ميقلش عن التمبرا !!!!!
يعنى لو سقطت موتور تمبرا فى الريجاتا هيبقى ناعم برده وملوش صوت ؟؟؟؟؟
انا مشفتش حوض تمبرا عن قرب بصراحة فمقدرش افتي .
لكن عموما من المعروف ان الريجاتا بتحتاج لعوازل وخصوصا عوازل الحوض
لو حالة الموتور سليمة وعملت عوازل للحوض والمقصورة مش هتسمع صوت نهائى
انا ركبت ريجاتا مع اكتر من واحد .. الماتور مسمعتش صوتة نهائى
علماَ ان الماتور صوتة بيعلي بعد ال 80 ودة العادى بتاعة بس باردو هيوصلك صوتة
طالما مفيش عوازل . ومفيش اي حاجة بتمنع الصوت بشكل 100 %
حتى اللانسر كانت معايا زيرووو وكنت بسمع صوتها ف الجري وزيرو يعنى لسة بخيرها بعوازلها
ناوي اعمل موضوعين بمشيئة الله عن تعديلات فى الريجاتا ..
الموضوع الاول عن : عمل مساحة واحدة كالسيارات الحديثة للريجاتا معدن وليست فيبر .
الموضوع الثانى عن : تعديلات واضافات لكهرباء وتقوية اضواء الريجاتا .
مش عارف هل اعمل موضوع منفصل ولا اكتب هنا .. كل مرة بعمل موضوع منفصل
عموما هبدء برفع الصور وربنا يسهل طالما سهران النهاردة وطلبت سهر
عملت الموضوع بحمد وتوفيق من الله .
رابط الموضوع :
http://www.nilemotors.net/Nile/191340-a.html
صور :
http://www7.0zz0.com/thumbs/2010/12/20/00/894578682.jpg
-*-*-*-
http://www10.0zz0.com/thumbs/2010/12.../247485598.jpg
هكمل باقى الموضوعات بمشيئة الله بأقرب فرصة ممكنة .
1- موضوع العوازل ده اكيد ليه دور كبير فى منع الصوت والحرارة طبعا وانا موافق معاك على الكلام ده خصوصا لو عملت عازل للكبوت من جوه وعازل للحوض وعازل جوه العربيه (العربيه فى عازل جوه الى هو لونه فضى وفيها عازل فى الحوض من ناحيه الموتور عامل زى القماش اعتقد ده الفبريكه بتاعها )
2- وفعلا لو الموتور مظبوط تاكيهات ومفهوش مشاكل او اصوات غريبه فعلا مش هتسمعله صوت انا شوفت كذا ريجاتا وهى ماشيه ملهاش صوت خاالص واعتقد برضه الفتيس بيطلع صوت وونه لو مش مظبوط ولا ده الطبيعى بتاعه ؟؟؟؟؟؟؟
3- انا عندى العكس الموتور مبسمعلوش صوت بعد ال 80 بكون على الخامس مثلا مبمعش صوت خالص
4- طبعا مفيش حاجه بتمنع الصوت 100 %
شكرا لحضرتك هشوف كده واسأله بس انا شكلى اقتنعت بموضوع العزل وحاله الموتور
ربنا يعينك كده ياباشا وتملى الرابطه كلها تعديلات انا بحب التعديلات قوى ومن مناصرى التعديل ....
شكرا للاستاذ حسين(nice) على افكاره الرائعة و انا للاسف مش بشغل المساحة خالص لان عند تشغيلها لا اجد مياه وبتخربش الزجاج ومش عارف يمكن ماتور المياه تالف ونتمنى منك فكرة كدة لتحويل الكاربرتير الى انجكشن
العربية وهى باردة لما اشغلها بتغيب فى الدوارة وبعد لما تدور وهى واقفة بتبطل تانى رغم انى بزود بنزين الى ان اكرر الموضوع عدة مرات وتبدأ تسخن ومطبطلش.. وطبعا الموضوع دا بيضايقنى لانه بيعطلنى وكمان اكيد ممكن يأثر على المارش ...... . فما السبب؟؟ولسة جايب بطارية جديدة
ربنا يكرم حضرتك .. بالنسبة للمساحات فية موتور صغير هتلاقية فى "قربة المية " الموتور دة تأكد ان واصل لة كهربا
خلي الكهربائى يجربة بسلكة من برة زى منا عملت ولو لقيتة بايظ غيرة .. القربة بتيجي بالموتور بتاعها .. انا غيرت القربة
بالموتور . وسعرة رخيص تقريبا 30 ج صيني .. بس قبل دة كلة : اتأكد ان الرشاشات مش مــسدودة لانها سهل تتسد
تعرف ازاي ان الموتور محروق او لاء ؟ شغل المساحات وخلي حد يضغط على دراع المساحات علشان يرش مية
وانت خليك برة وحط ايدك ع الموتور بتاع القربة لو حسيت بزن او سمعت صوتة .. صوتة بيكون عالى يعنى مسموع على فكرة يبقى كدة الموتور شغال ومحتاج تحط مية للقربة لو فاضية وتغير الرشاشات او تجيب ابرة تفتح بيها الرشاشات
انا جبت رشاشات جديدة بعشرين ج .. وقربة بموتور .. وخراطيم " خرطوم المستخدم فى حوض السمك الزينة "
ومشترك بنص جنية باردو موجود عند بتوع اسماك الزينة علشان يقسم خرطوم المية اللى خارج من القربة للاتنين
علشان توصلهم بأتنين رشاش
حضرتك محتاج ميكانيكى يبص ع الكربراتير .. لان ممكن الكربراتير يكون محتاج زبط وغالباَ مسمار الهوا
بجانب ان ف الجو الساقعة بيكون الفتيس تقيل معاك الصبح صح ؟ حضرتك لما تدور تضغط الاول دبرياج وتفضل ضاغط
علية لحد ما تدور .. لان الجو ساقعة بيخلي الزيت عامل زى السمنة كدة بيمسك ف بعضة فتلاقى تروس الفتيس حملت
على الموتور ودة كلة حمل ع المرش " جرب كدة الدوارة بالطريقة دى وقولي " .. كان عندى العيب دة وحاولت فية كتير ودفعت فلوس كتير علشان احلة
حليتة بتغيير طرمبة البنزين + كربراتير استيراد + ضبط الكربراتير + زيت فتيس 90 خفيف.. وطبعا البوجيهات لازم متكونش مرطبة وغالبا بيكون عليها رطوبة من الساقعة وخلى بالك المارش مبيستحملش ضغط ودوارة كتير فلازم تخلي المارش ياخد
نفسة بعد كل محاولة .. انا غيرت ولله الحمد 3 مرشات استيراد ! كل مرة اكع 150ج وعدد موبينة بعدد شعر راسى لما زهقت وحفظت المارش من جوة وعندى مارش ف البيت كان راكب ف العربية فكيتة وقلبت فية
كان بيطير عندى للاسباب تانية خالص .. منها الكربراتير والدوارة .. وواحد زوق زوق ادانى توصيلة ف الطريق وصل الكابلات عكس غلط فطار .. فنصيحة خلي بالك من المارش وبلاش تحمل علية خلية يـتنفس بعد كل محاولة .
لو عايز تريح دماغك من موضوع ضغط الدبرياج حط زيت فتيس خفيف 90 ... بس خلي بالك لازم يكون حالة الفتيس ممتازة . تبقى تطمنا عملت اية
كده اكيد الكربراتير مش مظبوط والكهرباء كمان مش مظبوطه يعنى الاسبراتير ......
بص خلى بالك برده ان العربيه قديمه يعنى لازم تتعبك فى الدوراه شويه لو مش مظبوطه فانت قبل ما تدور دوس كام مره بنزين وراء بعض وبعدين دور وافضل دايس بنزين لحد اما تسخن ولو الشفاط شغال استخدمه فى تسخين العربيه..
هو كربراتير الريجاتا مقرف ....
يادى موضوع التابلوه ده مبوظ سمعه العربيه انا عندى التابلوه مدغدغ ومفيش فتحتين التكييف الى فى النص ولا الزراير والدرج قفلته بمسامير شك علشان اريح دماغى ....
كان فى واحد فى عزبه شلبى برضه بيصلح تابلوهات وخصوصا تابلوه الريجاتا هو بيصلحه ويخليه زى الجديد حسب ماهو قال بـــ 600 جنيه وانا علشان كنت عايز فتحتين التكييف والزراير بتاعت التكييف ومواسير التكييف قالى كله 1000 وانا استغليت الموضوع وقلت مشى كده ......