الموضوع: رابطه محبي ومالكي الريجاتا

المشاركة الأصلية كتبت بواسطة nicegypt

كونتاك الريجاتا والفرق بين الصيني والاصلي

http://www.nilemotors.net/nile/344670-a.html
المعذرة لو الموضوع مش منسق او سرد غير كافي لانى راجع من اسكندرية بدون نوم لايام

مواضيعك دائما اكثر من رائعه
على فكرة انت بتشجعنى ان احاول اعمل كل شىء فى سيارتى بنفسى بخبرتى القليله التى اكتسبتها من خلال المنتدى ومن خلالك ومن خلال مالمشاكل التى وقعت فيها

المشاركة الأصلية كتبت بواسطة wsmmdr

السلام علكيم انا عربيتي ريجاتا نوفا لما اشيل رجلي من علي دواسة البنزين مره واحده اسمع طقطبه مرة واحده وساعات لما ارجع مارشدير اسمع نفس الطقه
ارجو افادتي

ماسورة الشكمان

المشاركة الأصلية كتبت بواسطة wsmmdr

لو امبير الحرارة ما بيرفعشي خالص لكن المروحه شغالة بتشتغل وبتفصل عادي يبقي العيب فين

الامبير او ساعة الحرارة عطلانة .. اعمل قفلة ف فيشة الحرارة اللى موجودة ف بلوك الموتور لو رفع العداد معاك يبقى الامبير شغال والعطل من ساعة الحرارة .

السلام عليكم ورحمه الله وبركاته
لى عتاب حميد مفروش بالورود للاعضاء فى الرابطه الا وهى ادارج المشكلة وبنحاول انا وبعض الاعضاء القلائل وعلى رأسهم اخى وصديقى المهندس حسين فى محاوله حل المشكله
من الممكن ان لا يكون توقاعاتنا هى الحل ولكن صاحب المشكله يذهب ليحل مشكله عن طريق ميكانيكى ولا يأتى لنا بسبب مشكلته فيكون بذلك بخل علينا بمعلومه قد تفيدنى وتفيد الاخرين
فرجاء من له مشكله وكتبها ولم تتوافق معه حلول بعض الاعضاء ان يبلغنا بسبب العطل وطريقة حله وكذلك من اشترى قطعه غيار جديدة يبلغنا بها كى نقف على اخر الاسعار لمحبوبتنا الريجاتا
وسوف اسرد لكم مشكلتى وكيفيه الوصول الى حلها
المشكله
السيارة سخنت فجأه واضريت ان اركنها فى مكان عملى نظرا لقه استخدامها
وتانى يوم اكتشفت تسريبات مياه فشمرت عن ساعدى واوقفت المياه ثم واجهتنى مشكله اخرى الا وهى المروحه لا تعمل عند وصول درجه الحراره وعندما ابطل السيارة تشتغل المروحه ارجع ادور السيارة المروحه تبطل
سألت بعض الاصدقاء قالوا انها قفله وذهب عقلى فى الفنى اللى ركب الانذار ممكن يكون شغله اثر على تفعل المروحه مع درجه الحراره العالية
طبعا فى تلك الحاله مقدرش امشى مشوار طويل 30 كيلو لان الحراره بتطلع فى مشوار 2 كيلو
بعد ماغلب حمارى ذهب لكهربائ بجوار كافتريا بجلس عليها واخبرته وشافها قالى على فكره فى توصيلات خطا وانها السبب (التوصيلات اللى هما الفردتين اللى جايين من البطارية الى الترمستات ) ظبتهم
وقالى دورالسيارة وسبها حتى تصل الحراره ل 90 درجه وفعلا دورتها لكن لم تعمل
الكهربائى اكد لى ان شغله صح ومنع مشكله عدم دوران المروحه وهى شغاله اخبرته اكيد المشكله فى دوره المياه لا تصل الى الريداتير فتمكث فى الماتور واثبت له طالما الماتور ساخن والقربه المياه اللى فيها بارده اذن دوره المياه مش كامله 0
ثم فعلت الاتى نزعت خرطوم راجع المياه الاتى من الريداتير الى القربه ونفخت فيه بقوه مثلما قرأت فى تلك المشكله عمليه عكسيه لدوره المياه وعينى على القربه لاشاهد قوه دفع الهواء هتأثر فى القربه ام لا وركبته
ومشيت بالسيارة مشوار امبير الحراره فى العادى ولم يعلا عن حده ولما رجعت عملى تركت السيارة حتى تعدى درجه الحراره 90 درجه لتأكد من ان الترمستات يعمل وبالتالى المروحه تعمل
والحمد لله الترمستات تمام والمروحه تمام
وحسبى الله فى الصنيعية اللى بتفتى او تعمل كبارى لحل مشكله على حساب مشكله اخرى
خلاصه القول
اذن سخونه السيارة لها ميت سبب وسبب المهم يجب ان نعلم ان دوره المياه مهمه جدا لاى سيارة وممكن تسبب مشاكل كثيرة نحن عن غنا عنها
طيب فى تلك الحاله سخنت منك السيارة ماذا تفعل
1 - التأكد من فيوز المروحه
كيف نزع الفيوز وتركيبه فى مكان اخر اشتغل اذن الفيوز برىء
2 - ممكن تكون المروحه عطلت كيفيه التأكد
احضر أى سلك طوله 10 سم واعمل قفله فى الكلبسين اللى بيركبوا فى الترمستات لو اشتغلت المروحه اذا المروحه تمام والعيب فى الترمستات يجب تغيرة فورا لكن لو المروحه لم تعمل يبقى العيب فى المروحه يجب تغيرها فورا ( على فكرة السلك لا يكهرب وان بتعمل قفله فى كلبسات الترمستات لا تقلق )
واخيرا
رجاء لا تبخل على رابطتنا بكتابه مشكلتك وطريقة حلها يمكن تنقذ بها عضو فى مأزق
وطلب كتابه من كان له مشكله وكيفيه حلها قد طلبها صديقى العزيز المهندس حسين الذى لا يبخل بشىء فى رابطتنا اذا احتجته فى شىء ليكى يوضح لنا بعض الامور
اتمنى من كل عضو فى تلك الرابطه من الان ان يتفاعل فى معنا لنكون لدينا خبرات اكثر نفيد بها انفسنا ونفيد الاخرين

كلام حضرتك مظبوط يا استاذ عمرو .وياليت كل الناس تعمل بيها .. بالنسبة للمروحة احيانا بيتم عكس الارضي مكان الكهربا فالمروحة بتلف العكس وبالتالى دورة التبريد لا تعمل بالشكل المطلوب فيرجي التأكد من اتجاة الهواء

ايضا ياريـت قبل ما الصيف يشد حضرتك تروح لمتخصص ريداتير
يغسلك دورة التبريد بالكامل ويتأكد انها تمام وتشيك على طرمبة المية لان ممكن تكون ضعيفة او بتسرب فخلي
بالك من النقطة دي واشتري راحة بالك بتكلفة بسيطة مقابل الحفاظ على جوان وش سلندر لا قدر الله
ووقفة وعطلة مع الصنيعية وتكلفة مضاعفة

المشاركة الأصلية كتبت بواسطة nicegypt

كلام حضرتك مظبوط يا استاذ عمرو .وياليت كل الناس تعمل بيها .. بالنسبة للمروحة احيانا بيتم عكس الارضي مكان الكهربا فالمروحة بتلف العكس وبالتالى دورة التبريد لا تعمل بالشكل المطلوب فيرجي التأكد من اتجاة الهواء

ايضا ياريـت قبل ما الصيف يشد حضرتك تروح لمتخصص ريداتير
يغسلك دورة التبريد بالكامل ويتأكد انها تمام وتشيك على طرمبة المية لان ممكن تكون ضعيفة او بتسرب فخلي
بالك من النقطة دي واشتري راحة بالك بتكلفة بسيطة مقابل الحفاظ على جوان وش سلندر لا قدر الله
ووقفة وعطلة مع الصنيعية وتكلفة مضاعفة

على فكره هو ده اللى كنت ناوى اعمله لاحقا
وياريت باقى الاعضاء يتفاعلوا اكثر معنا للوصول لاكبر قدر من المعلومات