يا سيدى مبروك مقدما وانا مهندس مدنى وانصحك لوجه الله تدخل مدنى عشان مجالها وفرص وطريقة عملها اوسع انا اتخرجت من 5 سنين واشتغلت فى المقاولين العرب وحسن علام قبلهاوسيبت كله وفتحت مكتب هندسى وحاليا بشتغل ايضا فى وزارة الكهرباء (مثبت )كمان ادامك انك تعمل بزنس خاص لنفسك وعموما انت دلوقت تدخل اعدادى وحتعرف بنفسك اما اللى يقولك عمارة مرتاحين فى الشغل واننا مواقع فى حاجة يا بهوات اسمها المكتب الفنى والمكاتب الاستشارية اللى كل معاناتك فيها حتبقى فى التكييف يعنى من غير موقع و اقدر اكتبلك اسامى الشركات والمصانع والمكاتب فى مصراللى كده وبص على الوظائف الخالية فى الجرايد ومتسمعش كلام الناس اللى بتاخد ع السمع
اما بالنسبة للتصميم والاشراف والله انا شخصيا (يعنى مش سمع) صممت برجين فى بنى سويف غير العمارات فى اسيوط وبنى سيف والقاهرة بينما فرص عمارة اقل لانهم ملهمش فى التصميم الانشائى للمبانى ومحطات المياه والطاقة والموانئ والكبارى ....... الخ وهى فى الاول والاخر رزق محض انت بس اعمل اللى عليك واسال كتير وانا واثق ربنا حيكرمك ولو عايز تعرف اى معلومة عن الشغل او المناهج او اى فرق بين مدنى وعمارة انت اخويا بالظبط وانا تحت امرك اتمنى التوفيق ليك