الموضوع: أفبدووووني ياشباب بالله عليكم

السلام عليكم ورحمه الله وبركاته

انزل سوق السيارات وقدامك السوق مفتوح وبأذن الله حتلاقي عربيات اساسيات كويسه اهم شيئ الاساسيات فـرد الشاسي والشنطه والحوض ..

أنا معايا عربيه ريتمو 1300 سي سي ماتور ريجاتا بتجيب 160 سرعه وهيا خمس نقلات بتعطي راحه للماتور وتوفير في البنزين . . اشتريت العربيه من خمس سنين وبعمل الصيانه بتاعتها زي السيور والتيل وألخ ..
طلبت مني خلال هذه المده .. طرومبه ميه 120 جنيه - طرومبه بنزين 80 جنيه - وطقم مساعدين أسباني ب 800 جنيه وعلبه دريكسيون جديده ب 240 تركي - ومقصات 130 جنيه .علي ماتزكر والاسعار دي مش مؤكده علشان دي اتغيرت من فتره كبيره حوالي سنتين وااغلب قطع غيارها 128

الريتمو عربيه جميله جداا وزي مقولتلك معايا بقالها خمس سنين بس شرط الحاله .. ممكن علشان موضوع الشاسي بتعمل شداد بين المساعدين فوق وتحت بيتكلف 300 جنيه عند سمكري في حرفيين الدوقيه بس مش متزكر اسمو وكمان تغير صدر العربيه بصدر جديد وصدقني حتركب عربيه جديده بس شرط تكون حاله محترمه وتختار قطع غيار غاليه لأن الرخيص مبيقعدش كتير .. وعلي فكره احسن من ال 128 معا احترامي لللاخوه الاعضاء لأن ال 128 قاعدتها وسواقتها مختلفه تماما عن الريتمو الريتمو سياره شبيهه للسيارات الحديثه من حيث التصميم الانيق للتبلوه وقاعده الكراسي والتصميم الخارجي الشبابي .. واي استفسرات اخره انا متواجد معك علي المنتدا .. وجيبلك شويه صور للريتمو

1984-1979



1985