رابطه محبي ومالكي الريجاتا

**nicegypt** · 15-03-2013 11:19 AM

المشاركة الأصلية كتبت بواسطة khaled mohsen

ياجماعة ياريت حد يفيدنى فى موضوع تابلوة الريجاتا دة عشان موحشلى شكل العربيه من جوة هو مش متبهدل اوى يعنى كل اللي فيه قطمه ولوحه الامبير في واحد بتاع فيبر جلاس قالى اظبطهولك وممكن كمان يترش او يتجلد فانا مش عارف اظبطة ولا ابيعه واركب تابلوة سيينا افضل خصوصا انى شوفت اخ عاملة في المنتدى وشكله جامد الصراحه ... اية رايكو؟؟

القطمة ممكن تجيبها استيراد ب 150 ج فيها مفتاح السخان والانتظار
وممكن تجلد او ترشة اسبري دوكو اسود " علبة اسبراي اسود ب 10 ج " بعدها تروح عند بتاع الكماليات
تنقى مفرش بلون التابلوة يكون كويس وتحطة فوقة وشكلة هيبقى 10 / 10 وتبقى وفرت وقت وفلوس ممكن تجتاجها ف حاجة اهم فيما بعد زي الكهربا او الميكانيكا طالما حالة التابلوة عندك متوسطة .

اما لو مش حبة نهائى وحابب المخاطرة يبقى عليك وعلى تابلوة سينا انزل عزبة شلبي استنضف واحد
بس هاتة بالكونتاك بتاعتة والفيبرة كاملة والطارة واعمل حسابك انك هتعدل الزور عند خراط بعد ما تركب
التابلوة واستنضف كهربائى يكون ثقة وتكون متأكد انة هيعرف يركبة عشان متبقاش مخاطرة

**kabo_dody** · 15-03-2013 10:21 PM

الريجاتا موديل 85 مثلا سعرها كام اليومين دول لو حاله فابريكه دواخل وتكييف عايز سربنتينه على كلام صاحبها ؟

**vet@man** · 15-03-2013 11:11 PM

يا جماعة اية افضل موديلات الريجاتا
واسعارها بتتراوح من كام لكام عشان انا بدور ع واحدة ومش عايز ينضحك عليا
وانا عارف طبعا ان الحالة بتاع العربية بتفرق بس عايز اعرف rang اية

**khaled mohsen** · 16-03-2013 06:11 AM

المشاركة الأصلية كتبت بواسطة nicegypt

القطمة ممكن تجيبها استيراد ب 150 ج فيها مفتاح السخان والانتظار
وممكن تجلد او ترشة اسبري دوكو اسود " علبة اسبراي اسود ب 10 ج " بعدها تروح عند بتاع الكماليات
تنقى مفرش بلون التابلوة يكون كويس وتحطة فوقة وشكلة هيبقى 10 / 10 وتبقى وفرت وقت وفلوس ممكن تجتاجها ف حاجة اهم فيما بعد زي الكهربا او الميكانيكا طالما حالة التابلوة عندك متوسطة .

اما لو مش حبة نهائى وحابب المخاطرة يبقى عليك وعلى تابلوة سينا انزل عزبة شلبي استنضف واحد
بس هاتة بالكونتاك بتاعتة والفيبرة كاملة والطارة واعمل حسابك انك هتعدل الزور عند خراط بعد ما تركب
التابلوة واستنضف كهربائى يكون ثقة وتكون متأكد انة هيعرف يركبة عشان متبقاش مخاطرة

شكرا علي ردك ياباشا وفعلا انا كنت لسة بفكر في موضوع القطمه دة عشان مفكش التابلوة وابوظه خصوصا انى اسمع انه بيتكسر لما بيتفك وبباقى الميزانية اظبط شوية حاجات في العربيه زى انى ارفع العربية شوية من ورا واغير المساعدين الخلفي

**vet@man** · 17-03-2013 12:21 AM

يا جماعة حد يقولى افضل موديلات الريجاتا واسعارها من كام لكام بسرعة
لانى شوفت عربيتين النهاردة تعبونى من الريجاتا
واحدة 84 الطابلوة مدشدش بمعنى الكلمة والموتور خفيف
والتانية 86 والموتور تعبان وفيها بارومة وبيقولك السعر 20 وكلام من دة
دا انا لو ببلاش مش عايزهم
حد ينصحنى بسرعة قبل متدبس يا جماعة الخير

**nicegypt** · 17-03-2013 01:00 PM

المشاركة الأصلية كتبت بواسطة vet@man

يا جماعة حد يقولى افضل موديلات الريجاتا واسعارها من كام لكام بسرعة
لانى شوفت عربيتين النهاردة تعبونى من الريجاتا
واحدة 84 الطابلوة مدشدش بمعنى الكلمة والموتور خفيف
والتانية 86 والموتور تعبان وفيها بارومة وبيقولك السعر 20 وكلام من دة
دا انا لو ببلاش مش عايزهم
حد ينصحنى بسرعة قبل متدبس يا جماعة الخير

المستعمل سوقة علي للاسف وكل العربيات غليت
انا شفت ريجاتا مو 88 ومبهدلة بمعنى الكلمة وصاحبها ماسك ف 24 الف يعنى اللى قالك عشرين دة امسك فية .. الريجاتا لو نضيفة توصل للـ 23 و 24 مستريح وخلي بالك اي مستعمل هتعمل فية شغل لانك بتشتري مستعمل مش زيرو يعنى النضيف منها هتلاقية محتاج جوز مساعدين مثلا بالسوست بتاعتة الخ .

**Ahmed_Ramadan** · 17-03-2013 07:48 PM

السام عليكم ... عندى سؤال مستعجل يا جماعة

قنطرة الفتيس عندى إتكسرت إمبارح و الحمد لله الموضوع ده حصل تحت البيت و جبت ميكانيكى فكها و لحمها بس أنا طبعا مش واثق فى اللحام ده و عاوز أغيرها
تقريبا تعمل كام فى عزبة شلبى مثا و لو فى حد معين بتتعاملوا معاه

**vet@man** · 17-03-2013 10:28 PM

يا جماعة اية رأيكم فى الموتور الكبير بتاع الريجاتا بيقولى 2 كامة بس لسة مشفتوش

**remon_talaat** · 19-03-2013 02:50 PM

يا جماعة انا محتار اغير كربراتير العربية الريجاتا / ولا اصلحو ا تالت مرة (80km ) فى الصفيحة
هو بكام انهاردة ----- لو حد بيصلح كويس بس فى جيزة - شبرا ولا مصرفش علية تانى انا اكتر مرة كان مظبوط عامل (130km) اية رايكو ...... :S

**nicegypt** · 20-03-2013 03:03 AM

المشاركة الأصلية كتبت بواسطة ahmed_ramadan

السام عليكم ... عندى سؤال مستعجل يا جماعة

قنطرة الفتيس عندى إتكسرت إمبارح و الحمد لله الموضوع ده حصل تحت البيت و جبت ميكانيكى فكها و لحمها بس أنا طبعا مش واثق فى اللحام ده و عاوز أغيرها
تقريبا تعمل كام فى عزبة شلبى مثا و لو فى حد معين بتتعاملوا معاه

جديد اسأل عليها عماد ف شارع ذكي التوفيقية 25757596
لو ملقتهاش عندة مدورش ف اي حتة وانزل عزبة شلبي هي ف حدود 150 - 200 والله اعلم مجرد توقع انا نازل العزبة الاسبوع الجاي هسألك عليها .. وللحفاظ ع القنطرة لازم تغير كاوتشة الفتيس اول ما الكاوتش بتاعها يتقطع وتنزل ع الزنبة المعدن تمن الكاوتشة الصيني 20 ج

المشاركة الأصلية كتبت بواسطة vet@man

يا جماعة اية رأيكم فى الموتور الكبير بتاع الريجاتا بيقولى 2 كامة بس لسة مشفتوش

موتور محترم جداّ وتسارع ممتاز .. مشكلتة قلة قطع غيارة فقط لا غير

المشاركة الأصلية كتبت بواسطة remon_talaat

يا جماعة انا محتار اغير كربراتير العربية الريجاتا / ولا اصلحو ا تالت مرة (80km ) فى الصفيحة
هو بكام انهاردة ----- لو حد بيصلح كويس بس فى جيزة - شبرا ولا مصرفش علية تانى انا اكتر مرة كان مظبوط عامل (130km) اية رايكو ...... :s

طالما اتفتح مرة ومتصلحش توكل على الله وهات غيرة استيراد .. انا عملت كدة صرفت علية كتير وف النهاية غيرتة .. المفروض تعمل معاك 220 - 250 ك ف الصفيحة جوة البلد .. يعنى تسافر اسكندرية وترجع ويتبقى 5 لتر ف التانك على ادني تقدير