سؤال عن ابيزا 2009

**kojyad** · 01-09-2009 11:06 AM

ياشباب انا معايا ابيزا 94
وان شاء لله نويت اغير لجديد

بس محتاج نصايحكم عن ابيزا 2009 عشان سمعت ان اسعار قطع غيارها ناااااااار ومش متوفره غير في التوكيل
الكلام ده صح

وبعدين هي كام cc معلش انا معرفش عنها اي حاجة

في ناس بتقولي ابعد عن الالماني لأنه غالي ومصاريفه غالية وخليك في حاجة ياباني زي اليارس مثلا اقتصادية

ايه رأيكم؟ , انا شباب ومقدرش على عربية تصرف

يعني عايز اعرف اخبار قطع غيارها ايه ؟؟؟؟ ياريت حد يفدني بالارقام

ياريت يا فادي باشا لو تعرف تفيدني

وجزاكم الله الف خير , وكل سنه وانتم طيبين

**mr_shims_49** · 01-09-2009 12:07 PM

بص يا باشا العربية ماشاء الله ممتازة فعلا انا لسه جايبها العربية بجد حلوة جدا جدا جدا و هي 1600 سي سي و فتيس تيبترونيك
الموتور و الفتيس اللي راكبين فيها بتوع الجيتا و بالنسبة لآسعار قطع الغيار هي هي قطع غيار الكوردوبا و مش غالية علي فكرة و فيها حاجات كتييير اقل من الكوري يعني الفانوس ب 775 و الألنترا فانوسها ب 1200

طقم تيل فرامل أمامي ألماني ---> 280
- طقم تيل فرامل أمامي أسباني ---> 180
- فلتر بنزين ---> 85
- فلتر هواء ---> 95
- فلتر زيت ---> 85
- فانوس أمامي ---> 775
- فانوس خلفي ---> 395
- اكصدام أمامي ---> 1220
- برابريز أمامي ---> 1100 و فيه منه د.جريش ب 800 في التوكيل
- مراية (بالموتور) ---> 850
اعتقد ان الأسعار معقولة جدا جدا و ده كمان تقرير انا عامله عن العربية اقراه و ان شاء الله هايفيدك

http://www.nilemotors.net/Nile/91187-2009.html
و اي استفسار انا تحت امرك

**mr_shims_49** · 01-09-2009 12:22 PM

و انا كنت واخدها ب 110 اعتقد دلوقت هي ب 109 او 108 و صدقني لو جبتها مش هاتندم علي الاقل راكب حاجة اماااااااااااان
و ثبااااااااااااااات رهيب علي الطريق و في الملفات

**ehab_mansour** · 01-09-2009 01:51 PM

انا مع الأستاذ سامح في كل كلامه لكن ليا تعليق بسيط

ياريت يا أخي الفاضل تفكر دائما انت عايز ايه مش الناس اللي عايزه ايه اصل احنا مشكلتنا الأساسيه هنا في مصر هو ان اللي بيشتري دايما بيدور علي اللي الناس عايزاه واللي الناس بتشتريه واللي بيفكرو في سعر بيعه قبل ما يشتروه وده معلش ما تزعلش مني فكر متحجر ومتخلف وهو ده السبب في انتشار سيارات ليست ذات قيمة ولا كفاءة علي حساب سيارات أخري أثبتت للعالم كله انها متقنة التصنيع وذات اعتمادية عاليه جدا

الألماني =قطع غيار اصلية ممتازة ذات اعتمادية عاليه +عربية مش هتفكر في صيانة اي شيء فيها غير بعد 5 ولا 10 سنين + ثبات منقطع النظير + سحب جبار وقوة لا تتخيلها + استهلاك بنزين خيالي بالنسبة للسحب الرائع + ..............
لو قعدت اكتب في المميزات مش هخلص
في الأخر ربنا يوفقك لما يحبه ويرضاه بس شوف انت جربت ايه وعايز ايه

**ehab_mansour** · 01-09-2009 01:54 PM

وكمان انا من رأيي ان الأسعار اللي ذكرت دي من احسن الأسعار ياعم دا الإسبرانزا الصيني اللي الأصلي في قطع غيارها الصيني تقريبا كلها زي دي ويمكن فيه اعلي وربنا يوفقك روح شوف توكيل ابو الفتوح وانت تعرف

**عبد الرحمن اسامه** · 03-09-2009 01:12 AM

انا بقول تستنه الإبيزا ٢٠١٠ أحسن، شوف سورها في موضوع "إبيزا ٢٠١٠" تحفة، معرفش هتبقي بكام، ولا هتنزل امتي.

**mr_shims_49** · 03-09-2009 09:23 AM

المشاركة الأصلية كتبت بواسطة عبد الرحمن اسامه

انا بقول تستنه الإبيزا ٢٠١٠ أحسن، شوف سورها في موضوع "إبيزا ٢٠١٠" تحفة، معرفش هتبقي بكام، ولا هتنزل امتي.

شوف صور الابيزا ال 2010 فعلا بس انا اعتقد انها هاتبقي غالية شوية و كمان انا في رايي عاجبني الشكل اللي معايا عاجبني اكتر

و كمان الموتور بتاع الجديدة هايكون 1400

**beihoo** · 03-09-2009 05:09 PM

المشاركة الأصلية كتبت بواسطة kojyad

ياشباب انا معايا ابيزا 94
وان شاء لله نويت اغير لجديد

بس محتاج نصايحكم عن ابيزا 2009 عشان سمعت ان اسعار قطع غيارها ناااااااار ومش متوفره غير في التوكيل
الكلام ده صح

وبعدين هي كام cc معلش انا معرفش عنها اي حاجة

في ناس بتقولي ابعد عن الالماني لأنه غالي ومصاريفه غالية وخليك في حاجة ياباني زي اليارس مثلا اقتصادية

ايه رأيكم؟ , انا شباب ومقدرش على عربية تصرف

يعني عايز اعرف اخبار قطع غيارها ايه ؟؟؟؟ ياريت حد يفدني بالارقام

ياريت يا فادي باشا لو تعرف تفيدني

وجزاكم الله الف خير , وكل سنه وانتم طيبين

للأسف فيه كلام كتير من كتاب المحفوظات عندنا في سوق السيارات المصري .. زي قطع الغيار الرخيصة و محدش بيفهم فيها و كلام غريب بيروج ليه بعض التجار .. زي مثلا الناس كلها بتقول الانسر البومة أفضل من الشارك و لما سألت في منتدى المتسوبيشي محدش رد عليا رد وافي ...

تماما زي اللي بيقول أسعارها نار .. روح شوف فانوس و إكصدام اللانسر المنتشرة بكام و فانوس و إكصدام الابيزا بكام و ده ألماني و ده ياباني. روح شوف فانوس الكورولا بكام و فانوس الابيزا أو الكوردوبا بكام

ما ينفعش الكلام يبقى على عواهنه كده .. زي اللي بيقولك صيانة اليارس إقتصادية .. طب إقتصادية إزاي ؟؟ مش نفس الزيت اللي هايتحط هنا هو اللي هايتحط هنا ؟؟ و تغيير المساعد هنا هو تغيير المساعد هنا -لو بنتكلم على ميكانيكيا بره التوكيل .. حتى لو إتكلمنا على مستوى أسعار التوكيل هنا و هنا هل الفارق في السعر -لو موجود- يستاهل إني أتنازل عن عربية عجباني أكتر .. بعدين إسأل هي الابيزا دي بتبدأ تأخد قطع غيار بعد أد إيه و اليارس كمان أد إيه .. فيه واحد هنا كان بيقسم إن فيه واحد صاحبه عندهم إبيزا ما بدأش يغير فيها حاجة غير بعد 10 سنين (ما شاء الله).

الفيصل في الموضوع إنك تجيب قطع الغيار هنا بكام و هنا بكام و دي بتعيش -تقريبا- أد إيه و دي بتعيش أد إيه و أسعار الصيانات عشان تقدر تحسم قرارك

-

الموضوع: سؤال عن ابيزا 2009

LinkBack

أدوات الموضوع

عرض

-

-

-

-

-

الخدعة .... -

المواضيع المتشابهه

ابيزا 2009 للبيع

ارباج ابيزا 2009

استفسارات في ابيزا 2009

الكلمات الدلالية لهذا الموضوع

المفضلات

المفضلات

ضوابط المشاركة