يعني ايه كيك داون؟

**tabeb** · 31-08-2009 11:19 PM

بسمع كتير عن الكيك داون ازاي بتتعمل؟وايه فايدتها ؟وايه اضرارها؟

**samirayad** · 31-08-2009 11:27 PM

**tabeb** · 01-09-2009 01:15 AM

ممكن شرح اوضح؟

**yoko** · 01-09-2009 01:22 AM

إنك في العربية الإتوماتيك تجيب دواست البنزين لأخرها كإنك بتسقط نقلة في العربية المانويل وده بيعلي الrpm ويدي عزم عالي للعربية فتجمع سرعة أكتر بس عملة كتير بيبوظ العربية يعني متعملهاش غير في الضرورة بس
وأنا جبت وش سلندر في ١٢٨ بسبب تسقيط النقلة ده

**م.محمد مختار** · 26-04-2013 03:58 PM

دي خاصية معمولة للسيارات الأوتو ماتيك علشان تتفادى أي موقف محتاج تجمع فيه عزم زيادة..
كلمة "كيك داون" معناها الحرفي انك تضغط الدواسة للآخر.. وهو ده بالضبط الموضوع. وده في أي عربية أوتو.
العملية دي بتخلي العربية تنزل نقلة وتضخ بنزين أكتر والنتيجة قفزة مفاجئة في سحب العربية (بعد حوالي ثانية تقريباً) وطبعاً حرق كمية أكبر من البنزين.

بشكل عام بعد ثلاث سنين من التحول الى قيادة الأوتو اكتشفت انك بتتحكم جداً في النقلات زي المانيوال بس لما تتعود على العربية وتفهمها.
يعني مثلاً لو بتتسارع من الوقوف وعاوز تأخر النقلات الى rpm عالي ممكن تستخدم الفيتيس (يعني تطلع على 1 الأول وتجيب آخره تقوم تنقل على 2 وبعدين 3 وبعدين d..)
وممكن كمان تتحكم في الموضوع ده كله وانت على الD عن طريق حساسية ضغطتك على الدواسة فقط.. (يعني لو انت على الD ودوست بنزين وثبتّ رجلك السيارة سوف تنقل أوتوماتيك على 2.5 ألف لفة مثلاً لكن لو عاوز تقرص تزود البنزين شوية قبل ما تنقل هتلاقيها ما نقلتش والrpm بيعلى معاك.. لو اديتها كمان -بالتدريج كده- هتلاقيها برضه مكملة ومش بتنقل..
والعكس.. لو انت قررت تخليها تنقل على الجير التالي بعد ما كنت قارص عليها كل اللي عليك انك ترفع رجلك سنة وترجع تدوس تاني هتلاقيها نقلت على طول... بالتعود على عربيتك وسلوكها هتعرف تتحكم في الموضوع ده من غير ما تفكر وبسهولة)
:)
وتحت أمرك في أي استفسار