تـويوتـــا كورولا أو سكودا فانتازيا ؟؟

**kareemhisham** · 04-09-2009 06:30 PM

المشاركة الأصلية كتبت بواسطة ashahin2002

أنا كمان واقع حاليا في نفس الحيرة العربيتين حلوين كل واحدة فيها مميزات و عيوب يعني مثلا الكورولا جامدة كموتور و كماليات غزيرة جدا -قصدي الهاي لاين- لكن الاوكتافيا جامدة برضه شكلا و موضوعا بس فيها مشكلة كبيرة و هي التوكيل و سعر اعادة البيع المتدني و سعرها لأنك في الحالة دي هتشتري الbase line. يا ريت لو حد يقدر يدينا تفصيل كافي للمقارنة لأن أنا بجد خلاص هتجنن و مش عارف أختار

لو انت عايز عربية عملية و مريحة تريحك دلوقتى و بعدين خليك فى الكورولا

لو عايز عربية تكون افخم شوية و يبقى اسمك راكب المانى يبقى هات الاوكتافيا بس خليك عارف انها هتتعبك قدام

**EslaM_NagY** · 04-09-2009 06:48 PM

انا شخصيا بحب الفانتازيا شكلها تحفةةةةةةةةةةةةةة واوروبى.

**Samah AbdAllah** · 04-09-2009 08:37 PM

ارشحلك سكودا فانتازيا
وفى الاول والاخر دى مسألة اذواق

**ashahin2002** · 05-09-2009 04:04 AM

المشاركة الأصلية كتبت بواسطة kareemhisham

لو انت عايز عربية عملية و مريحة تريحك دلوقتى و بعدين خليك فى الكورولا

لو عايز عربية تكون افخم شوية و يبقى اسمك راكب المانى يبقى هات الاوكتافيا بس خليك عارف انها هتتعبك قدام

طيب لو أوكتافيا هتبقي متعبة في ايه و يا ريت يا شباب لو حد يقدر يدينا مقارنة موضوعية من حيث قطع الغيار و أسعار اعادة البيع و التوكيل و كده يعني

**kareemhisham** · 05-09-2009 04:30 AM

المشاركة الأصلية كتبت بواسطة ashahin2002

طيب لو أوكتافيا هتبقي متعبة في ايه و يا ريت يا شباب لو حد يقدر يدينا مقارنة موضوعية من حيث قطع الغيار و أسعار اعادة البيع و التوكيل و كده يعني

بصراحة انا معرش ايه "المتعة" فى الاوكتافيا ,, بس لما اى حد يحط المانى فى مقارنة كل الناس بتنحاز له منغير ابداء اى اسباب غير (الثبات , الفخامة , انها المانى)

انما لما بنيجى نتكلم بالارقام و الحسابات محدش بيتكلم

و بص لو بتسأل على اى حاجة , اى حاجة غير العربية نفسها ,, الكورولا تتفوق فيها

سواء كان قطع غيار او توكيل او سعر اعادة بيع او غيره

**ashahin2002** · 05-09-2009 12:15 PM

كلام جميل بس برضه مفيش أرقام ما هو مش معقول أدفع 168 ألف جنيه في الأوكتافيا او 160 في الكورولا من غير ما ألاقي حد في منتدي متخصص يرد علينا و يدينا الخلاصة.
يا ريت لو حد من القائمين علي المنتدي يساعدنا بمقارنة موضوعية لأن بالشكل ده كل اللي بيحصل هنا اجتهادات و آراء شخصية. احنا عايزين رد عن تجربة و خبرة حتي نتحاشي الوقوع في الخطأ بشراء سيارة تفتح علينا أبواب جهنم و نرجع نقول يا ريت ما اشترينا السيارة دي. لأن كل ما أروح توكيل منهم يعمللي البحر طحينة و يقول ايه ده حد يقارن كورولا بأوكتافيا برضه يا راجل. يعني بتاع الكورولا يقول دي عربية العمر و كلها اوبشنز و بتاع الأوكتافيا يقول يا راجل الكورولا دي تقفيلها تعبان و كفاية انك هتركب حاجة محترمة كفاية انها ألماني - و انا خايف أجيب الاوكتافيا تبقي ألماني أنا أو أجيب الكورولا تطلع فيها القطط الفاطسة بعد كده غير انها مليانة سنسورز و دي مقلقة في جو مصر الجميل المترب و كمان ال 2010 أوتوماتيك عادي لكن الأوكتافيا 3 فتيس في 1 (أوتو - تيبترونيك - ستيبترونيك) بس الكورولا 142 حصان لكن الأوكتافيا 102 بس بالاضافة اني هسيب الأوبشنز الكتير اللي في الكورولا و أروح لأوبشنز أقل الي حد ما.
أنا عندي اقتراح ما تيجو نفضي العربيتين من الأوبشنز و نقارن يعني بكده أظن انها مقارنة ممكن تكون عادلة عشان في الأخر كلها كماليات لكن الأصل هو العربية نفسها.

أرجوكم المساعدة و أسف علي الاطالة.

**kareemhisham** · 05-09-2009 01:26 PM

المشاركة الأصلية كتبت بواسطة ashahin2002

كلام جميل بس برضه مفيش أرقام ما هو مش معقول أدفع 168 ألف جنيه في الأوكتافيا او 160 في الكورولا من غير ما ألاقي حد في منتدي متخصص يرد علينا و يدينا الخلاصة.
يا ريت لو حد من القائمين علي المنتدي يساعدنا بمقارنة موضوعية لأن بالشكل ده كل اللي بيحصل هنا اجتهادات و آراء شخصية. احنا عايزين رد عن تجربة و خبرة حتي نتحاشي الوقوع في الخطأ بشراء سيارة تفتح علينا أبواب جهنم و نرجع نقول يا ريت ما اشترينا السيارة دي. لأن كل ما أروح توكيل منهم يعمللي البحر طحينة و يقول ايه ده حد يقارن كورولا بأوكتافيا برضه يا راجل. يعني بتاع الكورولا يقول دي عربية العمر و كلها اوبشنز و بتاع الأوكتافيا يقول يا راجل الكورولا دي تقفيلها تعبان و كفاية انك هتركب حاجة محترمة كفاية انها ألماني - و انا خايف أجيب الاوكتافيا تبقي ألماني أنا

أو أجيب الكورولا تطلع فيها القطط الفاطسة بعد كده غير انها مليانة سنسورز و دي مقلقة في جو مصر الجميل المترب و كمان ال 2010 أوتوماتيك عادي لكن الأوكتافيا 3 فتيس في 1 (أوتو - تيبترونيك - ستيبترونيك) بس الكورولا 142 حصان لكن الأوكتافيا 102 بس بالاضافة اني هسيب الأوبشنز الكتير اللي في الكورولا و أروح لأوبشنز أقل الي حد ما.
أنا عندي اقتراح ما تيجو نفضي العربيتين من الأوبشنز و نقارن يعني بكده أظن انها مقارنة ممكن تكون عادلة عشان في الأخر كلها كماليات لكن الأصل هو العربية نفسها.

أرجوكم المساعدة و أسف علي الاطالة.

لأ بص الموضوع مش صعب اوى كدة ,, طبعا سيبك من كلام المعارض لان كله عايز يبيع و محدش فينا بيثق فى كلامهم ,,

اولا حضرتك لازم تقول انت عايز ايه بظيط من العربية ؟؟

يعنى بتدور على ركوبة ؟؟ (فانتازيا)

ولا عربية تعيش العمر من غير متتعبك ؟؟ (كورولا)

ثانيا انا عندى ملحوظتين :

1- الكورولا 122 حصان مش 140

2- و الفتيس بتاع الاوكتافيا دة الهوا تيبترونيك ,, دة ميعتبرش ميزة لانه مش بيفرق فى حاجة

ثالثا حضرتك لو فضيت الاتنين من الاوبشنز هتلاقى الكورولا فيها اوبشنز اكتر بردو ,,

نصيحة منى ما دام انت قلقان كدة يبقى خليك فى الكورولا ,, مضمونة و مريحة و عيوبها قليلة

و ياريت محدش يعتبر دة تحيز ,, الشايف اى مشكلة فى كلامى ياريت يقولها

**ashahin2002** · 05-09-2009 02:51 PM

أولا أشكرك يا أستاذ كريم علي ردك و متابعتك للحوار بس أنا كل ما أقرب خلاص من اني أخد قرار أرجع أخاف و أفكر من الأول عشان كده محتاج حد يطمني أنا هقولك علي اللي في بالي من ناحية كل عربية و قوللي رأيك.
الكورولا:
مميزات:
1- موديل لسه جديد يعني لسه قدامهم شويه علي ما يغيروه و بكده أبقي ضمنت اني مش هزعل لأني معايا شكل قديم بعد وقت قلبل.
2- كمايات جامدة (زينون - جنوط - حساسات اضاءة و مطر - كاسيت CD Changer - سمارت كي - ....)
3- واسعة من ورا نوعا ما و مفيهاش البتاع اللي في النص اللي بيضايق اي حد راكب ورا.
4- مساحات تخزينية كتير
5- ايرباجز بالهبل (9) و أنواع فرامل كتيرة
6- تابلوه تحفه و عدادات جامدة
7- موتور قوي 122 حصان
8- توكيل جامد
9- محبوبة جدا في مصر و بياعة
10- قطع غيار أعتقد معقولة الأسعار و متوفرة

عيوب:
1- التقفيل الجنوب أفريقي الناس بتشكك فيه انه وحش
2- الحساسات كتير قوي و دي مقلقة شوية يعني ممكن تخرب بسرعة خاصة في الجو بتاعنا
3- مش عالية عن الأرض (بس مش واطية برضه)
4- مش بفخامة و هيبة الأوكتافيا
5- الصاج بتاعها ضعيف (مش متأكد من المعلومة دي بس هو أكيد أضعف من بتاع الأوكتافيا)
6- الفتيس بتاع 2010 Advanced أوتوماتيك عادي في حين الاتجاه كله ناحية تيبترونيك (سحب المانوال و سهولة الأوتوماتيك) و أنا مش عايز أحرم نفسي من الميزة دي
7- في ناس بتقول عليها خفيفة شوية يعني ثباتها مش جامد و لو ان ناس كتير بتقول غير كده
8- ناقصها كماليات جامدة زي مرايات الضم و الاشارة اللي في المراية (انا عارف انها موجودة في الخليجي) و حساسات الركن (بس دي ممكن تركب بس هل هتبقي زي الأصلية و لا الاكصدام هيبوظ) و تجهيز التليفون.

نيجي بقي لأختها الأوكتافيا:
مميزات:
1- كماليات برضه حلوه (مجهزة لتشغيل التليفون بس هتحتاج تركب الكار كيت في التوكيل - تكييف جامد و ممكن تشغله كل جنب بدرجة حرارة مختلفة و كمان في خلفي)
2- توصيلة Aux
3- الشنطة واسعة جداااااااااااا
4- مرايات كهربا و بتفتح و تقفل كهربا
5- التحكم في الشنطة و تنك البنزين من الريموت
6- فتح الزجاج من الريموت
7- عربية فخمة جدا و مش أي حد يركبها تحس انها تنكة شوية
8- ثبات وهمي علي الطريق كعادة الألماني
9- عالية عن الأرض أكتر من الكورولا
10- حفظ الحاجات الساقة في التابلوه و لو اني متهيألي ده موجود برضه في الكورولا
11- صاج حديد
12- الفتيس 3*1 (اوتوماتيك - تيبترونيك - ستيبترونيك)

عيوب
1- الموديل قديم بس عدلوا فيه شويه
2- التوكيل مش زي بتاع الكورولا طبعا
3- قطع الغيار ربما تكون أغلي من بتاعة الكورولا بس مش عارف كتير و لا لأ و ابه مدي توافرها
4- القاعدة ورا وحشة بسبب التكييف اللي ورا مضيق المكان اللي في النص بالاضافة للبتاع العالي اللي في النص
5- العربية ممكن تكون مش بياعة زي الكورولا (انا ما شفتش حد بيبيعها بصراحة) و ما اعرفش أخبار سعر اعادة البيع ايه هل بتخسر كتير زي باقي الألماني و لا لأ.
6- سحبها بطئ علي السرعات الواطية
7- 102 حصان بس (الظاهر باقي الحصنة كانت في مشوار :))
8- من غير جنوط و لا زينون طبعا زي الكورولا لأنك بتشتري Base Line باختصار كمالياتها أقل.
9- مساحات التخزين أعتقد انها أقل من الكورولا في مقابل الشنطة الواسعة زي ما قلت قبل كده
10- CD اسطوانة واحدة بس مقابل 6 في الكورولا

و شكرا مع اسفي للاطالة

**kareemhisham** · 05-09-2009 04:37 PM

المشاركة الأصلية كتبت بواسطة ashahin2002

أولا أشكرك يا أستاذ كريم علي ردك و متابعتك للحوار بس أنا كل ما أقرب خلاص من اني أخد قرار أرجع أخاف و أفكر من الأول عشان كده محتاج حد يطمني أنا هقولك علي اللي في بالي من ناحية كل عربية و قوللي رأيك.
الكورولا:
مميزات:
1- موديل لسه جديد يعني لسه قدامهم شويه علي ما يغيروه و بكده أبقي ضمنت اني مش هزعل لأني معايا شكل قديم بعد وقت قلبل.
2- كمايات جامدة (زينون - جنوط - حساسات اضاءة و مطر - كاسيت cd changer - سمارت كي - ....)
3- واسعة من ورا نوعا ما و مفيهاش البتاع اللي في النص اللي بيضايق اي حد راكب ورا.
4- مساحات تخزينية كتير
5- ايرباجز بالهبل (9) و أنواع فرامل كتيرة
6- تابلوه تحفه و عدادات جامدة
7- موتور قوي 122 حصان
8- توكيل جامد
9- محبوبة جدا في مصر و بياعة
10- قطع غيار أعتقد معقولة الأسعار و متوفرة

عيوب:
1- التقفيل الجنوب أفريقي الناس بتشكك فيه انه وحش
2- الحساسات كتير قوي و دي مقلقة شوية يعني ممكن تخرب بسرعة خاصة في الجو بتاعنا
3- مش عالية عن الأرض (بس مش واطية برضه)
4- مش بفخامة و هيبة الأوكتافيا
5- الصاج بتاعها ضعيف (مش متأكد من المعلومة دي بس هو أكيد أضعف من بتاع الأوكتافيا)
6- الفتيس بتاع 2010 advanced أوتوماتيك عادي في حين الاتجاه كله ناحية تيبترونيك (سحب المانوال و سهولة الأوتوماتيك) و أنا مش عايز أحرم نفسي من الميزة دي
7- في ناس بتقول عليها خفيفة شوية يعني ثباتها مش جامد و لو ان ناس كتير بتقول غير كده
8- ناقصها كماليات جامدة زي مرايات الضم و الاشارة اللي في المراية (انا عارف انها موجودة في الخليجي) و حساسات الركن (بس دي ممكن تركب بس هل هتبقي زي الأصلية و لا الاكصدام هيبوظ) و تجهيز التليفون.

نيجي بقي لأختها الأوكتافيا:
مميزات:
1- كماليات برضه حلوه (مجهزة لتشغيل التليفون بس هتحتاج تركب الكار كيت في التوكيل - تكييف جامد و ممكن تشغله كل جنب بدرجة حرارة مختلفة و كمان في خلفي)
2- توصيلة aux
3- الشنطة واسعة جداااااااااااا
4- مرايات كهربا و بتفتح و تقفل كهربا
5- التحكم في الشنطة و تنك البنزين من الريموت
6- فتح الزجاج من الريموت
7- عربية فخمة جدا و مش أي حد يركبها تحس انها تنكة شوية
8- ثبات وهمي علي الطريق كعادة الألماني
9- عالية عن الأرض أكتر من الكورولا
10- حفظ الحاجات الساقة في التابلوه و لو اني متهيألي ده موجود برضه في الكورولا
11- صاج حديد
12- الفتيس 3*1 (اوتوماتيك - تيبترونيك - ستيبترونيك)

عيوب
1- الموديل قديم بس عدلوا فيه شويه
2- التوكيل مش زي بتاع الكورولا طبعا
3- قطع الغيار ربما تكون أغلي من بتاعة الكورولا بس مش عارف كتير و لا لأ و ابه مدي توافرها
4- القاعدة ورا وحشة بسبب التكييف اللي ورا مضيق المكان اللي في النص بالاضافة للبتاع العالي اللي في النص
5- العربية ممكن تكون مش بياعة زي الكورولا (انا ما شفتش حد بيبيعها بصراحة) و ما اعرفش أخبار سعر اعادة البيع ايه هل بتخسر كتير زي باقي الألماني و لا لأ.
6- سحبها بطئ علي السرعات الواطية
7- 102 حصان بس (الظاهر باقي الحصنة كانت في مشوار :))
8- من غير جنوط و لا زينون طبعا زي الكورولا لأنك بتشتري base line باختصار كمالياتها أقل.
9- مساحات التخزين أعتقد انها أقل من الكورولا في مقابل الشنطة الواسعة زي ما قلت قبل كده
10- cd اسطوانة واحدة بس مقابل 6 في الكورولا

و شكرا مع اسفي للاطالة

راجع الكلام الانت كتبته هتلاقى انك رديت على نفسك ,,

بص على مميزات الكورولا الانت قلتها هتلاقى انها مميزات جامدة ,,

انما لمل تبص على مميزات الاوكتافيا هتلاقيها ضعيفة.

زاى مثلا لما تروح تسئل على الالنترا بتاعت التوكيل يقلك : "فيها سنتر و ازاز كهربا و راديو سى دى " ,, الهوا مش لاقى حاجة يقولها ,,

نيجى بقا للعيوب ,, اولا التقفيل الجنوب افريقى زاى الفل و اسئل اى حد هنا من ملاكها غرى هتلاقى انه مفيهوش مشاكل و مظهرش اى مشاكل

الحساسات مش كتير اوى ولا حاجة ,, و ياريت لو توضح اكتر النقطة دى عشان لو فيها حساسات فهى اكيد مش اكتر من الفى الاوكتافيا و دى حاجة معروفة فى الالمانى

نقطة 3 و 4 عندك فيهم و ايوا الكورولا مش بهيبة الاوكتافيا

بالنسبة للصاج فهو طبعا مش بقوة الاوكتافيا بس قوى و مش ضعيف خااااااااااالص

نيجى للفتيس ,, التيبترونيك هو هو الستيبترونيك يبقى دة فتيس 2*1 ... اما بالنسبة لسحب المانيوال فدة مش هتلاقى لان سحبه زاى سحب الاوتوماتيك العادى بظبط

اما بالنسبة لموضوع خفيفة فهى اكيد اخف من الاوكتافيا و ثبات الاوكتافيا احسن شوية ,, بس ثبات الكورولا ممتاز جدا و مش هيعملك اى مشاكل

و اخيرا عن الكماليات الناقصة فهى كلها ممكن تتركب بمنتهى السهولة و كلها على بعضها كدة تتكلف حوالى 1500 جنيه .. و على فكرة الكورولا فيها تحكم فى الشنطة من الريموت

ياريت اكون افدتك

الموضوع: تـويوتـــا كورولا أو سكودا فانتازيا ؟؟

LinkBack

أدوات الموضوع

عرض

-

-

-

-

-

-

المواضيع المتشابهه

جنوط سكودا فانتازيا

جنوط سكودا فانتازيا

سكودا فانتازيا

جنوط سكودا فانتازيا

سكودا أوكتافيا فانتازيا

الكلمات الدلالية لهذا الموضوع

المفضلات

المفضلات

ضوابط المشاركة