الموضوع: Subaru Impreiza VS Honda civic

حضرتك بتقارن هوندا الفطيم بابو غالي طب إزاي وكيل عربياته عاملة مبيعات عالية جدا سمعنه دولية الإمارات مصر مراكزه في كل مكان مع وكيل مش مسوق للعربية كوي مبيعاتها قليلة أنا شخصيا سمعت عن مركزين فقط للسوبارو

لو العربيه اللي بتبيع اكتر و كيلها احسن يبقى "غبور" احسن و كيل في مصر!! و طبعا كلنا عارفين خدمه غبور.

اللي اعرفه "سمع" ان الفطيم كويس.. و اللي جربته "ابو غالي" ممتاز و موضوع ان فيه مركزين صيانه بس, بصراحه انا شايف انهم كتير :D العربيه فعلا مش منتشره عندنا و مش محتاجه مراكز خدمه جديده... بس الانتشار مش مؤشر على ان العربيه افضل (مرسيدس اكتر طبعا من جاجوار هل الجاجوار وحشه؟).. هوه مؤشر فقط على سهوله الصيانه و سهوله البيع.

الهوندا زي التويوتا هي هي و لو في جزر القمر حضرتك لو شفت تقفيل السيتي ( اقل الهوندا) ما كنش ده هيبقى موقفك

محدش قال ان تقفيل الهوندا وحش!! بس مش علشان هوه حلو لازم يبقى احسن من تقفيل سوبارو

شوف الوسيط و شوف الامبريزا بتتباع بكام و السيفيك بكام

في الأول انا قلت ان السعر في الشراء في صالح السوبارو لأنها ارخص... فلازم لما تيجي تبيع العربيه المنتشره اكتر و اللي سعرها زيرو اعلى تتباع مستعمله بسعر اكبر

هوندا اكبر منتج للمحركات في العالم هوندا من الخمسينات بأكثر من 16 موديل حاليا أما سوارو من 69 ب6 موديلات فقط

طبعا لازم انتاج هوندا -او اي شركه تانيه محترمه في العالم- يكون اكبر من انتاج سوبارو لأن ببساطه العالم كله بيطور في نوع واحد من المحركات ال 4 سلندرو بيستفيدو من خبرات بعض (L Engines) و سوبارو لوحدها -و معاها بورش- هما اللي بيطورو نوع تاني بمفردهم (H or Flat or BoxerEngine) فدي نتيجه طبيعيه جدا. و برغم صعوبه تطوير المحركات دي سوبارو واخده جايزه ENGINE OF THE YEAR لمحركها عام 2006

شكرا لسعه صدرك

[quote="PRO-DRIVE"]1 امبريزا كماليات اكتر
2 امبريزا دفع رباعي
3 امبريزا مصفحه من اسفل
4 امبريزا ارخص

quote]

+1

مشكلتها الوحيدة بالنسبة لي إني بحس إن الموتور ال 1600 مش مدي العربية حقها

المشاركة الأصلية كتبت بواسطة محمدايهاب

انا مش فاهم يا أستاذ حسام يعني حضرتك متفق معايا في كل النقط؟؟؟؟طيب فين الخلاف
أنا قلت توكيل الفطيم أحسن ( عالمي- انتشار - قدرة تسويقية - احترام في المعاملات)- أبو غالي مش وحش بس مش ( عالمي-عربياته مش منتشرة -لا يوجد قدرة تسويقية جيدة- مراكزه اقل (قليلة))
أنا قلت تقفيل الهوندا و التويوتا كويس جدا ( الجودة) و اتفق معايا بعض جهابزة الموقع مثل سبعاووي و اييمتا99
أنا قلت إن سعر إعادة البيع ( قصدي هتخسر كام في العربية بعدأما تبيعها بخض النظر عن سعرها انتشارها أو سعرها) أنا مالي أنا بتكلم عن سعر إعادة البيع و حضرتك اتقت معايا إن الهوندا أفضل
أنا قلت الهوندا أكبر مصنع للمحركات في العالم و حضرتك اتفقت معايا ( بعيد عن هما بيطورا ايه السيفيك معروفة عالميا و أخذت جايزة أحسن عربية في فئتها أكتر من مرة و كمان السيفيك الهايبرد اخذت جوايز كتيير جدا )
يبقى فين الإختلاف

انا اسمي احمد حسن مفيش حسام خالص (مع ان حسام حلو بردو)

انا اختلفت معاك لما انته قلت ان السيفيك تقفيلها احسن من الامبريزا و خليت المبيعات مقياس للوكيل الناجح... فيما عدا ذلك كلامي تفصيلل لمداخلتك... مش تفنيد ليه... يعني بوضح للسائل النقط دي و هوه اللي يحكم احتياجاته ايه.

على فكره غير النقط اللي ذكرتها و اللي خلتني اجيب السوبارو.. لو السيفيك كان فيه منها مانيوال كان ممكن اجيبها. فعلا دي مقارنه بين اكتر عربيتين بحبهم في الفئه دي.

[quote="Heshaam"]

المشاركة الأصلية كتبت بواسطة PRO-DRIVE

1 امبريزا كماليات اكتر
2 امبريزا دفع رباعي
3 امبريزا مصفحه من اسفل
4 امبريزا ارخص

quote]

+1

مشكلتها الوحيدة بالنسبة لي إني بحس إن الموتور ال 1600 مش مدي العربية حقها

دي حقيقه... و لو الجمارك نزلت هاتتحل ان شاء الله

أكيد هختار سوبارو و ذلك للأسباب الاتيه :-
1- الوحيده سيدان دفع رباعى
2 - كماليات أكتر
2 - أرخص
4 - متصنعه و متقفله فى اليابان يعنى كل مسمار فيها يابانى 100 %
5 - مصفحه من أسفل
6- شكلها جامد أوى ( دى حاجه شخصيه أنا شايف انها أشيك من السيفيك 100 مره ) ماعدا الامبريزا 2008 شكلها مش عاجبنى
7 - تسويقها فى مصر مش قد كده بس ده لا يدل ان العربيه وحشه
8 - مش منتشره و أنا شخصيا بحب العربيات اللى مفيش حد راكبها كتير
9 - كفايه إن الألمان قالوا إن دى العربيه اليابانيه الوحيده اللى كان نفسهم يخترعوها
10 - الواجهه الأماميه للامبريزا أشرس من واجهه السيفيك
11 - ثباتها على السرعات العاليه تحس انها BMW

9 - كفايه إن الألمان قالوا إن دى العربيه اليابانيه الوحيده اللى كان نفسهم يخترعوها

بصراحه عندهم حق